খা মায়কৈগী শেংলবা লৈমায়সিদা‍‍।

ছত্রপতিগী খুয়াগী উফুলগী‍।‍।

ইকোক নোঞ্জরি রাইগরদা‍।

কোনুংনি মসি নীংতম্বা লৈবাক্কী‍।‍।

রাইগর ফোর্ত “মরাথা মিলিতরী লেন্দস্কেপ ওফ ইন্দিয়া” হায়বা মমিংগী মখাদা UNESCO ৱর্ল্দ হেরিতেজকীদমক নোমিনেত তৌখিবা লান্বন ১২গী মনুংদা অমনি‍।

নোমিনেত তৌখিবা লানবন ১২গী মনুংদা, রাইগর অসি মরাথা য়ুমশারোলকী চপ চারবা খুদম অমনি অমসুং চীং অমদা লৈবা কোনুং লানবনগী খ্বায়দগী ফরবা খুদম অমনি

চহি অসিগী গুজরাতকী কেবারিয়াদা পাঙথোক্কদবা রাস্ত্রিয় এক্তা দিবস থৌরমগী মরুমদা লৈরিবা থীমদি রাইগর ফোর্ত অসিনি

ছত্রপতি সিবাজী মহারাজকী অঙকপা ফংলবা মরিংজেল, মথৌনা লৈবা থৌওংশিং অমসুং ইনোভেতিব ওইবা লাল্লোংগী ৱারীশিং উৎনবগীদমক কেবারিয়াগী রাস্ত্রিয় এক্তা দিবস পেরেদকী মফমদা রাইগর ফোর্তকী রেপ্লিকা অমা বেকদ্রোপ ওইনা শেম্লে‍

ব্রিতিস পুৱারী নৈনবা  গ্রান্ত দফনা রাইগর অমসুং রোক ওফ জিব্রালতাগা মান্নবা ৱাফমশিং পুথোক্লম্মি, রাইগরবু নোংপোক্কী জিব্রাল্তরনি হায়রম্মি

দুর্গরাজ রাইগর

মহারাস্ত্র তম্পাক্কী মথক্তা লৈরিবা রাইগর ফোর্ততা ছত্রপতি সিবাজী মহারাজকী লৈঙাক্কী ৱারীশিং খোন্থাং য়ৈরি‍। মতম অমদা মহাক্কী মরাথা লৈবাক্কী কোনুং ওইরম্বা চীংদোল অসিদা মথৌনা ফবা, অনৌবা ৱাখল্লোন অমসুং মরিংজেল খাবগী ৱারীশিং য়াওরি‍। রাইগরগী নুং খুদিংদা, মহাক্কী লুচিংতনা লানবন অসিবু মপাঙ্গল কনবগী খুদম অমা ওইহল্লম্বা সিবাজী মহারাজকী শিংথানিংঙাই ওইবা থৌনা অমসুং অশানবা মীৎয়েঙগী খোন্থাং থক্তোক্লি‍। ঙসিসু, মসিনা লেপ্তনা পুক্নিং থৌগত্তুনা, লৈবাক অমগী পুৱারী শেমখিবা তোপ তোপ্পা থবক থৌওংশিংবু মীরোল কয়াদা নীংশিংহল্লি‍।

“সভাসদ বখর” (অরিবা ময়েক)তা মতৌ করম্বা ছত্রপতি সিবাজী মহারাজনা রাইগর ফোর্তপু মরাথা লৈবাক্কী কোনুং ওইনা খল্লম্বগে হায়বগী মমি তারি‍। মসিনা ইরি, “ছত্রপতি সিবাজী মহারাজনা অঙম্বা চীংমায়শিং লৈবা অমসুং মফম অদুৱাইগী খ্বায়দগী ৱাংবা চীংশাং ওইরিবা চীং নৎত্রগা রাইরীগী মতিং উখি‍। মফমদগী নুংগী অতেক অকায় লৈতবা মতৌ অদুদা অচৌবা মতিং লৈরম্মি‍। দৌলতবাদকী লানবনসু অফবা লানবন অমনি, অদুম ওইনমক, মসি রাইগরগুম্না ফবদি ওইদে, মরমদি মসিনা হেন্না ৱাংই অমসুং ফৈ, অদুনা কোনুং অমা ওইনা অমসুং নিংথৌগী ফম্বাল লৈবদা হেন্না মতিক চাই‍।”

