କେନ୍ଦ୍ର ଗୃହ ତଥା ସମବାୟ ମନ୍ତ୍ରୀ ଶ୍ରୀ ଅମିତ ଶାହ ଆଜି ନୂଆଦିଲ୍ଲୀର ଜନଗଣନା ଭବନରେ ସର୍ଦ୍ଦାର ବଲ୍ଲଭଭାଇ ପଟେଲଙ୍କ ପ୍ରତିମୂର୍ତ୍ତି ଉନ୍ମୋଚନ କରିବା ସହ ସିଭିଲ ରେଜିଷ୍ଟ୍ରେସନ ସିଷ୍ଟମ (ସିଆରଏସ) ମୋବାଇଲ ଆପ୍ଲିକେସନର ଶୁଭାରମ୍ଭ କରିଛନ୍ତି ।

ଏକ୍ସ ପ୍ଲାଟଫର୍ମରେ ଏକ ପୋଷ୍ଟରେ ଅମିତ ଶାହ କହିଛନ୍ତି ଯେ ସର୍ଦ୍ଦାର ପଟେଲ ଦେଶକୁ ଏକତାର ସୂତ୍ରରେ ପରିଣତ କରି ଏକ ଶକ୍ତିଶାଳୀ ଭାରତର ମୂଳଦୁଆ ପକାଇଥିଲେ । ଦେଶରେ ଗଣତାନ୍ତ୍ରିକ ମୂଲ୍ୟବୋଧ ପ୍ରତିଷ୍ଠା ଦିଗରେ ତାଙ୍କର ଅତୁଟ ସମର୍ପଣର ପ୍ରମାଣ ସ୍ୱରୂପ ଜାତୀୟ ସ୍ୱାର୍ଥ ପାଇଁ ସଂଘର୍ଷ ଏବଂ ବଳିଦାନର ପ୍ରତୀକ ଲୌହ ପୁରୁଷଙ୍କ ଏହି ପ୍ରତିମୂର୍ତ୍ତି ସମସ୍ତଙ୍କୁ ପ୍ରେରଣା ଯୋଗାଇବ ।

ଏକ୍ସ ପ୍ଲାଟଫର୍ମରେ ଅନ୍ୟ ଏକ ପୋଷ୍ଟରେ ଶ୍ରୀ ଅମିତ ଶାହ କହିଛନ୍ତି ଯେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଡିଜିଟାଲ ଇଣ୍ଡିଆ ପରିକଳ୍ପନା ଅଧୀନରେ ସିଭିଲ ରେଜିଷ୍ଟ୍ରେସନ ସିଷ୍ଟମ (ସିଆରଏସ) ମୋବାଇଲ ଆପ୍ଲିକେସନର ଶୁଭାରମ୍ଭ ପ୍ରଶାସନ ସହିତ ପ୍ରଯୁକ୍ତିବିଦ୍ୟାକୁ ସମନ୍ୱିତ କରିବା ପାଇଁ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ । ଏହି ଆପ୍ ନାଗରିକମାନଙ୍କୁ ଯେକୌଣସି ସମୟରେ, ଯେକୌଣସି ସ୍ଥାନରୁ ଏବଂ ସେମାନଙ୍କ ରାଜ୍ୟର ସରକାରୀ ଭାଷାରେ ପଞ୍ଜୀକରଣ କରିବାକୁ ଅନୁମତି ଦେଇ ଜନ୍ମ ଏବଂ ମୃତ୍ୟୁ ପଞ୍ଜୀକରଣକୁ ଅବାଧ ଏବଂ ଅସୁବିଧାମୁକ୍ତ କରିବ। ଏହା ଦ୍ୱାରା ପଞ୍ଜୀକରଣ ପାଇଁ ଆବଶ୍ୟକ ସମୟ ଯଥେଷ୍ଟ ହ୍ରାସ ପାଇବ।

BS