হ্যুমেন রিসোর্স চাউখৎ-থৌরাংগী মন্ত্রালয়
শ্রী ধরমেন্দ্র প্রধান্না স্তেত/য়ু.তি.শিংগী সেক্রেতরীশিংগী ওইবা নেস্নেল ৱর্কসোপ ওন হাইয়র এন্দ তেক্নিকেল এজুকেসন হৌদোকখ্রে
ৱর্কসোপ অসিনা অকন্বা একাদমিক ব্রেনস্তোর্মিং অমগী ফম্পাক অমা ওইরি – শ্রী ধরমেন্দ্র প্রধান
শ্রী ধরমেন্দ্র প্রধান্না একাদমিক লুচিংবা অমসুং এদমিনিস্ত্রেতরশিংনা মীৎয়েঙ চঙগদবা মরুওইবা হীরম মঙা হৌদোকখ্রে
Posted On:
12 NOV 2024 1:44PM by PIB Imphal
কেন্দ্রগী মহৈ মশিংগী মন্ত্রী, শ্রী ধরমেন্দ্র প্রধান্না ঙসি নই দিল্লীদা নুমিৎ নিনি চত্থগদবা স্তেত/য়ু.তি.শিংগী সেক্রেতরীশিংগী ওইবা হাইয়র এন্দ তেক্নিকেল এজুকেসনগী নেস্নেল ৱর্কসোপ অমা হৌদোকখ্রে। এজুকেসন, অমসুং দিভেলপমেন্ত ওফ নোর্থ ইস্তর্ন রিজনগী রাজ্য মন্ত্রী দোক্তর সুকান্ত মজুমদারসু থৌরমদুদা শরুক য়াখি। সেক্রেতরী, দিপার্তমেন্ত ওফ হাইয়র এজুকেসন, শ্রী কে. সঞ্জয় মুর্তী; এদিস্নেল সেক্রেতরী, দিপার্তমেন্ত ওফ হাইয়র এজুকেসন, শ্রী সুনিল কুমার বর্নৱাল; চেয়রমেন, UGC, প্রোফেসর এম. জগদেশ কুমার; জোইন্ত সেক্রেতরী, দিপার্তমেন্ত ওফ হাইয়র এজুকেসন, শ্রীমতী মনমোহন কৌর; স্তেত/য়ু.তি.শিংগী সেক্রেতরীশিং, একাদমিক্সিয়নশিং, ইন্সতিত্যুৎশিংগী মকোকশিং, অমসুং মন্ত্রালয়গী ওফিসিএলশিংসু শরুক য়াখি।
থৌরমদুদা ৱা ঙাংলদনা, শ্রী প্রধান্না ৱর্কসোপ অসিনা, মরুওইনা কমদৌনা মহৈ মশিংনা হিংবদা কোম্বা, পর কেপিতা ইনকম হেনগৎহন্বা অমসুং প্রধান মন্ত্রী শ্রী নরেন্দ্র মোদীনা থম্লিবা লৈবাক্কী প্রাইওরিতীশিং ফংহনবদা মশক থোক্না ফীভম ফগৎহন্বা ঙমগনি হায়বগী মরমদা অকন্বা একাদমিক ব্রেনস্তোর্মিং তৌনবগী ফম্পাক অমা ওইগনি হায়খি। লৈবাক অসিনা ইন্দস্ত্রী ৪.০না পুরক্লিবা খুদোংচাবশিং শীজিন্নদুনা পোত্থোক পুথোকপা শেন্মিৎলোন অমা ওইরকপা অমসুং মালেমগী থাক্তগী হেন্না ৱাংবা মহৈ মশিংগী ইনফ্রাস্ত্রকচর শেমগৎপা মথৌ তাই হায়নসু মহাক্না হায়খি। মহৈ মশিংগী ইনফ্রাস্ত্রকচর হায়বসি মায়কৈ কয়া লোঙবা ৱাখল্লোন অমনি অমদি শঙগুম্বা খরা শাগৎপখক্তনা লোইদে হায়না মহাক্না মখা তাখি।