কাল অমসুং গন্ধারী তুরেলশিংনা শেম্বা তম্পাকশিংনা কোয়শিন্বা রাইগরনা অকোয়বগী চীংশিংগা শম্নদনা নাইতোম তানা লৈরি‍। অঙম্বা চীংমায় অমসুং ফীত ১৫০০ ৱাংবা ফক্লাংগুম্লবা মমা অসিনা হেঞ্জিনবা ঙমদবা মসিগী মতৌ অসিনা লান্মীগী ঙাকশেলগী হৈ-শিংবগী মশক উৎলি‍।

মরাথা মতমগী ব্রিতিস পুৱারী নৈনবা গ্রান্ত দফনা রাইগরগা রোক ওফ জিব্রালতরগা মান্নবা ৱাফমশিং ফোঙদোক্লম্মি‍। মহাক্না রাইগরবু নোংপোকলমগী জিব্রালতর হায়না ফাওবা কৌরম্মি‍।

রাইগর ফোর্ত “মরাথা মিলিতরী লেন্দস্কেপ ওফ ইন্দিয়া” হায়বা মমিংগী মখাদা UNESCO ৱর্ল্দ হেরিতেজকীদমক নোমিনেত তৌখিবা লান্বন ১২গী মনুংদা অমনি‍। নোমিনেত তৌখিবা লানবন ১২গী মনুংদা, চীং অদুগী ফিজিওগ্রাফীগা নীংথিনা পুনশিন্দুনা অমসুং লানবন মনুংদা খ্বায়দগী মওং মরিল নাইবা শেমগৎপা তাইপোলোজীশিং লৈদুনা, রাইগর অসি মরাথা য়ুমশারোলকী চপ চারবা খুদম অমনি অমসুং চীং অমদা লৈবা কোনুং লানবনগী খ্বায়দগী ফরবা খুদম অমা ওইরি‍।

চহি অসিগী গুজরাতকী কেবারিয়াদা পাঙথোক্কদবা রাস্ত্রিয় এক্তা দিবস থৌরমগী মরুমদা লৈরিবা থীমদি রাইগর ফোর্ত অসিনি‍। ছত্রপতি সিবাজী মহারাজকী অঙকপা ফংলবা মরিংজেল, মথৌনা লৈবা থৌওংশিং অমসুং ইনোভেতিব ওইবা লাল্লোংগী ৱারীশিং উৎনবগীদমক কেবারিয়াগী রাস্ত্রিয় এক্তা দিবস পেরেদকী মফমদা রাইগর ফোর্তকী রেপ্লিকা অমা বেকদ্রোপ ওইনা শেম্লে‍‍।

রাইগর ফোর্তকী পুৱারী

১৬৫৩ CEদা, রাইগর (মতমদুদা রাইরী হায়না খঙনরম্বা) মোরেসকী মখুত্তগী মরাথা লান্মীনা লৌশিনখি‍। লানবন অদু কোনুং ওইবা মতিক চাহন্নবগীদমক, সিবাজী মহারাজনা লানবন অদু অমুক হন্না শেমগৎ শাগৎপগী থবক হিরোজী ইন্দুল্করদা খুৎশিন্নখি‍। মতুং তারকপদা, জুন ৬, ১৬৭৪ CEদা রাইগর লান্বন্দা সিবাজী মহারাজনা ফম্বাল কাবগী অচৌবা থৌরম অমা পাঙথোক্তুনা থৌরম অদুদা “ছত্রপতি” হায়বা মিংথোল লান্থোকখি‍। লান্বন অসিনা ছত্রপতি সিবাজী মহারাজকী অনিশুবা কোনুং ওইনা লৈরম্মি অমসুং মরাথা লৈবাক ঙাকপা অমসুং চাউথোকপদা মরুওইবা থৌদাং লৌখি‍।

