নই দিল্লীগী ভারত মন্দপমদা ঙরাং পাংথোকখিবা ITU-WTSA 2024গী মরু ওইবা থৌরম, ইন্নোভেসন এক্সচেঞ্জনা মালেমগী তেক্নোলোজিকেল কোল্লাবোরেসনগী মরু ওইবা পন্দুপ অমা ওইখি।

প্রোগ্রাম অসিগী পান্দমদি অনৌবা তেক্নোলোজীশিংদা মরুওইবা হীরমগী লমশিংদা ইন্তর্নেস্নেল কোল্লাবোরেসন অমসুং ইন্নোভেসন পুক্নিং থৌগৎপনি। ৱাখল্লোনশিং অমসুং মালেমগী ওইবা এক্সপর্তিসগী পাক চাউবা ক্রোস-পোল্লিনেসন অমা লৈখি। প্রোগ্রাম অসিদা নেক্স জেন নেৎৱার্কশিং (5G​/​6G), AI অমসুং রোবোতিক্স, সেক্যুরিত কম্ম্যুনিকেসন নেৎৱার্কশিং অমসুং ক্বান্তম কম্ম্যুনিকেসনশিংগী হীরমদা খন্ন-নৈনবগী থৌরমশিং য়াওরি।

তেক্নোলোজীগী খোংজেল য়াংনা খুমাং চাউশিল্লকপনা মালেম পুম্বদগী তোঙান তোঙানবা মীৎয়েংশিং পুনশিনবা মথৌ তাই। মরম অদুনা, থীম খুদিংমক্তা ভারতকী তীমশিং য়াওখি অমসুং অতোপ্পা ITUগী মেম্বর লৈবাকশিং হায়বদি USA, UK, UAE, সিঙ্গাপুরসু য়াওখি। তীমশিং অসিদা মকোক থোংবা ফেকল্তী, রিসর্চ মহৈরোই অমসুং থিমেতিক এরিয়া অমদা থবক তৌরিবা স্তার্তঅপ অমা য়াওরি।

হৌদোকপগী মীফম অদু কম্ম্যুনিকেসন অমসুং রুরেল দিবেলপমেন্তকী রাজ্য মন্ত্রী দা. পেম্মাসানি চন্দ্র সেখর না চিয়র লৌখি অমসুং তেলিকম্ম্যুনিকেসন দিপার্তমেন্ত, ভারতকী দিজিতেল কম্ম্যুনিকেসন কম্মিসনগী মেম্বর তেক্নোলোজী, কুমারি মাধু অরোরা, ইন্তরনেস্নেল তেলিকম্ম্যুনিকেসন য়ুনিয়ন (ITU) গী তেলিকম্ম্যুনিকেসন দিবেলপমেন্ত ব্যুরো (BDT) গী দিরেক্তর দা. কোস্মাস লক্কিসন জায়াজায়া অমসুং কম্ম্যুনিকেসন মন্ত্রালয়গী, দিপার্তমেন্ত ওফ তেলিকোমগী দিপুতি দাইরেক্তর জেনরেল শ্রী সঞ্জিয় কে শর্মনা শরুক য়াখি।

মহাক্কী হৌদোক ৱারোলদা, কম্ম্যুনিকেসন অমসুং রুরেল দিবেলপমেন্তকী রাজ্য মন্ত্রী, দা. পেমসানি চন্দ্র সেখরনা হৌখিবা চহি তরা অসিদা ভারতনা প্রধান মন্ত্রী, শ্রী নরেন্দ্র মোদীগী লুচিং মখাদা করম্না বিজিনেসশিং অমসুং অখন্ননা স্তার্ত-অপশিং চাউখৎহনবদা মতেং ওইগদবা ইকোসিস্তেম অমা শেমগৎনবা কনবা নাইদনা থবক তৌরকখিবগে হায়বগী মতাংদা ফোঙদোকখি। 2015দা 'স্তার্ত অপ ইন্দিয়া, স্তেন্দ অপ ইন্দিয়া' ইনিসিএতিব হৌদোকখিবদগী ভারত অসি সরকারনা শকখঙলবা স্তার্ত অপ লাখ 1.12 হেনবগা লোয়ননা মালেমগী ওইনা স্তার্ত অপশিংগীদমক খ্বাইদগী চাউবা ইকো-সিস্তেমগী অহুমশুবদা লৈরে। একাদমিক রিসর্চ অমসুং স্তার্ত-অপশিংনা তোঙান তোঙানবা ইন্দস্ত্রীএল সেক্তরশিংদা লৈরিবা প্রোব্লেমশিং কোকহল্লি। ভারত 6G এল্লাইন্স অসি ইন্দস্ত্রীগী লুচিংবশিং, একাদমিয়া, স্তার্ত-অপশিং অমসুং সরকারবু পুনশিন্নবা মরুওইবা প্লেৎফোর্ম অমা ওইরিবা অসিনা "ইন্নোভেৎ ইন ইন্দিয়া, ফোর ইন্দিয়া অমসুং ৱর্ল্দ"কী ভিজনগী লমজিং মখাদা 6G ইন্নোভেসন পুরক্নবা শেম-শারি হায়না মহাক্না হায়খি।

