কেন্দ্ৰীয় গৃহ তথা সমবায় মন্ত্ৰী শ্ৰী অমিত শ্বাহে আজি গুজৰাটৰ গান্ধীনগৰ লোকসভা সমষ্টিৰ ট্ৰাষ্টৰ দ্বাৰা পৰিচালিত পুথিভঁৰাল আৰু চৰকাৰী পুথিভঁৰালৰ গ্ৰন্থাগাৰিকসকলৰ সৈতে মত বিনিময় কৰি কয় যে এখন দেশৰ ভৱিষ্যত গঢ়াত পুথিভঁৰালৰ অতি গুৰুত্বপূৰ্ণ ভূমিকা আছে।

এক্স প্লেটফৰ্মৰ এটা পোষ্টত শ্ৰী অমিত শ্বাহে কয়, “যিকোনো দেশৰ ভৱিষ্যত গঢ়ি তোলাত পুথিভঁৰালসমূহে গুৰুত্বপূৰ্ণ ভূমিকা পালন কৰে। আজি গান্ধীনগৰ লোকসভা সমষ্টিৰ ট্ৰাষ্ট পৰিচালিত পুথিভঁৰাল আৰু চৰকাৰী পুথিভঁৰালৰ গ্ৰন্থাগাৰিকসকলৰ সৈতে মত বিনিময় কৰিলোঁ। মই সুখী যে এই গ্ৰন্থাগাৰিকসকলে পুথিভঁৰালৰ অনুৰাগীসকলৰ সৈতে আৱেগিক সংযোগ স্থাপন কৰি কিতাপৰ প্ৰতি আগ্ৰহ বৃদ্ধি কৰিছে। তেওঁলোকৰ প্ৰচেষ্টাৰ বাবে আগন্তুক দিনত এই পুথিভঁৰালসমূহত পাঠকৰ সংখ্যা কমেও ৩০% বৃদ্ধি পাব।”

এই উপলক্ষে কেন্দ্ৰীয় গৃহ তথা সমবায় মন্ত্ৰী শ্ৰী অমিত শ্বাহে তেওঁৰ লোকসভা সমষ্টিৰ অন্তৰ্গত প্ৰতিটো পুথিভঁৰাললৈ দুলাখ টকাৰ গ্ৰন্থ দান কৰে। তদুপৰি তেওঁ আগন্তুক সময়ত কমেও ৩০ শতাংশ পাঠক বৃদ্ধিৰ উপায়ৰ পৰামৰ্শ আগবঢ়ায় আৰু ঐতিহ্যপূৰ্ণ গ্ৰন্থ অনলাইনত উপলব্ধ কৰাৰ ওপৰত গুৰুত্ব আৰোপ কৰে। শ্ৰী শ্বাহে এনে চফটৱেৰ ব্যৱহাৰ কৰাৰ পৰামৰ্শ দিয়ে যিয়ে ব্যক্তিৰ পঢ়াৰ পছন্দ বুজিবলৈ সহায় কৰিব পাৰে আৰু গ্ৰন্থাগাৰিকসকলক তেওঁলোকৰ পছন্দৰ অধিক কিতাপ ক্ৰয় কৰাত সহায় কৰিব পাৰে।

কেন্দ্ৰীয় গৃহ তথা সমবায় মন্ত্ৰী শ্ৰী অমিত শ্বাহে আজি লগতে আহমেদাবাদৰ পিপলাজ গাঁৱৰ সমীপত জিন্দাল নগৰীয়া আৱৰ্জনা ব্যৱস্থাপনাই স্থাপন কৰা ১৫ মেগাৱাট শক্তিৰ আৱৰ্জনাক শক্তিলৈ ৰূপান্তৰ কৰা কাৰখানা উদ্বোধন কৰে।

এক্সৰ আন এটা পোষ্টত শ্ৰী অমিত শ্বাহে অৱগত কৰে, "আজি আহমেদাবাদৰ পিপলাজ গাঁৱৰ সমীপত জিন্দাল নগৰীয়া আৱৰ্জনা ব্যৱস্থাপনাই স্থাপন কৰা ১৫ মেগাৱাটৰ আৱৰ্জনা শক্তিলৈ প্লাণ্ট এটা উদ্বোধন কৰা হয়। ৩৭৫ কোটি টকা ব্যয়ৰে নিৰ্মিত এই উদ্যোগটোৱে প্ৰতিদিনে ১০০০ মেট্ৰিক টন আৱৰ্জনা বিদ্যুৎলৈ ৰূপান্তৰিত কৰিবলৈ সমক্ষ হ’ব। ই সমগ্ৰ আহমেদাবাদ চহৰৰ আৱৰ্জনা ব্যৱস্থাপনা শক্তিশালী কৰিব আৰু শক্তিৰ প্ৰয়োজনীয়তাও পূৰণ কৰিব।”

*****

RK/VV/PR/PS/DB