হন্দক্কী চহি অসিনা ভারত-জর্মনী স্ত্রেতেজিক পার্তনরশিপকী ২৫শুবা চহিনি। ঐখোয়না মথংগী চহি ২৫গীদমক্তা  চাউখৎপা ভারত, #ViksitBharat, অমগীদমক্তা লম্বি য়াত্তুনা থনম্লে। অসিগুম্বা য়াম্না মরু ওইবা তাঙ্কক অসিদা, জর্মন কেবিনেতনা “ফোকস ওন ইন্দিয়া” দোক্যুমেন্ত থাদোরকখিবা অসিদা ঐহাক য়াম্না হরাওই। “ফোকস ওন ইন্দিয়া” দোক্যুমেন্ত অসিনা “ফোর্স ফোর গ্লোবল গুদ” অমা ওইনবআ মালেমগী মকোক থোংবা ইকোনোমী অমসুং দেমোক্রেসী অনি অসিনা করম্না খুৎশম্নদুনা থবক তৌবা য়াগনি হায়বা অসিগী মতাংদা ব্লুপ্রিন্ত অমা উৎলি।

~ প্রধান মন্ত্রী, নরেন্দ্র মোদী

রিপোর্ত অসিগী মরু ওইবা ৱারোলশিং

• দাইনামিক ত্রান্সফোরমেশন: ভারতনা য়াম্না ভাইব্রেন্ত ওইবা দেমোক্রেসী অমসুং চাউখৎলক্লিবা ইকোনোমী অমা ওইনা মশক তাকপা অদুগুম্বা য়াম্না মরু ওইবা অহোংবা পুরকপাগী তাঙ্কক অদুদা লৈরি। মসিগী অওনবা অসি মালেমগি থবক-থৌরমশিংদা মরু ওইনা থৌদাংশিং লৌরক্লিবা অসিনা মশক তাক্লি, মসিনা হেন্না লেং-মান্নবা অমসুং তুং-কোইনা চৎকদবা মালেম অমা শেম্নবগী ভারতকী ফিরেপ অদুবু উৎলি।
• গ্লোবল ইনফ্লুয়েন্স: মালেম অসিগী মীশিং খ্বাইদগী য়াম্বা লৈবাক অমা ওইনা, ভারতনা গ্লোবল পোলিসীশিং শেম্বদা মরু ওইবা থৌদাং লৌই। লৈবাক অসিনা মীপুম খুদিমক্কী তুং-কোইনা চৎকদবা তুংলমচৎ অমা লৈহৌনবগীদমক্তা সস্তেনেবল দেবেলপমেন্ত গোলশিং (SDGশিং) গা মরি লৈননা ক্লাইমেত প্রোতেক্সন, এনভাইরনমেন্তেল সস্তেনেবিলিতী, অমসুং বায়োদাইভর্সিতী কঞ্জার্ভেশনদা হকথেংননা শরুক য়ারি।   
• শান্তিদা শান্দাইননবগী থৌদাং: ভারতনা নাকল অনিগী মরক্তা য়ানদবা অদুবু শান্তি লৈনা ৱারোইশিন পুরক্নবা হোৎনবদা শরুক য়াবা, খুদম ওইনা রসিয়া-য়ুক্রেন লানদা শরুক য়াবা অসিনা মালেমগী ইশুশিংদা দিপ্লোমেসী অমসুং কনস্ত্রক্তিব এনগেজমেন্ততা লৌরিবা ফিরেপ অদুব ময়েক শেংনা তাকই। মসিগী থৌদাং অসিনা মথৌ মশক খঙবা গ্লোবল এক্তর অমা ওইনা ভারতকী মিংচৎ হেনগৎহল্লি।
• রেজনেল স্তেবিলিতী: ভারতনা UN চার্তর অমসুং ইন্তর্নেস্নেল লোগী প্রিন্সিপলশিংদা য়ুমফম ওইবা গ্লোবল ওর্দর অৱাবা মায়োক্নবা রিজন অমদা তংদু লৈতাবা পুরকপা ঙম্মি। ইন্দো-পেসিফিক্তা কনফ্লিক্কী জিওপোলিতিকেল লাইনশিং অমসুং রিজন অসিদা আই ইকোনোমিক্স দাইনামিক্স লৈবনা ২১শুবা চহি চাগী ইন্তর্নেস্নেল ওর্দর শেম্বদা মরু ওইবা থৌদাং লৌরগনি। 