মন্ত্রীনা একাদমিক লুচিংবশিং অমসুং এদিমিনিস্ত্রেতরশিংনা মীৎয়েঙ চঙগদবা মরুওইবা হীরম মখা হৌদোকখি। হায়রিবশিং অদুদি ইনোভেতিব ওইবা ফন্দিংগী খুত্থাঙদা পব্লিক য়ুনিভর্সিতীশিং মপাঙ্গল কনখৎহন্বা; ইন্দস্ত্রীগী দিমান্দকী মতুং ইন্না অমসুং স্তেত/য়ু.তি.শিংগী মথৌ তাবগী মতুং ইন্না করিকুলম চুননা শেম্নবা থিঙ্ক তেঙ্ক লিংখৎপা; মালেমগী প্রোব্লেমশিংগী পাম্বৈ পুরকপদা লুচিংবগী শক্লোন লৌনবা রিছর্চ অমসুং ইনোভেসনগী লমদা মল্তিদিসিপ্লিনরী এপ্রোচ শীজিন্নবা; মমিং লৈবা কেন্দ্রগী/স্তেত ইন্সতিত্যুসনশিংগা লোয়ননা খুৎশম্ননা চৎমিন্নদুনা স্তেত/য়ু.তি. খুদিংদা একাদমিক লীদর্সিপ দিভেলপমেন্ত প্রোগ্রামশিং য়োকখৎপা; অমসুং শান্ন-খোৎনবা, দিবেত, শৈরেং, দ্রামা, পর্ফোর্মিং আর্ত (NEPগী খুত্থাঙদা হান্ননা ক্রেদিতাইজ তৌখ্রে) হায়রিবশিংসিগী খুত্থাঙদা মশক মচু থোকপা কেম্পসকী পুন্সি হিঙ্গৎহন্বা অমসুং হায়রিবা নন-স্কোলাস্তিক লমশিংসিদা মরুওইবা মীৎয়েঙ পীবনি।
শ্রী প্রধান্না ভারতকী লোলশিংদা মহৈ মশিং তম্বিবগী মরুওইবা ৱাফমশিংসু থমখি। লৈবাক্কী মহৈরোয়শিংগী মফমদা লৈরিবা একাউন্তেবিলিতীগী মতাঙদা পল্লদুনা, ভারতকী মালেমগী মহৈ মশিংগী লুচিংবা ওইরক্নবগীদমক মীপুম খুদিংমক্না পুন্না থবক পায়খৎমিন্নবা তাই হায়না মহাক্না হায়খি।
দোক্তর সুকান্ত মজুমদারনা, মহাক্কী ৱারোলদা, ভারতকী মহৈ মশিংগী লেন্দস্কেপ্পু নেস্নেল এজুকেসন পোলিসী (NEP) ২০২০গী খুত্থাঙদা মশক মওং হোংপোক্নবা প্রধান মন্ত্রী শ্রী নরেন্দ্র মোদীনা মঙলিবা মঙলানগীদমক থাগৎপা ফোঙদোকখি। NEP অসি থৌরাং অমখক্কী ৱাফম নত্তে; মসি ভারতপু মালেমগী ৱাখল লৌশিংগী সুপরপৱার অমা ওইহন্নবগী লম্বী তাক্লিবা অমনি হায়না মহাক্না মখা তাখি। এক্সেস, ইকুইতী, ক্বালিতী, এফোর্দেবিলিতী, অমসুং একাউন্তেবিলিতী হায়রিবা NEP ২০২০গী য়ুম্বী মঙাগী মরমদা পল্লদুনা, দোক্তর মজুমদারনা হায়রিবশিং অসি মতমসিগা চুনবা, পুম্নমক কোনশিন্ব, অমসুং মালেমগী ওইনা চাংদম্নবা ঙমগদবা এজুকেসন সিস্তম অমগী য়ুম্ফম্নি হায়খি। মহাক্না স্তেত অমসুং য়ুতিশিংগী মফমদা NEP ২০২০ মপুং ফানা মওং চুম্না চৎনহন্নবা ৱাফম থমখি। থৌশিল অসি পায়খৎপনা, স্তেতশিংনা শেন্মিৎলোন চাওখৎপা পুরকপা, হৈথোই শিংথোইবা ৱর্কফোর্স পুরকপা ঙমগনি, অমসুং ইনোভেসন অমদি তেক্নোলোজিকেল এদভান্সমেন্ত ফগৎহন্বা ঙমগনি হায়না মহাক্না হায়খি।
শ্রী কে. সঞ্জয় মুর্তীনা, মহাক্কী ৱারোলদা, ৱর্কসোপ অসিগী মরমদা চাউরাক্না থমখি। মহাক্না থৌরম অসিগী মনুং চন্না পাঙথোক্কদবা তেক্নিকেল সেসন ১৪গী মরমদা চাউরাক্না তাকখি। হৌখিবা চহি অহুমসিদা মমুৎ তানা খন্ন-নৈনখিবদগী থোরক্লিবা মরুওইবা ৱাফমশিংগী মরমদসু মহাক্না পুথোক্তুনা থমখি অমসুং য়ুনিভর্সিতীশিংগী ফ্রেমৱর্ক অমা পীগদবা চৎন-পথাপ কুন শেমগৎলে হায়বা ৱাফম ফোঙদোকখি। মদুগীসু মথক্তা, মহাক্না শ্রী ধরমেন্দ্র প্রধানগী মফমদা NEP ২০২০ পায়খৎপগী থবক্তা লমজিংবিবগীদমক অমসুং মহাক্কী ৱাখল্লোন কয়ানা মমল নাইদ্রবা লমজিং পীবিবগীদমক তৌবিমল খঙবা ফোঙদোকখি।