রাইগর লান্বন্না মহারাস্ত্রগী অথোইবা মাঙলমচৎপু তুমিন্না নীংশিংহল্লি অমসুং মসিবু দুর্গরাজ (লান্বনশিংগী নিংথৌ) হায়না শকখঙনরি‍। তোঙান তোঙানবা মশক নাইবা মফমশিংনা মফম অসিবু ‘সীভ তীর্থ’গী মফম ওইনা মমিং চৎহল্লি‍। লান্বন অসি মাগী পারী পুরিগী লন ওইবা অমসুং চপ চারবা য়ুমশারোলগী খুদম ওইবগী মরমখক্তা নত্তনা মখোয়গী ফিদম ওইনা লৌনরিবা থৌনা, লিংজেল, লৈবাক ঙাকপগী হৈ-শিংবা, মীনুংশি চাউবা অমসুং মরৈবাক নীংবগীদমক খঙনবা ছত্রপতি সিবাজী মহারাজকী ফম্বাল লৈরম্বা মরম্না মীওই লিশিং কয়ানা মফমসিদা লাই খুরুম্বা চৎনরক্তুনা সিবঙক্তশিংগী অশেঙবা লাইফম ওইরে‍।  খৃস্ত্যান অমসুং হিন্দু কেলেন্দরদা য়ুম্ফম ওইরগা সিবরাজঅভিশেক্কী কুমওন থৌরম হরাও কুমহৈগা লোয়ননা পাঙথোক্নদুনা মহারাস্ত্রগী তোঙান তোঙানবা মফমশিংদগী য়াম্লবা মীশিংগী পুক্নিং চিংশিল্লি‍। মতৌ অসুম্না সিবাজী মহারাজকী লৈখিদবগী কুমওন থৌরম (পুন্যতিথি)সু চাউনা ইকায়খুম্নবগা লোয়ননা পাঙথোকই‍।

মফম অসিদনি সিবাজী মহারাজনা তরাতরেৎশুবা চহিচাদা (১৬৭৪ CE) মহাক্কী কোনুং লিংখৎখিবা‍। সিবরাজ মহারাজনা ১৬৫৬ CEদা লানবন অসি চন্দ্ররাও মোরেদগী মুনখিবনি‍। কুপ্না খন্নরবা অমসুং মফমসিগী লাল্লোং য়াৎপদা চপ চাবা অমসুং মীনা পাক হেক চঙবা ঙমদবা মতৌসি য়েংলগা মফমসিবু হিন্দ্বী স্বরাজকী কোনুং ওইবদা খ্বায়দগী চুনগনি হায়না লেপখিবনি‍। চীংদোল অসি চীং অসিগী নাকল নাম্মখক্তগী য়ৌবা য়াই‍। সিবাজী মহারাজনা রাইগর লান্বন্দগী হিন্দ্বী স্বরাজপ চহি তরুক ১৬৮০ CEদা চুপ্না মহাক্না লৈখিদবা মতমদু ফাওবা পাল্লম্মি‍। রাইগর লান্বন্দা ছত্রপতি সিবাজী মহারাজকী মংফম অমা লৈ‍।

রাইগর লান্বন অসি চীং লেম্না শেম শারবা হোজঙ, লানবনগুম্না খারিবা ফক্লাং অমসুং অচৌবা মোনুমেন্তশিংগীদমক মশক নাইনা লৈ‍। লাইবক থিবদি, সিবাজী মহারাজকী মংফমখক নত্তনা, নক্কর খানা, সির্কাই দেবী লাইশঙ, জগদিস্বর লাইশঙ – প্রভু সিভদা কৎপা খুফম, - মীয়াম তিনফম হোল (রাজসদর), রোয়েল কমপ্লেক্স, লৈমগী কোনুং (রানিবাস), বজারপেথ, মনোর (প্লেজর পেবিলিয়ন), ৱদেস্বর লাইশঙ, খুব্লাদা বুর্জ, মসিদ মোর্চা, নন্নে দর্ৱাজা য়াওনা লান্বন মনুংদা লৈরিবা স্ত্রকচর অয়াম্বা ফীভম চাদনা লৈরি‍।

