অৱাং-নোংপোক্কী রাজ্যশিংনা হৱায়শিং অমসুং হোর্তিকলচরগী মহৈ-মরোংশিং পুথোকপদা মীৎয়েং থমগদবনি হায়না ভারত সরকারগী কঞ্জ্যুমর এফিয়র্স বিভাগকী সেক্রেতরী শ্রীমতি নিধি খারেনা ঙসি অসামগী গুৱাহাতিদা নোংমগী ওইবা রাউন্দ তেবল খন্ন-নৈনবগী থৌরম অমদা ফোংদোকখ্রে।

মহাক্কী হৌদোক ৱারোলদা সেক্রেতরীনা লৈবাক অসিগী নেস্নেল এভাইলেবিলিতী হেনগৎহন্নবা অমসুং ইম্পোর্তকী মখা পোনবা হন্থহন্নবা অৱাং নোংপোক্কী রাজ্যশিংদা হৱায় পুথোকপা হেনগৎহনবগী পোতেন্সিএল অদু ফোংদোকখি। ইম্পোর্তকী মখা পোনবা হন্থহনবগা লোয়ননা পোৎথোক পুথোকপা হেনগৎহন্দুনা তঙাই ফদবা পোৎলমশিংগী মমল হন্থহনবা ঙমগনি। মসিনা অপুনবা ফুদ ইনফ্লেসন অমসুং শেন্মিৎলোনদা হেন্না চাউবা ইথিল পীগনি হায়না মহাক্না হায়খি। 2027 ফাওবদা হৱায় পুথোকপদা মশা-মরোমদোম লেপচবদা অৱাং-নোংপোক্কী রাজ্যশিংগী থৌদাং য়াম্না মরু ওই হায়না মহাক্না মখা তাখি।

শ্রীমতী খারেনা হায়খি মদুদি রেলৱে রেক্কী খুত্থাংদা তিলহৌ 840 MT পুবা শিপমেন্ত অমা 2024গী নবেম্বর 5দা গুৱাহাতিগী চাংসারি স্তেসনদা  থুংখি। NCCF না অসাম, মেঘালয়া, ত্রিপুরা অমসুং অতৈ অৱাং-নোংপোক্কী রাজ্যশিংগী তোঙান-তোঙানবা জিলাশিংদা তিলহৌ অসি য়েন্থোক্লি। মসিনা অৱাং-নোংপোক্কী রাজ্যশিংদা তিলহৌ পাক-শন্না ফংহল্লগনি অমসুং মমল হন্থহল্লগনি। নাসিকতগী দিল্লী, চেন্নাই অমসুং গুৱাহাতিগুম্বা মরুওইবা মফমশিংদা রেলগী খুত্থাংদা তিলহৌগী বল্ক ত্রান্সপোর্তেসন তৌবগী থবক অসি চহি অসিদা অহানবা ওইনা পায়খৎলি। মরুওইবা মন্দীশিংদা তিলহৌ বল্ক দিস্পোজেল তৌবা অসিনা ফংহনবদা মতেং পাংলি অমসুং মমল হন্থহল্লি।Top of FormBottom of Form

রাজ্যশিংগী মরী লৈনবা দিপার্তমেন্তশিং, রিসর্চ ওর্গনাইজেসনশিং অমসুং অতোপ্পা স্তেকহোল্দরশিং শরুক য়াদুনা অহানবা ওইনা অসিগুম্বা ৱার্কশোপ অমা পাংথোকখ্রে। মসিগী পান্দমদি মহৈ-মরোং ফংহনবা অমসুং মহৈ-মরোংগী মমল লাকশিন্নবা হোলিস্তিক স্ত্রেতেজী অমসুং ইমপ্লিমেন্তেসন
 রোদমেপ অমা শেমগৎপনি।

