பொதுத்துறை வங்கிகள், நபார்டு மற்றும் மாநில/யூனியன் பிரதேச அளவிலான வங்கியாளர்கள் குழுவுடன் இணைந்து கால்நடை வளர்ப்பு, பால் பண்ணை மற்றும் மீன்வளம் போன்ற விவசாயம் சார்ந்த நடவடிக்கைகளுக்கு கடன் வழங்குவதில் ஏற்பட்டுள்ள முன்னேற்றத்தை நிதி சேவைகள் துறையின் செயலாளர் திரு எம். நாகராஜு நேற்று ஆய்வு செய்தார். மாநில அரசுகள் / யூனியன் பிரதேசங்கள், கால்நடை பராமரிப்பு மற்றும் பால்வளத் துறை, மீன்வளத் துறை ஆகியவற்றின் பிரதிநிதிகளும் இதில் பங்கேற்றனர்.

நடப்பு நிதியாண்டில் நிர்ணயிக்கப்பட்ட பல்வேறு இலக்குகள் அடையப்படுவதை உறுதிசெய்ய தேவையான அனைத்து நடவடிக்கைகளையும் பொதுத்துறை வங்கிகள் எடுக்குமாறு செயலாளர் வலியுறுத்தினார். மேலும் இந்தத் துறைகளுக்கான கடன் வரத்தை அதிகரிப்பதில் வங்கிகளுக்கு உதவுமாறு மாநில அரசுகளை அவர் கேட்டுக் கொண்டார்.

 விவசாய வளர்ச்சியை ஊக்குவிப்பதில் தொடர்புடைய துறையின் முக்கியத்துவத்தையும், கிராமப்புறங்களில் அதன் வேலைவாய்ப்புத் திறனையும் திரு நாகராஜு அடிக்கோடிட்டுக் காட்டினார் மற்றும் அதனுடன் தொடர்புடைய நடவடிக்கைகளில் கடன் வழங்குவதில் பிராந்திய ஏற்றத்தாழ்வுகளின் போக்கையும் சுட்டிக்காட்டினார். அனைத்து பிராந்தியங்களும் அதனுடன் தொடர்புடைய நடவடிக்கைகளில் பெரும் ஆற்றலைக் கொண்டிருப்பதால், அனைத்துப் பகுதிகளிலும் கடன் வழங்குவதை உறுதிசெய்ய, பிராந்திய அளவிலான மதிப்பீடு/கூட்டங்களை நடத்துமாறு வங்கிகளுக்கு அவர்  உத்தரவிட்டார். மீனவர்களை அடையாளம் கண்டு அவர்களுக்கு கிசான் கடன் அட்டை திட்டத்தின் பலன்களை வழங்குவதில் மாநிலத் துறைகளுடன் ஒருங்கிணைந்து செயல்பட நபார்டு வங்கிக்கு அவர் உத்தரவிட்டார்.

இணைத் தொழில் பிரிவுகளுக்கு குறைந்த வட்டியில் கடன் கிடைக்க வேண்டும் என்பதில் இந்திய அரசு கவனம் செலுத்தி வருவதைக் கோடிட்டுக் காட்டிய  திரு நாகராஜு, இந்தத் துறைக்கான கடன் வரத்தை அதிகரிக்கத் தேவையான அனைத்து நடவடிக்கைகளையும் எடுக்குமாறு பங்குதாரர்களைக் கேட்டுக் கொண்டார்.

BR/TS/KR

(Release ID: 2071037)

***