রোয়েল কমপ্লেক্স: রানিবাসস, রাজসদর, নক্করখানা, মিনা দর্ৱাজা, অমসুং বল্খি দর্ৱাজা য়াওরিবা রোয়েল কমপ্লেক্স অসি নীংথিনা লানবনগুম্না খাগৎলি অমসুং নক্করখানা, নিমা দর্ৱাজা অমসুং পল্খি দর্ৱাজা হায়রিবা হোজঙ অহুম অসিখক্তদগী চঙবা য়াই‍। লানবনগুম্না খাগৎলিবা কমপ্লেক্স অসি বল্লে কিলা (চোঙাবোন) হায়না খঙনৈ‍। বল্লে কিলা অসিগা থংননা নীংথিরবা তৱার অহুম লৈ‍। অমনা অৱাংলোমদা লৈ, অদুগা অতোপ্পা অনিদুনা লানবনখুম্লবা ফক্লাংদুগী নোংপোক্লোমদা লৈ‍। মথোল অহুমগী তৱার (মনোর)শিং অদু খুৎ চঙনা শেম শাই অমসুং প্লেজর পেবিলিয়ন ওইনা শীজিন্নরম্বগুম উই‍। নীংথিনা নলা পীবা তোইলেত অমা লৈরিবদু পন্বা য়াই‍। লৈনুংগী সেলর (খলবত খানা) অমা নোংপোক্লোমদা লৈ, মসি অরোনবা মীফম, লনাই ইরাৎপা, অমসুং সনা-লুপা লন-থুম থম্ফম ওইনা শীজিন্নরম্বা য়াই‍।

রাজসদর (মীয়াম তিনফম হোল): মফমসিদনি সিবাজী মহারাজনা মতম মতমগী ৱাফমশিংদা ৱায়েল পীনবা অমসুং মীথুংশিং অমসুং অতোপ্পা লৈবাক্কী মীওইশিং ওক্নবা মহাক্কী দর্বার পাঙথোক্লম্লিবসি‍। মসিগী মওং মতৌ রেক্তেঙ্গুলর ওই অমসুং মমায় নোংপোক ওল্লি‍। মসি নক্করখানা কৌবা চীং-লেম্লবা হোজঙ অমা ফাওরগা নোংপোক মায়কৈদগী চঙলকই‍। হোজঙ অসি নিংথৌগী ফম্বাল মায়োক্ননা মথোল অহুম ৱাংনা লৈবা নীংথিরবা স্ত্রকচর অমনি‍। মথক ইথং থংবা মথোল অসি চেক্না শাই, অদুগা মখাগী মথোলশিংনা নুং মতুপ মতুপশিংনা শাই‍। নক্করখানাদা কোনুংগী বেন্দ অমনা ঈশৈ নোংমাই শকপা খোংবা তৌরম্মি হায়না থাজনৈ‍। মফম অসি অঙকপা একুস্তিক প্রোপর্তীশিং লৈবা য়ুমশারোলগী অথোইবা খুদম অমনি‍। নক্করখানা অমসুং নিংথৌ ফম্বালগী মরক্তা লৈরিবা অরাপ্পসি মিতর ৬৫ রোম্নি, অদুবু য়াম্না তপ্না শোনবা ফাওবা মতাই অনিমক্তা তাবা ফংই‍। রাজসদর অসি সিবাজী মহারাজকী নুংঙাইবা, অৱাবা, অশাওবা, মায় পাকপা, লৈঙাক্লোনগী হৈশিংবা, অমসুং পুকচেল চাওবা মতৌগী মরোল থোক্ত্রবা ৱিতনেস অমনি‍।

মপুং ওইবা ফম্পাক অসিদা ফম্বাল লৈরম্বা মফমদুদা ছত্রপতি সিবাজী মহারাজকী ফমদুনা লৈবা শক্তম অমা লৈবা মমায় নিপান লোঙবা মেঘদম্বারি (ওর্নেত কেনোপী) অমা লৈ‍।‍ দাইমন্দ অমসুং সনাতনা লৈতেংবা নিংথৌ ফম্বাল অদু কেজি ১০০০ রোম লুম্বা সনাগী য়ুম্বী নিপানদা তোংদুনা লৈরম্মি হায়না রেকোর্দ তৌই‍। মসিদা সিবাজী মহারাজকী কোনুংগী এমব্লেমসু হাপ্লি‍। ফম্বাল মথক্তা খল্লিবা শাতিন অদু মমল য়াম্লবা নুং অমসুং মুক্তাগী পরেংশিংনা লৈতেংই‍।

