ইনস্তিত্যুত ওফ এদভান্স স্তদী ইন সাইন্স এন্দ তেক্নোলোজী (IASST), গুৱাহাতি, দিপার্তমেন্ত ওফ সাইন্স েন্দ তেক্নোলোজী (DST)গী ওতোনোমস ইনস্তিত্যুশন অমা ওইরিবা অসিনা মার্কেত্তা নোর্থ ইস্ত ইন্দিয়াগী নাতকী ওইবা ফর্মেন্তেদ ফুদশিংদগী শুংবা প্রোবায়োতিক্সশিং শিজিন্নদুনা পুথোকপা ইন্নোভেতিব ওইবা হেল্থ প্রোদক্তশিং পুরক্নবা ভারত বাইওতেক ইন্তর্নেস্নেল লিমিতেদ (BBIL)গা য়াম্না মরু ওইবা R&D কোলাবোরেশন অমসুং প্রোদক্ত দেবেলপমেন্ত এগ্রীমেন্ত অমা খুৎয়েক পীনখ্রে।

IASST পাংথোকখিবা রিসর্চতা য়ুমফম ওইরগা মসিগী প্রোবায়োতিকশিং অসিনা মেতাবোলিক দিজীজশিং কোকহনবদা, গত হেল্থ ফগহনবদা অমসুং হেল্থী এজিং প্রোমোত তৌবদা য়াম্না চাউবা পোতেন্সিয়েল লৈ।

দিপার্তমেন্ত ওফ সাইন্স এন্দ তেক্নোলোজী (DST)গী সেক্রেতরী, প্রোফেসর অভে কারন্দিকার, এগ্রীমেন্তকী খুৎয়েক পীনবদা ময়াই তাংবল লৌখিবা মহাক্না কোলাবোরেশন অসিনা নোর্তইস্ত ইন্দিয়াগী য়াম্না মরাং কাইনা লৈরিবা বায়োদাইভর্সিতী অসিবু শিজিন্নদুনা লমদম অসিগী বায়োইকোনোমী য়োকখৎনবগী অচৌবা ভিজন অদুবু শৌগৎপীবনি অমসুং IASSTগী য়াম্না মরু ওইবা মাইপাকপা অমনি হায়না পনখি।

 “IASST অমসুং ভারত বায়োতেক্কী মরক্তা খুৎয়েক পীনখিবা এগ্রীমেন্ত অসিনা IASSTনা পুথোরকপা অনৌবা ইন্নোভেতিব ওইবা তেক্নোলোজীশিংবু কমর্সিয়েলাইজেশন তৌবদা মতেং পাংগনি। বায়োফার্মস্যুতিকেলস, ভেক্সিন্স অমসুং হেল্থ সোল্যুশনশিংদা খ্বাইদগী অথোইবা ওইবগীদমক্তা ভারত বায়োতেক্কী লৈরিবা গ্লোবল রেপ্যুতেশন অদুনা IASSTবু মসিগী সাইন্তিফিক ইন্নোভেশনশিং অসিবু প্রোদক্তশিংদা ওইনা ওন্থোকপদা মতেং পাংগনি। কোলাবোরেশন অসিনা মসিগী পোতেন্সিয়েল লৈবা প্রোবায়োতিকশিং অসিগীদমক্তা তঙিআফদবা প্রি-ক্লিনিকেল অমসুং ক্লিনিকেল স্তদীশিং পাংথোকপদা মতেং পাংগনি, অমসুং ঐহাক্না থাজৈ মদুদি প্রোদক্ত অসিনা হেল্থী এজিং প্রোমোত তৌদুনা মেতাবোলিক দিজীজশিংগী মায়োক্তা লান্থেংনগনি,” হায়না মহাক্না মখা তারকখি।

এগ্রীমেন্ত অদু IASSTগী দাইরেক্তর, প্রোফেসর আশিস মুখর্জী অমসুং BBIL, হাইদ্রবাদকী একজিক্যুতিব চিয়রমেন, দা. কৃষ্ণ এল্লাগা লোইন-লোইননা BBILদগী দা. য়োগেশ্বর রাওগনা খুৎয়েক পীনখি।

IASSTগী দাইরেক্তর, প্রোফেসর আশিস মুখর্জীনা কোলাবোরেশন অসিগী মরু ওইবা অদুগী মতাংদা হায়খি, মহাক্না হায়খি মদুদি মসিনা একাদেমিক রিসর্চ অমবু কমর্সিয়েল ওইনা শিজিন্নবা য়াবা পোত্থোকশিংদা ওন্থোক্নবা য়াম্না তোপ-তোপ্পা খুদোংচাবা অমা পীরি।

ভারত বাইওতেক, ভেক্সিন অমসুং হেল্থ সোল্যুশনশিংগী মতাংদা মালেমগী লুচিংবশিংগী মনুংদা অমা ওইরিবা অসিনা মসিগী প্রোবায়োতিকশিং অসি রেগুলেতরী স্তেন্দার্দশিং য়ৌনবা প্রি-ক্লিনিকেল অমসুং ক্লিনিকেল ত্রায়লশিং পাংথোকপদা য়াম্না মরু ওইগনি।

এগ্রীমেন্ত অসিনা পার্তীশিংগী মথৌদাংশিং অদুগী মতাংদা ময়েক শেংনা ফোংদোকই, মসিদা IASSTনা মখোয়গী সাইন্তিফিক অন্দরস্তেন্দিংশিং অদুবু কন্ত্রিব্যুত তৌগনি অমসুং রিসর্চকী অনৌবা থৌরাং পুম্বা পাইখৎকনি। ভারত বায়োতেক্না কমর্সিয়েলাইজেশন প্রোসেসতা শরুক য়াগনি। স্তেকহোলদর পুম্নমক্তগী মীহুৎশিং য়াওবা মোনিতরিং কমিতী অমনা মতম চানা মাইপাকপা ঙম্নবা প্রোজেক্ত অদুগী খুমাং চাউশিনবা অদু য়েংশিনগনি। এগ্রীমেন্ত অসিনা য়াম্না ময়েক শেংনা তাক্লি মদুদি IASSTনা মসিগী পার্তনরশিপ অসিগী খুত্থাংদা পোৎচৈ য়োনবদা ফংলকপশিং অদুগী রোয়লতীশিং ফংগনি।

ত্রেদিস্নেল নোলেজতা য়ুমফম ওইবা প্রোবায়োতিক প্রোদক্তশিং অসিনা দাইবেতিস অমসুং ওবেসিতীগুম্বা পুনশি মহিংনা মরম ওইরগা নাবা লাইনাশিং অসিগীদমক্তা নেচরেল ওইবা সোল্যুশনসিং পীরগনি, লোইন-লোইননা ভারতকী চাউখৎলক্লিবা বায়োতেক্নোলোজী সেক্তরদা শরুক বারগনি। IASST অমসুং ভারত বাইওতেকনা পার্তনরশিপ অসিদা থাজবা ফোংদোক্লদুনা লমদম অসিদগী পুথোরকপা সাইন্তিফিক ইন্নোভেশনশিং অসিনা মালেম শিনথুংনা হেল্থ অমসুং ৱেলনেসতা অকনবা শাফু অমা পীরগনি হায়বগী অশা অমা পীরি।

IASSTগী প্রোফেসর, দা. মোজিবুর খান, দা. এম. মোহন্তী অমসুং IASSTগী DST অমসুং BBILদগী অতোপ্পা সেনিয়র ওফিসিয়েলশিংশু থৌরম অদুদা শরুক য়াখি।

***