• গ্লোবল সাউথকী খোঞ্জেল: ভারত অসি গ্লোবল সাউথকী মীউৎকী লুচিংবা অমনি, মহাক্না চাউখৎলক্লিবা লৈবাকশিংগী য়াইফনবগীদমক্তা ৱা ঙাংই। G20, BRICS, অমসুং সাঙহাই কোওপরেশন ওর্গনাইজেশনগুম্বা প্লেতফোর্মশিংদা শরুক য়াদুনা ভারতনা মালেমগী খন্ন-নৈনবশিংদা নিংথিজনা খন্নবিদ্রবশিংগী খোঞ্জেল ওইনা মশক তাক্লি।
• রেপিদ ইকোনমিক গ্রোথ: য়াম্না য়াংনা চাউখৎলক্লিবা অচৌবা ইকোনোমী অমা ওইনা মশক খঙনরবা ভারতনা ২০৩০ ফাওবদা মলেম অসিগী অহুমশুবা খ্বাইদগী চাউবা ইকোনোমী ওইরগনি হায়না পানরি। মসিগী শাহৌ অসি নুংঙি-য়াইফবা হেনগৎলকপা, দোমেস্তিক মার্কেত চাউখৎলকপা অমসুং ইনফ্রাস্ত্রকচর অমসুং তেক্নোলোজীদা ইনভেস্তমেন্ত য়াম্না হেনগৎলকপা অসিনা মরম ওইরগা ওইরক্লিবনি।
• িন্নোভেশন অমসুং তেক্নোলোজীদা লুচিংবা: ভারতনা ইনফোর্মেশন তেক্নোলোজী, দিজিতেল ইফ্রেস্ত্রকচর, অমসুং স্পেস এক্সপ্লোরেশনদা ময়ামদগী থোইদোক-হেন্দোকপা অমা ওইদুনা গ্লোব ইন্নোভেশন হব অমা ওইনা ওইরক্লি। মসিগী লুচিংবা অসিনা ইকোনোমিক গ্রোথ পুরকপদা শরুক য়াবদা নত্তনা ভারতপু গ্লোবল তেক্নোলোজীগী তুংলমচৎ শেম্বদা মরু ওইবা প্লেয়র অমা ওইহল্লে।
• য়াম্না মরাং কাইরবা বায়োদাইভর্সিতীগী মফম: তোঙান-তোঙানবা মখল-মখা কয়াগী স্পেসিসশিংগী য়াম্না চাউবা মফম অমা ওইনা বায়োদাইভর্সিতী কনবগী মতাংদা ভারতনা মালেমগি ওইনা য়াম্না মরু ওইবা থৌদাং অমা লৌরি। মালেমগ বায়োদাইভর্সিতীগী চাদা তরেত মফম অসিদা লৈ। বায়োদাইভর্সিতীগি মতাংদা ভারতনা শরুক য়াবা হায়বসি মালেমগী থাক্তা মরু ওইবা ৱাফম অমনি।  
• ২০৩০গী এজেন্দাদা লৌরিবা ফিরেপ: ভারত আসি ২০৩০ এজেন্দা অমসুং সস্তেনেবল দেবেলপমেন্ত গোলশিং ফংনবা হোৎনবদা মরু ওইবা প্লেয়র অমা ওইনা মশক খঙলে। লৈবাক অসিনা শরুক য়াবা হায়বসি ক্লাইমেত এক্সন অমসুং সস্তেনেবল দেবেলপমেন্ত য়াওনা ময়াম পুম্নমক্কী ওইবা পান্দমশিং অদুবু ফংনবা হোৎনবদা য়াম্না তঙাইফদে।
