তেলিকোম রিগুলেতরী ওথোরিতী ওফ ইন্দিয়া (TRAI) না ঙসি ‘ফ্রেমৱর্ক ফোর সর্ভিস ওথোরাইজেসন ফোর প্রোভিজন্স ওফ ব্রোদকাস্তিং সর্ভিসেস অন্দর তেলিকম্ম্যুনিকেসন্স এক্ত, ২০২৩’গী কন্সল্তেসন পেপর অমা ফোঙখ্রে‍।

ইনফোর্মেসন এন্দ ব্রোদকাস্তিং মন্ত্রালয়না (MIB) জুলাই ২৫, ২০২৪দা ইখিবা ফাওনচে অমগী খুত্থাঙদা ওফিসিএল গেজেত ওফ ইন্দিয়াদা তেলিকম্ম্যুনিকেসন্স এক্ত, ২০২৩ ফোঙখ্রে হায়না পাউদম্লদুনা TRAI দা রিফরেন্স অমা থাখি‍। নোতিফাই তৌগদবা ৱাৎলিবা তেলিকম্ম্যুনিকেসন্স এক্ত, ২০২৩গী সেক্সন 3(1)(a) না, পীরিবা ফী অমসুং চার্জশিং য়াওনা অপীবা তর্ম অমসুং কন্দিসনগী মখা পোন্না তেলিকম্ম্যুনিকেসন সর্ভিস পীবা পাম্লিবা এন্তিতী/মীওই অমা হেক্তনা ওথোরাইজেসন অমা লৌগদবনি হায়রি‍।

ব্রোদকাস্তিং সর্ভিসেসকী মতাঙদনা, রিফরেন্স অসিনা ফোঙদোক্লি মদুদি DTH, HITS, IPTV, তেলিভিজন চেনেলশিংগী (তেলিপোর্ত য়াওরগা) অপলিঙ্কিং/দাউনলিঙ্কিং, SNG, DSNG, কম্ম্যুনিতী রেদিও, FM রেদিওনচিংবা ব্রোদকাস্তিং প্লেতফোর্ম ময়ামদা হৌজিক্না তেলিকম্ম্যুনিকেসন্স এক্ত, ২০২৩না মহুৎ শিনখ্রবা, ইন্দিয়ন তেলিগ্রাফ এক্ত, ১৮৮৫কী সেক্সন ৪গী মখাদা MIB না লাইসেন্স/ পর্মিসন/ রেজিস্ত্রেসন পীবনি‍।

মন্ত্রালয়না MIB না পীবা তোঙান তোঙানবা লাইসেন্স/ পর্মিসন/ রেজিস্ত্রেসনশিংগী অমসুং ওথোরাজেসনগী তর্ম অমসুং কন্দিসনশিংদা চৎনবা য়াবা তেলিকম্ম্যুনিকেসন্স এক্ত, ২০২৩গী মরী লৈনবা সেক্সনশিংগী মচা খায়বা পোলিসী গাইদলাইনশিং পীবা বেকগ্রাউন্দ নোত অমসু শেয়র তৌখি‍।

MIBনা, ২৫.০৭.২০২৪গী ফাওনচে অসিগী খুত্থাঙদা, TRAI এক্ত, ১৯৯৭গী সেক্সন 11(1)(a)গী মখাদা, ব্রোদকাস্তিং সর্ভিসশিংগী ওথোরাইজেসনগী তর্ম অমসুং কন্দিসনশিং তলিকম্ম্যুনিকেসন্স এক্ত, ২০২৩গী মখাদা রুলশিং ওইনা নোতিফাই তৌবা য়াননবা, তেল্লিকম্ম্যুনিকেসন্স এক্ত, ২০২৩গী পরিংদা চৎহন্নবা অমসংউ তোঙান তোঙানবা সর্ভিস প্রোভাইদরশিংগী তর্ম অমসুং কন্দিসনশিং মান্নহন্নবা পান্দমগা লোয়ননা ব্রোদকাস্তিং সর্ভিসশিং ফংহন্নবা ওথোরাইজেসন পীননবা ফী অমসুং চার্চশিং য়াওনা তর্ম অমসুং কন্দিসনশিংগী রিকম্মেন্দেসন পীরক্নবা TRAI দা খঙহনখি‍।

মসিগী মতুং ইন্না, স্তেকহোল্দরশিংদগী কম্মেন্ত/ কাউন্তর কম্মেন্ত লৌননবা ‘ফ্রেমৱর্ক ফোর সর্ভিস ওথোরাইজেসন ফোর প্রোভিজন্স ওফ ব্রোদকাস্তিং সর্ভিসেস অন্দর তেলিকম্ম্যুনিকেসন্স এক্ত, ২০২৩’গী কন্সল্তেসন পেপর TRAIগী ৱেবসাইত্তা (www.trai.gov.in) থাগৎখ্রে‍। স্তেকহোল্দরশিংদগী কন্সল্তেসন পেপর অসিদা থাঙ্গৎলকপা ৱাফমশিংগী অইবা কম্মেন্তশিং নবেম্বর ২০, ২০২৪ ফাওবদা অমসুং কাউন্তর কম্মেন্তশিং নবেম্বর ২৭, ২০২৪ ফাওবদা থাগৎলক্নবা ৱাফম থম্লক্লি‍।

কম্মেন্ত/ কাউন্তর-কম্মেন্তশিং, য়ারগদি ইমেলদা advbcs-2@trai.gov.in অমসুং jtadvisor-bcs@trai.gov.in দা থারকপা য়াগনি‍। ক্লারিফিকেসন/ ইনফোর্মেসন অমা হেক্তগী মতাঙদা, শ্রী দীপক শর্ম, এদভাইজর (ব্রোদকাস্তিং এন্দ কেবল সর্ভিসেস), TRAIদা তেলিফোন নম্বর +91-11- 20907774 পাউ ফাওরকপা য়াগনি‍।

****