লৌউ-শিংউ অমসুং লৌমীশিংগী য়াইফ-থৌরাং মন্ত্রালয়না 2024-25গী ওইনা মরু ওইবা লৌউ-শিংউগী মহৈ-মরোংশিং (খারিফ খক্তা) পুথোকপগৌ অহানবা এদভান্স এস্তিমেৎশিং ফোংখ্রে। এস্তিমেৎশিং অসি মপুং ওইনা রাজ্যশিংদগী ফংবা ই-পাউশিংদা য়ুম্ফম ওইখি।

রাজ্যশিংদগী ফংলকপা মহৈ-মরোংশিং অদু রিমোৎ সেন্সিং, ৱিকলি ক্রোপ ৱেদর ৱাৎচ গ্রুপ অমসুং অতোপ্পা এজেন্সীশিংদগী ফংলকপা ইনফোর্মেসনগা লোয়ননা ভেলিদেদ তৌখ্রে অমসুং ত্রাইএঙ্গুলেৎ তৌখ্রে। মসিগী মথক্তা, DA&FW না ইন্দস্ত্রী অমসুং অতোপ্পা সরকারগী দিপার্তমেন্তশিংগী মীহুৎশিংগা লোয়ননা স্তেকহোল্দরশিংগী খন্ন-নৈনবগী খোঙথাং লৌখৎখি। মসিসু এস্তিমেৎশিং শেম্বদা খন্নখি।

রাজ্য সরকারশিংগা খুৎশম্নদুনা দিজিতেল এগ্রিকলচর মিসনগী মখাদা পাংথোক্লিবা দিজিতেল ক্রোপ সর্ভে (DCS) গী দেতাশিং অসি অহানবা ওইনা এরিয়া এস্তিমেৎ শেম্নবা শীজিন্নরে। মেনুএল গির্দাৱারী সিস্তেমগী মহুৎ শিন্দোক্নবা পান্দম থম্লিবা সর্ভে অসি লৌউ-শিংউগী লমগী মপাঙ্গল কনবা এস্তিমেৎতা য়ৌনবগী মায়কৈদা মরু ওইবা খোঙথাং অমনি। DCSদা য়ুম্ফম ওইবা ক্রোপ এরিয়া এস্তিমেসন অসি উত্তর প্রদেশ, মধ্য প্রদেশ, গুজরাত অমসুং ওরিশাগীদমক্তা পাংথোকখ্রে। মসিদা খারিফ 2024দা DCSগী মখাদা জিলা 100% কোনশিনগনি। মসিনা মরু ওইনা উত্তর প্রদেশতা চেং থাবা লমদা চাউনা হেনগৎহনখি।

অহানবা এদভান্স এস্তিমেৎকী মতুং ইন্না 2024-25দা খারিফ চেং-হৱায়গী অপুনবা পোত্থোক অসি 1647.05 লাখ মেত্রিক তন (LMT) ওইগনি হায়না পানরি। মসি মমাং চহিগী খারিফ চেং-হৱায়গী পোত্থোক অসিগা চাংদম্নবদা 89.37 LMT হেনগনি অমসুং খারিফ চেং হৱায়গী এভরেজ পোত্থোক অসিদগী 124.59 LMT হেনগনি। চেং, জোয়ার অমসুং চুজাক্কী অফবা পোত্থোক পুথোকপদগী চেং হৱায় পুথোকপদা রেকোর্দ ওইনা হেনগৎলকখি।

2024-25দা খারিফ চেংগী অপুনবা পোত্থোক অসি 1199.34 LMT ওইগনি হায়না পানরি। মসি মমাং চহিগী খারিফ চেংগী পোত্থোকদগী 66.75 LMT হেনগনি অমসুং এভরেজ খারিফ চেংগী পোত্থোকদগী 114.83 LMT হেনগনি। খারিফ চুজাক্কী পোত্থোক অসি 245.41 LMT ওইগনি অমসুং খারিফ ন্যুত্রি/কোর্স সিরিএলগী পোত্থোক অসি 378.18 LMT ওইগনি হায়না পানরি। মখা তানা, 2024-25গী মনুংদা খারিফগী অপুনবা হৱায় পুথোকপা অসি 69.54 LMT ওইগনি হায়না পানরি।

2024-25দা লৈবাক অসিদা অপুনবা খারিফ ওইল সীদ পুথোকপা অসি 257.45 LMT ওইগনি হায়না পানরি। মসি মমাং চহিগী অপুনবা খারিফ ওইল সীদ পুথোকপদগী 15.83 LMT হেন্না ওইগনি। 2024-25গী ওইনা খারিফ লৈবাকহৱায় পুথোকপা অসি 103.60 LMT ওইগনি অমসুং নুং হৱায় পুথোকপা অসি 133.60 LMT ওইগনি হায়না পানরি।

লৈবাক অসিদা ইং 2024-25দা চুগী পোত্থোক অসি তন লাখ 4399.30 ওইগনি হায়না পানরি। লশিংগী পোত্থোক অসি বেল লাখ 299.26 (অমমমদা 170 kg) ওইগনি হায়না পানরি। জুত অমসুং মেস্তা পুথোকপা অসি বেল লাখ 84.56 (অমমমদা 180 kg) ওইগনি হায়না পানরি।

তোঙান-তোঙানবা মহৈ-মরোংশিং পুথোকপগী অকুপ্পা মরোলশিং মখাদা পীরি:

অপুনবা খারিফকী চেং-হৱায়–1647.05 LMT (রেকোর্দ)

• চেং – 1199.34 LMT (রেকোর্দ)
• চুজাক – 245.41 LMT (রেকোর্দ)
• ন্যুত্রি/ কোর্স সিরিএল্স – 378.18 LMT
• অপুনবা হৱায় – 69.54 LMT
• তুর – 35.02 LMT
• উরদ – 12.09 LMT
• মুং – 13.83 LMT

অপুনবা ওইলসীদস–257.45 LMT

• লৈবাকহৱায় – 103.60 LMT
• নুং হৱায়–133.60 LMT

চু – 4399.30 LMT

লশিং – বেল লাখ 299.26 (অমমমদা 170 Kg)

জুৎ অমসুং মেস্তা – বেল লাখ 84.56 (অমমমদা 180 Kg)

মহৈ-মরোংগী পোত্থোক্কী এস্তিমেৎশিং অসি মরুওইনা অতোপ্পা গ্রাউন্দ লেবেল ইনপুতশিং অমসুং এক্সপেক্তেসনশিংগা লোয়ননা ত্রেন্দ/নোর্মেল পোত্থোক্তা মপুং ওইনা য়ুম্ফম ওই। লৌরোক্কী মতমগী মনুংদা ফংগদবা ক্রোপ-কত্তিং এক্সপরিমেন্তস (CCE)গী খুত্থাংদা ফংবা অশেংবা পোত্থোক্কী রিসিপ্ত মতুং ইন্না পোত্থোক অসি রিভিয়ু তৌগনি, মসিনা মতুংগী পোত্থোক্কী এস্তিমেৎশিং অদু খঙবা ঙমহনগনি।

2024-25 গীদমক অহানবা এদভান্স এস্তিমেৎ (খারিফ খক্তগী) গী অকুপ্পা মরোলশিং অমসুং মমাংগী এস্তিমেৎশিং অসি upag.gov.inদা ফংগনি।

*****