দিল্লী, ওক্তোবর ৩০, ২০২৪: কেন্দ্রগী পোর্তস, শিপ্পিং অমসুং ৱাতরৱেজগী মন্ত্রী, সর্বানন্দা সোনোৱালনা ঙসি মফম আসিদা দিব্রুগর দেবেলপমেন্ত ওথোরিতী (DDA)না শিনবা দিব্রুগ্র-ভিজন ২০৪৫গী ফাইনেল মাস্তর প্লানগী মতাংদা ফমখিবা মীফম অদুদা শরুক য়াখ্রে। DDAগী মাস্তরপ্লান অসিনা সিতীগী খোংজেল য়াংনা চাউখৎ-থৌরাংগী থবক-থৌরমশিং পাইখৎপদা অমসুং খুমাং-চাউশিনবদা মায়োক্নবা শিংনবশিং অদুবু উখি অমসুং অফবা পুনশি মহিং অমা পীবগা লোইন-লোইননা সস্তেনেবল দেবলপমেন্ত লৈহন্নবগীদমক্তা মোদর্ন সোল্যুশনশিং পীখি।

থৌরম অদুদা ৱাং ঙাংলদুনা, কেন্দ্রগী পোর্তস, শিপ্পিং অমসুং ৱাতরৱেজকী মন্ত্রী, শ্রী সর্বানন্দা সোনোৱালনা হায়খি, “দিব্রুগরগী ফজরবা লেগেসী লৈ, মশাগী ফজরবা পুৱারি লৈ, ঐখোয়না মসিবু অমুক হন্না হিংগৎহনবদা অমসুং শেমগৎপদা ঐকোয়না সস্তেনেবল দেবেলপমেন্তকী ৱাখল্লোন অসি ঙাক্না চত্তুনা থবক-থৌরমশিং পুম্বা পাইখৎকদবনি। প্রধান মন্ত্রী, শ্রী নরেন্দ্র মোদী জীগী ইচং থৌবা লুচিং মখাদা, ভারতনা ২০৪৭ ফাওবদা আত্মানির্ভর ভারতকী ভিজন অদুবু মঙফাওনহনবগী মাইকৈ তম্না য়াম্না য়াংনা খোং থাংজিল্লি। ইকোনোমিক দেবেলপমেন্তকীদমক্তা পোতেন্সিয়েল য়াম্না মরাং কাইনা লৈরবা দিব্রুগরনা চাউখৎপা অমসুং মীপাল তাংদনা মশানা মরোমদোম লেপচবা ঙম্বা অমা ওইহন্নবগী মাইকৈদা কন্না হোৎনরি।

অমসুং লিবিং ক্বালিতী হেনগৎহনবগা লোইননা সস্তেনেবল অর্বান সেন্তর ওফ গ্রোথ। তুংদা, সিতী অদুগী প্রেমাইসশিং অদু স্ক্ব্যার কিলোমিতর ৩৯১ য়ৌবা য়াই, মসিদা তুরেলশিং য়াওনআ ৱাতর বোদীশিংশু লৈগনি। ঐখোয়গী প্লানিংশিং অদু য়াম্না কুপ্না নিংথিনা তৌগদবনি, মদুদা মহৌশা ইমানা থম্বীরম্বা মমল য়াম্লবা খুদোলশিং অসিবু ইকাইখুম্নদুনা মসিবু ঙাকশেন্নবা লৌখৎপা য়াবা খোংথাং খুদিংমক লৌখৎকদবনি। দিব্রুগরগী মাস্তর প্লান অদুনা সস্তেনেবল দেবেলপমেন্ত লৈহন্নবা পাম্বৈশিং পুথোকপা মতমদা মসিগী ৱাফমশিং অসিশু য়েংশিনগদবনি। ঐখোয়গী সহর অসি য়াম্না ফজবা সহরগী মফম অমনি অমসুং ঐখোয়না ওইথোকপা য়াবা খুৎশমগী ঈশিং-ঈচাউ খুদিংমক লাকশিন্নবগী পাম্বৈশিং লৌখৎকদবনি। খ্বাইদগী হেন্না মরু ওইবদি ঈশিং-ঈচাউ অমা হেক থোকপা মতমদা য়াম্না লাকশিন্নবগী সাইন্তিফিক ওইবা পাম্বৈশিং শিজিন্নগদবনি। মহৌশা ইমানা থৌজানদুনা থম্বীরম্বা মহৌশাগী লল ময়াম অসিবু ঐখোয়না ঐখোয়গী তুংগী মীরোলশিংগীদমক্তা নিংথিনা ঙাক-শেন্দুনা থম্নবগী পাম্বৈশিং লৌখৎকদবনি। পোল্যুশনবু হৌরকপা মতমদা মরু ফংনা মুত্থৎনবা মোদী সরকারনা লৌখৎপা অনৌবা খোংথাংশিং খুদম ওইনা ৱেস্ত তু ৱেল্থ নত্রগা ৱেস্ত তু ইনর্জী অসি পাইখৎকদবনি। ঐখোয়না ঙসি পাংথোক্লিবা মীফম অসি হেন্না অশং-অমান লৈবা, হেন্না ফবা অমসুং হেন্না নুংঙাইবা দিব্রুগর অমা ওইহন্নবগীদমক্তা মসিগী ৱাখল্লোন অদু শন্দোক্নবা হোৎনবদা পাইখৎপা খোংথাং অমনি।”

মীফম অদুদা রাজ্যগী এক্স-য়ুনিয়ন মিনিস্তর অমসুং এম.পি. (রাজ্য সভা); দিব্রুগরগী এম.এল.এ., প্রসান্তা ফুকান; দিব্রুগর মুনিসিপাল কোরপোরেশন (DMC)গী মেয়র, দা. সাইকেত পাত্রা, DMCগী দেপ্যুতী মেয়র উজ্বাল ফুকান; চীফ একজিক্যুতিব মেম্বর (CEM), তানকেস্বর সোনোৱাল, সোনোৱাল কাছারি ওতোনোমস কাউন্সিল; দিব্রুগরগী দিস্ত্রিক্ত কমিস্নর, বিক্রম কাইরিগা লোইননা সোসাইতীগী অতোপ্পা শক্নাইরবা মেম্বরশিংনশু শরুক য়াখি।

****