مرکزی وزیر داخلہ اور تعاون کے وزیر جناب امت شاہ نے آج گجرات کے گاندھی نگر لوک سبھا حلقہ میں ٹرسٹ کے زیر انتظام لائبریریوں اور سرکاری کتب خانوں کے لائبریرین سے بات چیت کی اور کہا کہ ملک کے مستقبل کی تعمیر میں لائبریریوں کا کردار بہت اہم ہے۔

ایکس پلیٹ فارم پر ایک پوسٹ میں، جناب امت شاہ نے کہا‘‘کسی بھی ملک کے مستقبل کی تعمیر میں لائبریریاں اہم کردار ادا کرتی ہیں۔ آج میں نے گاندھی نگر لوک سبھا حلقہ کے ٹرسٹ کے زیر انتظام لائبریریوں اور سرکاری لائبریریوں کے لائبریرین سے بات چیت کی۔ مجھے خوشی ہے کہ یہ لائبریرین کتابوں کاذوق رکھنے والے افراد کے ساتھ جذباتی رابطہ قائم کرکے ان کی دلچسپی کو فروغ دیں گے۔ ان کی کوششوں سے آنے والے دنوں میں ان لائبریریوں میں پڑھنے والوں کی تعداد میں کم از کم 30 فیصد اضافہ ہونے کاامکان ہے۔

اس موقع پر مرکزی وزیر داخلہ اور تعاون کے وزیر جناب امت شاہ نے اپنے لوک سبھا حلقہ کے تحت ہر لائبریری کو دو لاکھ روپے کی کتابیں عطیہ کیں۔اس کے علاوہ انہوں نے آنے والے وقت میں قارئین کی تعداد میں کم از کم 30 فیصد اضافہ کرنے کے طریقے بتائے اور تاریخی ورثے کی حامل کتابوں کو آن لائن دستیاب کرانے پر زور دیا۔ جناب شاہ نے ایسے سافٹ ویئر استعمال کرنے کا مشورہ دیا جو افراد کی پڑھنے کی ترجیحات کو سمجھنے میں مدد دے سکتا ہے اور لائبریرین کو اپنی پسند کی مزید کتابیں خریدنے میں مدد فراہم کرتا ہے۔

مرکزی وزیر داخلہ اور تعاون کے وزیر، جناب امت شاہ نے آج احمد آباد کے پپلاج گاؤں کے قریب جندال اربن ویسٹ مینجمنٹ کے ذریعہ 15 میگاواٹ کے فضلہ سے توانائی پیداکرنے کے پلانٹ کا بھی افتتاح کیا۔

ایکس پر ایک اور پوسٹ میں، جناب امت شاہ نے بتایا،‘‘آج احمد آباد کے پپلج گاؤں کے قریب جندال اربن ویسٹ مینجمنٹ کے ذریعہ 15 میگاواٹ کے ویسٹ ٹو انرجی پلانٹ کا افتتاح کیا۔ 375 کروڑروپےکی لاگت سے بنائے گئے اس پلانٹ کی صلاحیت روزانہ 1,000 میٹرک ٹن کچرے کو بجلی میں تبدیل کرنے کی ہے جس سے پورے احمد آباد شہر کے کچرے کے انتظام کو تقویت ملے گی اور توانائی کی ضروریات بھی پوری ہوں گی۔’’

********

ش ح ۔ ع   و ۔ م  ا

UNO-2015