হোলিচা মাল: মসি নক্করখানাগী মপান্দা লৈ‍। মসি অপাকপা অহাঙবা চহিগী হোলী কুমহৈ পাঙথোকফম ওইনা শীজিন্নরম্বা য়াবা মফম অমনি‍। হোলিচা মালগী নোংচুপথংবা চিদাইদা, লানবন অসিবু কোল্লিবা লাই সির্কাই ভবানীগী অপীকপা লাইশঙ অমা লৈ‍। হৌজিক লৈরিবা মফম অসিদা হোংদোকত্রিঙৈদা মফম অসিবু কোল্লিবা লাই অসি হোলিচা মালগী মৈরমলোমদা লৈবা অৱাংবা নুংপাকথক্তা লৈরম্মি হায়না থাজনৈ‍। হোলিচা মালগী অৱাংলোমদা, বজার পেথ হায়না খঙনবা পাক চাউরবা অমসুং নীংথিনা শেম শারবা খমব্রাংনবা স্ত্রকচরেল য়ুনিৎ পরেংশিং লৈ‍। কমপ্লেক্স অসিদা লৈরিবা য়ুনিৎ খুদিংগী মমাঙদা মাঙ্গোল অমসুং মনিংলোমদা থংন-থংননা কা অনি/অনি লৈ‍। চীংখোঙ অমসুং ফক্লাংশিং অদু হাইরপ নানহল্লবা নুং মতুপশিং অমসুং রুবল নুংশিংনা শুনু শীজিন্নরগা শেম্বনি‍।

জগদিস্বর মন্দির: মমায় নোংপোক ওন্বা লাইশঙ অসি রেক্তেঙ্গুলর ওই মমাঙদা মান্দপ অমা লৈ অদুগা মনিংলোমদা লাই খুফম লৈ‍। লাইশঙ অসি অনেম্বা থোঙ অমদগী চঙগদবনি‍। লাই খুফম অসিদা সিব লিঙ্গ অমা লৈ, মসি হৌজিকসু ইরাৎনরি‍। লাইশঙ অসিগী মনুংগী ফক্লাংশিংদা করিগুম্বা মখল অমত্তগী হক্তুনা শেম্বা লৈতে‍। অদুম ওইনমক থিন্দোরক্লিবা সুপরস্ত্রকচরশিং অদু নীংথিনা হক্লবা ব্রেকেতশিংনা চৈঙাক ওইরদুনা লৈ‍।

ছত্রপতি সিবাজী মহারাজকী মংফম: লাইশঙ অসিগা নক্ননা, জগদিস্পর লাইশঙগী নোংপোক থংবা চঙফমগী মায়োক্নবদা ছত্রপতি সিবাজী মহারাজকী মংফম লৈ‍। অশেংবদি, মংফম অসি অনেম্বা মমায় নিপান লোঙবা ফম্বাক অমা ওইরম্মি‍। অদুবু, কুনশুবা চহিচাগী হৌরকপা মতমদা মসি হেন্না ৱাংখৎহনখিবতা নত্তনা মফম অসিমক্তদা কেনোপী অমসু শাগৎখ্রে‍।

চীংখোঙদা, রাইগরৱাদি খুঙ্গং মনাক্তা চিত্তা দর্ৱাজা লৈ‍। মসিবু মফমদুগী মীয়াম্না জিত দর্ৱাচা হায়নসু খঙনৈ‍। মিতর ৭০-৮০ রোম খোঙনা চৎলবা মতুংদা, খুব লদা বুর্জ লৈ‍। মসি লান্বন অদুদা নক্না চঙশিল্লকপা মীওই অমা হেক্তবু ঙাক শেল্লিবা মীওইশিংনা লায়না উবা ঙম্নবগীদমক লাল্লোং য়াত্তুনা শেমখিবা তৱার অমনি‍।

*****