• ক্লাইমেত গোলশিংদা লৌরিবা ফিরেপ: ভারতনা ক্লাইমেত-ন্যুত্রেল ওইবা গ্রোথতা খোংফম চেৎনা লেপ্তুনা রিন্যুৱেবল ইনর্জী অমসুং এনভাইরনমেন্তেল প্রোতেক্সনগা মরি লৈননা য়াম্না কন্না হোৎনরি। লৈবাক অসিনা হোৎনরিবশিং অদু পেরিস এগ্রীমেন্ত গোলশিং অদুগা য়াম্না মরি লৈনৈ, মসিনা গ্রীনহাউস গ্যাস থাদোকপা অদুগী মতাংদা খঙজিনবগা লোইননা সস্তেন্নবেল দেবেলপমেন্তকী মরুওইবা অদুবু য়াম্না মরু ওইনা লৌখি। 
• রিন্যুৱেবল ইনর্জী অমসুং গ্রীন ত্রাঞ্জিশন: রিন্যুৱেবল ইনর্জীদা পোতেন্সিয়েল য়াম্না চাউনা লৈবনা, ভারতনা সস্তেনেবল ইনর্জীগী তুংলমচত্তা ত্রাঞ্জিশন তৌনবা মশাগী সোলার, ৱিন্দ, অমসুং গ্রীন হাইদ্রোজেন রিসোর্সশিং শিজিন্নরি। জর্মনীগা তৌবা অসিগুম্বা মখলগী কোলাবোরেতিব পার্তনরশিপ অসিনা ইনর্জী সেক্যুরিতী লৈহনবগা লোইননা ফোসিল ফ্যুএলশিংবু তপ্না তপ্না শিজিন্নবা লেপ্নবগী মতাংদা অকন্নবা মিৎয়েং থম্লি।
• গ্রীন অমসুং সস্তেনেবল দেবেলপমেন্ত পার্তনরশিপ: গ্রীন অমসুং সস্তেনেবল দেবেলপমেন্ত পার্তনরশিপ অসি জর্মনীগা ২০২২দা লিংখৎখিবনি, মসিনা ক্লাইমেত এক্সন, ইনর্জী ত্রাঞ্জিশন, বায়োদাইভর্সিতী কঞ্জার্ভেশন অমসুং সস্তেনেবল অর্বানাইজেশনদা মরু ওইবা থম্মি। মরু ওইবা অনৌবা থৌরাংশিং অদুদা এগ্রোইকোলোজী, রিন্যুৱেবল ইনর্জী প্রোজেক্তশিং অমসুং ফোরেস্ত কঞ্জার্ভেশনগী থবকশিং য়াওরি। মসিগী মথক্তা, ভারতনা ক্লাইমেতকী ইমপেক্তশিং কুদম ওইনআ নুংশাগী অকনবা মৈশা, ঈকং, অমসুং ঈশিং-ঈচাওদগী খুদোংথিনিংঙাই ওইবশিং অদুবু কোকহন্নবা ২০২৫ ফাওবদা নেস্নেল এদাপ্তেশন প্লান অমা দ্রাফ তৌনবা হোৎনরি।
• গ্রীন হাইদ্রোজেন তাস্ক ফোর্স: গ্রীন আইদ্রোজেন তাস্ক ফোর্সতা জর্মন অমসুং ভারতনা তুংগী ফ্যুএল অসিগী মার্কেত চাউথোকহন্নবগী রোদমেপ অমা পুন্না শেমিন্নরগনি, মসিবু য়াম্না চেকশিন্না ইমপ্লিমেন্ত তৌরগনি।
• রিন্যুৱেবল ইনর্জীগিদমক্তা ইনভেস্তমেন্ত প্লেতফোর্ম: রিন্যুৱেবল ইনর্জীদা ইনভেস্তমেন্তকী প্লেতফোর্ম অমা শেম্বদগী ভারত অমসুং জর্মনীনা রিন্যুৱেবল ইনর্জীগী রেপিদ এক্সপেন্সনগীদমক্তা মসিগীদমক্তা ওইবা সোল্যুশনশিং পুথোকপা পাম্লি। মসিনা ভারতপু মালেম অসিদা ইনভেস্তমেন্তকীদমক্তা খ্বাইদগী মতিক চাবা প্লেতফোর্ম অমা ওইহন্নবগী লম্বি য়াৎলগনি।

***