য়ুমলৈ-কৈরৈ মন্ত্রালয়
কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত সাহনা হয়েং ৱেস্ত বেঙ্গলগীঈ পাত্রপোলগী লেন্দ পোর্ত্তা পেসেঞ্জর তর্মিনেল বিল্দিং অমসুং মাইত্রি দ্বার শঙ্গাগদৌরি
প্রধান মন্ত্রী শ্রী নরেন্দ্র মোদীনা লেন্দ পোর্ত ওথোরিতী ওফ ইন্দিয়াগী মফমদা অনৌবা খোঙজেল, মায়কৈ অমসুং খা এসিয়া লৈবাক পুম্নমক্কা লৈনরিবা ঐখোয়গী নাৎ অমসুং লল্লোই ইতিক্কী মরীবু মাঙদা পুখৎনবা লম্বী পীরি
পেত্রাপোল (ভারত)-বেনাপোল (বঙ্গলাদেশ) লল্লোন ইতিক অমসুং মী চত্থোক চৎশিনগী লমদা ভারত অমসুং বঙ্গলাদেশ অনিমক্কী খ্বায়দগী মরুওইবা কংফালগী ঙমখৈ লান্থোকফমশিংগী মনুংদা অমনি
পাত্রপোল পেসেঞ্জর তর্মিনেলনা ইনফ্রাস্ত্রকচর অমসুং সর্ভিস স্তেন্দর্দ্সকী মশক নৌনা তাক্তুনা ভারত অমসুং বঙ্গলাদেশকী মরক্তা চত্থোক চৎশিনগী এক্সপিরিএন্স হেনগৎহনগনি অমসুং মফমসিবু এসিয়াগী মরুওইবা হব অমা ওইহনগনি
মাইত্রি দ্বারনা ঙমখৈদা পোৎলমশিং থাদোকপা অমসুং ক্লিয়রেন্স পীবদা মশক থোক্না থুজিলহন্দুনা লল্লোন ইতিক্কী মতিক হেনগৎহনগনি
Posted On:
26 OCT 2024 1:07PM by PIB Imphal
কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত সাহনা নোংমাইজিং নুমিৎ নবেম্বর ২৭, ২০২৪দা ৱেস্ত বেঙ্গলগীঈ পাত্রপোলগী লেন্দ পোর্ত্তা পেসেঞ্জর তর্মিনেল বিল্দিং অমসুং মাইত্রি দ্বার শঙ্গাগদৌরি। প্রধান মন্ত্রী শ্রী নরেন্দ্র মোদীনা লেন্দ পোর্ত ওথোরিতী ওফ ইন্দিয়াগী মফমদা অনৌবা খোঙজেল, মায়কৈ অমসুং খা এসিয়া লৈবাক পুম্নমক্কা লৈনরিবা ঐখোয়গী নাৎ অমসুং লল্লোই ইতিক্কী মরীবু মাঙদা পুখৎনবা লম্বী পীরি।
পেত্রাপোলগী লেন্দ পোর্ত অসি খা এসিয়াগী খ্বায়দগী চাউবা লেন্দ পোর্তনি অমসুং মসি ভারত অমসুং বঙ্গলাদেশকী মরক্তা লল্লোন ইতিক্কী মরুওইবা হোজঙ অমনি। পেত্রাপোল (ভারত)-বেনাপোল (বঙ্গলাদেশ) লল্লোন ইতিক অমসুং মী চত্থোক চৎশিনগী লমদা ভারত অমসুং বঙ্গলাদেশ অনিমক্কী খ্বায়দগী মরুওইবা কংফালগী ঙমখৈ লান্থোকফমশিংগী মনুংদা অমনি। ভারত অমসুং বঙ্গলাদেশ অনিগী মরক্তা তৌনরিবা কংফালগী লল্লোন ইতিক্কী চাদা ৭০ রোমদি (মমলগী পাদমদা) লেন্দ পোর্ত অসিগী খুত্থাঙদা পাঙথোকই। পেত্রাপোল লেন্দ পোর্ত অসি ভারতকী নিপানশুবা খ্বায়দগী চাউবা ইন্তরনেস্নেল ইমাইগ্রেসন পোর্তনি অমসুং ভার অমসুং বঙ্গলাদেশকী মরক্তা চহিদা পেসেঞ্জর লাখ ২৩.৫ হেন্না চত্থোক চৎশিন তৌরি।
পেসেঞ্জর তর্মিনেল বিল্দিং, পেত্রাপোল
