مرکزی وزیر داخلہ اور تعاون کے وزیر جناب امت شاہ نے آج نئی دہلی میں جن گڑنا بھون  میں سردار ولبھ بھائی پٹیل کے مجسمے کی نقاب کشائی کی اور سول رجسٹریشن سسٹم (سی آر ایس ) موبائل ایپلی کیشن کا آغاز کیا۔

سوشل میڈیا پلیٹ فارم  ایکس پر ایک پوسٹ میں، جناب امت شاہ نے کہا، سردار پٹیل نے ملک کو اتحاد کے دھاگے میں پیرو یا اور ایک مضبوط ہندوستان کی بنیاد رکھی۔ قومی مفاد کے لیے جدوجہد اور قربانی کی علامت آئرن مین کا یہ مجسمہ ملک میں جمہوری اقدار کے قیام کے لیے ان کی غیر متزلزل لگن کے ثبوت کے طور پر سب کو متاثر کرتا رہے گا۔

پلیٹ فارم ایکس  پر ایک اور پوسٹ میں، جناب امت شاہ نے کہا، وزیر اعظم جناب نریندر مودی کے ڈیجیٹل انڈیا کے وژن کے تحت سول رجسٹریشن سسٹم ( سی آر ایس ) موبائل ایپلی کیشن کا آغاز ٹیکنالوجی کو گورننس کے ساتھ مربوط کرنے کی ایک اہم پہل ہے۔ انہوں نے کہا کہ یہ ایپلی کیشن پیدائش اور اموات کے اندراج کو بغیر کسی پریشانی کے اور کسی بھی وقت، کسی بھی جگہ سے اور اپنی ریاست کی سرکاری زبان میں رجسٹر کرنے کی اجازت دے گی۔ اس سے رجسٹریشن کے لیے درکار وقت میں نمایاں کمی آئے گی۔

****

ش ح۔ ف خ

U.No:1897