ৱর্কসোপ অসিগী পান্দমদি NEP ২০২০ পায়খৎনবা তোঙান তোঙানবা পাম্বৈ অমসুং থৌওংশিং খঙমিন্নবা; রোদমেপ অমসুং ইম্প্লিমেন্তেসন স্ত্রেতেগীশিং মতিং লৈনা খঙহন্দুনা নোলেজ এক্সচেঞ্জ পুরকপা; স্তেকহোল্দর পুম্নমক পুনশিন্ননবা অমসুং NEP ২০২০ মতিং লৈনা অমদি অপন্বা লৈতনা পায়খৎনবা নেতৱর্ক শেমগৎনবা কম্মন প্লেতফোর্ম অমা পীবা, অমসুং মসি স্তেত ইন্সতিত্যুসনশিংদা শীজিন্ননবা পুক্নিং থৌগত্তুনা, হেন্না চাউবা, পুম্নমক কোনশিন্বা, অমসুং মালেমগী ওইনা চাংদম্নবা ঙমগদবা এজুকেসন সিস্তেম অমা ভারত পুম্বদা পুরকপনি।
NEP ২০২০ চৎনহন্বনা স্তেতশিংগী হাইয়র এজুকেসন সিস্তেমদা কান্নবা কয়া পীরি। মসিনা হেন্না হৈথোই শিংথোইবা ৱর্কফোর্স অমা শেমগত্তুনা, ইনভেস্তমেন্ত চিংশিন্দুনা, অমসুং চাওখৎপা পুরক্তুনা শেন্মিৎলোন চাওখৎহনগনি। হাইয়র এজুকেসনবু মালেমগী স্তেন্দর্দকা চুনহন্দুনা, মসিনা স্তেতশিংগী এজুকেসন সিস্তেমশিংগী মালেমগী ওইনা চাংদম্নবা ঙম্বগী মতিং হেনগৎহন্দুনা, মালেমগী মহৈরোয়শিংগী পুক্নিং হেন্না চিংশিনগনি অমসুং কোলাববোরেন পুরক্কনি। পোলিসী অসিনা রিছর্চতা মরুওইবা মীৎয়েঙ থম্লি অমসুং মল্তিদিসিপ্লিনরী এপ্রোচ অমনা স্তেতশিংগী মনুংদা ইনোভেসন পুরকহন্দুনা তেক্নোলোজিকেল এদভান্সমেন্ত অমসুং শেন্মিৎলোনগী কান্নবা পুরক্কনি।
হাইয়র এজুকেসন্দা NEP ২০২০ মায় পাক্না পায়খৎপা হায়বসিদা স্তেত লৈঙাকশিংনা ইচঙ থৌনা শরুক য়াবা অমসুং খোঙফম চেৎনা লেপ্পা মথৌ তাই। কেন্দ্র লৈঙাক্কী স্কীমশিংগী কান্নবা লৌদুনা অমদি স্তেত পোলিসীশিং NEP ২০২০গা চুনহন্দুনা, স্তেতশিংনা মখোয়গী এজুকেসন সিস্তেমবু মখোয়গী তোপ তোপ্পা নাৎকী শক্তমশিং ঙাক্না ২১শুবা চহিচাগী শিংনবশিং থেংনবা ঙম্নবা থাক্তা শেমগৎনবা তাঞ্জা ফংগনি।
নুমিৎ নিমি চত্থগদবা ৱর্কসোপ অসিদা, ইম্পব্লিমেন্তেসন – চেলেঞ্জেস এন্দ রোদমেপ; তেক্নোলোজী ইন এজুকেসন; কোলোবোরেসন ইন এজুকেসন; দিজিতেল গভর্নেন্স; কেপাসিতী বিল্দিং এন্দ লীদর্সিপ; অমসুং ফাইনান্সিং ওফ হাইয়র এজুকেসন হায়বা NEP ২০২০গী থীমশিংদা য়ুম্ফম ওইবা তেক্নিকেল সেসন ১৪ মমিং লৈরবা পেনেলিস্তশিংনা পাঙথোক্কনি।
*****
(Release ID: 2072864)
Visitor Counter : 32