জর্মনীগী প্রিসিজন ইঞ্জিনিয়রিংগী আর্তকা ভারতকী ফিজিকেল, দিজিতেল অমসুং সোসিএল ইনফ্রাস্ত্রকচরশিংবু পাকথোক চাউথোকহনবা ঙম্বা মতৌ অনিগী পুংবানা মালেমগী ওইবা থোইদোক হেন্দোকপা করিগুম্বা অমা শেম্বা ঙমগনি হায়না কম্মর্স অমসুং ইন্দস্ত্রীগী কেন্দ্র মন্ত্রী শ্রী পিয়ুশ গোয়লনা হায়খ্রে। মহাক্না ঙসি নই দিল্লীদা 18শুবা এসিয়া পেসিফিক কনফরেন্স ওফ জর্মন বিজনেস (এ.পি.কে.)হৌদোকপনি। কেন্দ্র মন্ত্রীনা ভারত-জরমনীগী তেংবাংনবা অসিগী মতাংদা অসুম্না হায়খি মদুদি এ.আই. শিজিন্নবদগী হৌরগা সেমিকন্দক্তর ফাওবা, লৈবাক্কী মতিক লৈরবা স্তার্তঅপ ইকোসীস্তেম চাউখৎহনবদগী হৌরগা গ্রীন তেক্নোলোজীগী মতাংদা তেংবাংনবা ফাওবদা, মসিগুম্বা ভারত অমসুং জর্মনীগী মরক্তা তেংবাংনবগী মতৌনা মমাংদা অমুক্তা লৈখিদ্রিবা শাহৌ পুরকপা ঙমগনি।

ঙসিগী ভারত অসি মপাঙ্গল কনবা মেক্রো ইকোনোমিক ফন্দামেন্তেলশিংদা শেমগৎপনি হায়না পল্লদুনা মহাক্না হায়খি মদুদি রিফোর্ম, রেসিলিয়েন্স অমসুং তুংলমচৎকীদমক শেম-শারিবা অসি মালেম পুম্বগী বিজিনেসশিংগীদমক্তা ফংলি। ক্লাইমেৎ চেঞ্জ থেংনবগী মতাংদা, শ্রী গোয়ালনা 2015দা য়ু.এন. ক্লাইমেৎ চেঞ্জ কনফরেন্স (সি.ও.পি.21)দা ভারতনা লৌখিবা অচেৎপা ফিরেপ অদু ফোংদোকখি। মহাক্না হায়খি মদুদি ভারতনা গ্লোবেল সাউথকা লোয়ননা চাউখৎলবা লৈবাকশিংগা খুৎশম্নদুনা সোলুসন অসিগী শরুক অমা ওইখি। মহাক্না মখা তাখি মদুদি ক্লাইমেৎ চেঞ্জ পর্ফোমেন্স ইন্দেক্স (সি.সি.পি.আই.)দা হৌজিক ভারতনা 7শুবা মফমদা লৈরি। মসিনা নেসনেল দিরেক্তিব কন্ত্রিব্যুসনশিং (এন.দি.সি.)অমসুং মালেমগী মমাংদা থম্লিবা পান্দমশিং অসিসু হেনগৎহন্নবা হোৎনরি।

থৌরম অসিবু শীনবগীদমক এসিয়া পেসিফিক কম্মিতী ওফ জর্মন বিজিনেস অমসুং ইন্দো-জর্মন চেম্বর ওফ কম্মর্সতা থাগৎপা ফোংদোক্লদুনা শ্রী গোয়ালনা হায়খি মদুদি এসিয়া-পেসিফিক রিজন অসিদা মালেমগী মীশিংগী চাদা 60 লৈরি অমসুং 2030 ফাওবদা মালেমগী মিদল ক্লাসকী শরুক অহুম থোকপগী অনি এসিয়াদা লৈগনি। মহাক্না হায়খি, দেমোগ্রাফিক্কী অহোংবা অসিনা মখোয়গী য়ুম্ফম পাকথোক চাউথোকহন্নবা অমসুং অনৌবা সেক্তরশিংদা কেপিতেলাইজ তৌনবা হোৎনরিবা বিজিনেসশিংগীদমক্তা অফবা ফিভম অমা পীরি।

শ্রী গোয়লনা হায়খি কনফরেন্স অসিনা হৌগৎলক্লিবা চৎনবীশিং মশক খঙদোকপা অমসুং মালেমগী ওইবা শিংনবশিং থেংনবদা মরুওইবা অমা ওইগনি। মসিনা খ্বাইদগী ফবা থৌওংশিং লান্নবা, তেক্নোলোজিকেল এদভান্সশিং পুথোকপা অমসুং তুংলমচৎকী ইন্দস্ত্রীএল গ্রোথকীদমক পোলিসীশিং শেম্বদা মতেং পাংই হায়না মহাক্না হায়খি। ভারত অমসুং জর্মনীনা স্ত্রেতেজিক পার্তনরশিপ হেন্না চেৎশিলহনবা অমসুং মসিগী কোলাবোরেসন অসি লৈবাক অনিগী শেন্মিৎলোন অমসুং নাগরিকশিংগীদমক অশেংবা গ্রোথতা ওন্থোকপা ঙমগনি হায়না কেন্দ্রগী মন্ত্রীনা থাজবা ফোংদোকখি।

জর্মন ফিলোসোফর, আর্থর শোপেনহাওরগী ৱাহৈশিং পল্লদুনা "উপানিসাদশিং পাবনা ঐগী পুন্সিদা নুংশিবা পোকহল্লি"... হায়না পল্লদুনা, মন্ত্রীনা মসিগুম্বা অরিবা লৌশিংগী ইথিলগা লোয়ননা কনফরেন্স অসিদা শরুক য়ারিবশিংবু হৌজিক চৎলিবা দিপাবলীদগী হৌরগা খৃস্তমাস অমসুং ন্যু য়র ফাওবদা ভারতকী নাৎ অমসুং চৎনবীগী নীংথিরবা মতৌগী নুংঙাইবা লৌনবা হায়খি।

শ্রী গোয়লনা মহাক্কী ৱারোল রবীন্দ্রনাথ তেগোরগী ৱাহৈ অমা পল্লদুনা লোইশিনখি, "অৱাংবা থাক্তা য়ৌবীয়ু, অদোমগী নুংদা মঙাল য়াওরি। অচৌবা মঙলান মঙবীয়ু, মরমদি মঙলানশিংনা পান্দমদগী হানবনি"। মহাক্না শরুক য়ারিবশিংদা পোৎথোকশিং, ইন্দস্ত্রীশিং অমসুং ইন্নোবেসনশিং অসিনা মালেমগী মফম খুদিংমক্তা তেংবাংবা ঙমগদবা তুংলমচৎ অমা শেম্নবা তকশিনখি।

***