- লেন্দ পোর্ত পেত্রাপোলদা লৈরিবা অনৌবা পেসেঞ্জর তর্মিনেল বিল্দিং অসি ভারত অমসুং বঙ্গলাদেশকী মরক্তা চত্থোক চৎশিনগী এক্সপিরিএন্স হেনগৎহনগদবা লমদম অসিগী ইনফ্রাস্ত্রকচরদা শিংথানিংঙাই ওইনা হাপচিল্লকপা অমনি।
- চাউনা শাগৎলিবা অমসুং খুমাঙ চাওশিল্লবা তেক্নোলোজিকেল সিস্তেমগা লোয়ননা, তর্মিনেল অসিনা য়ুজর পুম্নমক্কী মফমদা শাফবা, মতিং লৈবা অমসুং নুংঙাইবা মহাও অমা পীগদৌরি।
- ইন্তরনেস্নেল ত্রান্সপোর্ত হবকী ফজরবা মতৌ উৎনবা দিজাইন তৌরবা পেত্রাপোলগী PTB অসিদা VIP লোঞ্জ, দ্যুতী ফ্রী দুকান, বেসিক মেদিকেল ফেসিলিতী, ইনফেন্ত/বেবী ফীদিং রুম অমসুং বিভরেজ আউতলেতনচিংবা মতমগা চুনরবা ফেসিলিতী পুম্নমক য়াওরি।
- নোংমদা ২০,০০০গী পেসেঞ্জর হেন্দ্লিং কেপাসিতী লৈদুনা, মফম অসিদা ইমাইগ্রেসন, কস্তম, অমসুং সিক্যুরিতী সর্ভিস মফম অমত্তদা ফংহনগনি।
- স্ক্বার মীতর ৫৯,৮০০গী পাক চাউরবা বিল্ত-অপ এরিয়া।
- ফ্লেপ বেরিয়র ইন্তিগ্রেসনগী খুত্থাঙদা ওতোমেতেদ এন্ত্রী অমসুং একজিত সিস্তেম য়াওরি।
- মঙলান চাউবা প্রোজেক্ত অসিনা ইনফ্রাস্ত্রকচর অমসুং সর্ভিস স্তেন্দর্দ্সকী মশক নৌনা তাক্তুনা ভারত অমসুং বঙ্গলাদেশকী মরক্তা চত্থোক চৎশিনগী এক্সপিরিএন্স হেনগৎহনগনি অমসুং মফমসিবু এসিয়াগী মরুওইবা হব অমা ওইহনগনি।
মাইত্রি দ্বার
- মাইত্রি দ্বার অসি লৈবাক অনিমক্না য়ানবা জিরো লাইন্দা লৈবা জোইন্ত কার্গো গেতনি।
- কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত সাহনা মে ৯, ২০২৩দা উরেপ উয়ুং তমখি।
- নোংমদা ত্রক ৬০০-৭০০ লোম চত্থোক চৎশিন তৌরিবা লেন্দ পোর্ত পেত্রাপোলদা লৈরিবা নুমিৎ খুদিংগী ঙমখৈ লান্না চত্থোক চৎশিন তৌরিবা অসি য়েংলগা, LPAI না ইন্দিয়া-বঙ্গলাদেশ ঙমখৈ পরিংদা মাইত্রি দ্বার কৌবা অনৌবা অনিসুবা কম্মন কার্গো গেত অমা শাগৎপনি।
- কার্গো পুথোক পুশিনগী তৌনবগী দেদিকেতেদ গেত অসিনা লৈবাক অনিগী মরক্তা পোৎ-চৈ পুথোক পুশিনগী থৌওং লায়থোকহন্নবা অমসুং মওং মরিল নাইহন্নবা পান্দম থম্লি।
- মাইত্রি দ্বার চৎনরকপা অসিনা ঙমখৈদা পোৎলমশিং থাদোকপা অমসুং ক্লিয়রেন্স পীবদা মশক থোক্না থুজিলহন্দুনা লল্লোন ইতিক্কী মতিক হেনগৎহনগনি।
- গেত অসি ANPR, বুম বেরিয়র, ফেসিএল রিকোগনিসন কেমেরা অমসুং ভারত অমদি বঙ্গলাদেশকী ত্রকশিংগী এক্সেস কন্ত্রোল এন্ত্রী/ একজিৎ পোইন্তনচিংবা মতমগা চুনরবা ফেসিলিতীশিং য়াওরি।
- মসি কার্গো পুথোক পুশিনগী অখন্নবা গেত ওইগনি।
*****
(Release ID: 2068535)
Visitor Counter : 28