ईएसआयसीच्या तात्पुरत्या  वेतनपट आकडेवारी  नुसार, ऑगस्ट 2024 मध्ये 20.74 लाख नवीन कर्मचारी समाविष्ट झाले आहेत.

ऑगस्ट 2024 मध्ये 28,917 नवीन  आस्थापनांचा सामाजिक सुरक्षेच्या ईएसआय योजनेत समावेश करण्यात आला आहे. त्यामुळे या योजनेच्या सामाजिक सुरक्षा छत्राचा लाभ आता अधिक कामगारांना मिळेल.

याव्यतिरिक्त, वर्ष दर वर्षाच्या विश्लेषणानुसार, ऑगस्ट 2023च्या तुलनेत नोंदणीमध्ये 6.80% वाढ झाली आहे.

 

आकडेवारीतून हे दिसून येते की, ऑगस्ट महिन्यातील 20.74 लाख कर्मचाऱ्यांपैकी 9.89 लाख कर्मचारी, म्हणजेच सुमारे 47.68% कर्मचारी हे 25 वर्षांपर्यंतच्या वयोगटातील आहेत.

त्याचबरोबर,  वेतनपट आकडेवारी  विश्लेषणानुसार, ऑगस्ट 2024 मध्ये 4.14 लाख महिला सदस्यांची नोंदणी झाली आहे. याशिवाय, 60 ट्रान्सजेंडर कर्मचाऱ्यांनीही ऑगस्ट 2024 मध्ये ईएसआय योजनेत नोंदणी केली आहे, ज्यामुळे ईएसआयसीच्या वतीने समाजातील प्रत्येक वर्गासाठी लाभ वितरित करण्याची बांधिलकी स्पष्ट होते.

डेटा निर्मिती ही सतत होत असलेली प्रक्रिया असल्याने ही वेतनपट आकडेवारी तात्पुरती आहे.

***

S.Patil/G.Deoda/P.Kor

 

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com

(Release ID: 2068512) Visitor Counter : 37