ভারত সরকারগী কঞ্জ্যুমর এফিয়র্স দিপার্তমেন্তনা NCCF না মতেং পাংদুনা ৱার্কশোপ অসি হৱায় অমসুং হোর্তিকলচরগী মহৈ-মরোং পুথোকপা অমসুং অৱাং-নোংপোক রাজ্যশিংদা চিঞ্জাক্কী মমল য়েংশিনবগী মতাংদা ইসুশিং অসি কোকহন্নবা ৱার্কশোপ অসি পাংথোকখি।

রাউন্দ তেবল কন্সল্তেসনগী এজেন্দাগী মতাংদা পল্লদুনা, কঞ্জ্যুমর এফিয়র্সকী সেক্রেতরীনা পান্দম অসি ফংনবা রাজ্যশিংগী অপুনবা অমসুং ইনক্লুসিব ওইবা থৌওংগী মরুওইবা, দিপার্তমেন্তনা পীবা য়াবা তেংবাং অমসুং মখোয়গী কন্ত্রেক্ত ফার্মিং ইনিসিএতিবকী খুত্থাংদা NCCFনা মতেং পাংবদা লৌরিবা থৌদাং অদু পনখি।

অসাম সরকারগী ফুদ পব্লিক দিস্ত্রিব্যুসন অমসুং কঞ্জ্যুমর এফিয়র্স দিপার্তমেন্তকী এদিস্নেল চীফ সেক্রেতরী শ্রী বিস্বরঞ্জন সামালনা MSPগী খুত্থাংদা লৌমীশিংদা মতেং পাংদুনা রাজ্য অসিদা হৱায় পুথোকপগী অহোংবা পুরকপা, অসামবু মশা-মরোমদোম লেপচবা ঙমহনখিবা অদু পনখি। মহাক্না শরুক য়ারিবা পুম্নমকপু থবক পায়খৎপা য়াবা থৌরাং অমসুং রোদমেপ শেমগৎনবা ৱার্কশোপ অসিদা হায়খি।

ৱার্কশোপ অদুগী মনুংদা ICARগী মীহুৎনা রিসর্চকী খুমাং চাউশিল্লকপা, অৱাং নোংপোক্কী রাজ্যশিংগীদমক মতিক চাবা হৱায় মখলশিং ফংলিবা অমসুং রাজ্যশিংদা হৱায় পুথোকপদা মতেং পাংগদবা লমদম অসিদা লৈরিবা পলস সিদ হবশিং অদু ফোংদোকখি।

লৌউ-শিংউ অমসুং লৌমীশিংগী য়াইফ-থৌরাংগী বিভাগনা লৌমীশিংদা ক্বালিতী লৈবা মহৈ-মরোংশিং ফংহনবদা রাজ্যশিংদা মতেং পাংনবা সিদ মিনি কিৎ য়েন্থোকপগী খোঙথাং অদু শন্দোক্না তাকখি। মসি রাজ্যগী মীহুৎশিংনা থাগৎখি।

NCCFকী MD, শ্রীমতি অনীস জোসেফ চন্দ্রনা NCCFনা পলস পুথোকপদা মতেং পাংনবা পায়খৎলিবা থবকশিং, MSPদা ফার্মরশিংগী রেজিস্ত্রেসন তৌদুনা পলস পুথোকপদা মতেং পাংনবা এক্সন প্লানগী মতাংদা শন্দোক্না তাকখি।

রাজ্যগী মীহুৎ পুম্নমক্না খন্ন-নৈনবদা থৌদাং লৌখি। মখোয়না অৱাবা কয়া থেংনরিবা, মতেং মথৌ তারিবা অমসুং রাজ্যগী থাক্তা মমল লেপহন্নবগীদমক পুন্না থবক তৌমিন্নবা অমসুং রাজ্যশিংদা হৱায়শিং অমসুং হোর্তিকলচরগী মহৈ-মরোংশিং হেনগৎহন্নবগীদমক পায়খৎলিবা থবকশিং অদু পনখি।

***

(Release ID: 2071934) Visitor Counter : 11