মহাক্না স্তার্তঅপ ফাউন্দর অমা ওইনা মহাক্কী মশাগী এক্সপরিয়েন্স অমা পনখি। মহাক্না হায়খি মদুদি “মায় পাকপা অমসুং ইম্পেক্ত লৈরবা বিজিনেস অমা শেম্নবগীদমক্তা, প্রদক্তশিং শেম্বা খক্তদা নত্তনা অশেংবা প্রোব্লেমশিং কোকহনবা অসি তঙাইফদে।  ইন্নোভেৎ তৌবা অমসুং ওইথোকপা য়াবদগী হেন্দোক্তুন ৱাখল হন্দুনা দিসরপ্ত তৌগদবনি”।মহাক্না নহাশিংদা অপীকপা মওংদা হৌনবা, অদুবু অচৌবা মওংদা খনবা অমসুং হৌজিক্তি থবক লৌখৎনবা খঙহনখি। মহাক্না হায়খি, "অদোম্না হৌনবা মালেমগী রিসোর্স পুম্নমক মথৌ তাদে।" কয়া অমনা মপুং ফাবা ফিভম নত্ত্রগা অচৌবা শেনফমগীদমক ঙাইরি, অদুবু হৌনবা খ্বাইদগী ফবা মতমদি হৌজিক্নি। এক্সন অসিনা মোমেন্তম শেম্মি, অমসুং মোমেন্তম্না মায় পাকপা পুরকই”। মায়থিবা লাকপা হায়বসি তঙাইফদে হায়বা ৱাফম থম্লদুনা মহাক্না মীয়াম্বু থৌগৎখি। মহাক্না হায়খি, "মায়থিবা মায়োক্নবদা নুংঙাইবা ফাওগনু, মসি থৌওং অসিগী শরুক অমনি। মখোয়বু লৌশিনবা, তমশিনবা, অমসুং মথৌ তাবা মতমদা হোংদোকপা। তুং কোইনা চৎপা হায়বসিদি মঙলান থম্বা মীওইশিংগা মায় পাকপা মীওইশিংগা খেন্নহল্লি। “মহাক্না মখা তানা ইম্পেক্ততা মীৎয়েং থমদুনা পান্দমদা য়ুম্ফম ওইবা বিজিনেস অমা শেমগৎনবা খঙহনখি। “অদোমগী মিসন অসি ৱাহন্থোক লৈবা পান্দম অমগা চুন্নহনবা মতমদা, পুম্নমক অসি মওং চুম্না চৎনগনি। কাস্তমরশিং, পার্তনরশিং অমসুং ইনভেস্তরশিং অসি অহোংবা পুরক্নবা পান্দম থম্লিবা ভেঞ্চরশিংদা পুক্নিং চিংশিল্লি।" “মীয়ামদা শেল থাদৌ - নহাক্কী তীম অসি নহাক্কী খ্বাইদগী চাউবা এসেৎনি। অদোমগী তীমনা মিসন অসিদা শেল থাদবা ফংলে হায়না খল্লবদি, মখোয়না নুমিৎ খুদিংগী মখোয়গী খ্বাইদগী ফবা মওংদা শরুক তমগনি" হায়বসিনা মহাক্কী ৱারোল লোইশিনখি।

মহাক্কী ৱারোলদা শ্রীমতী মধু অরোরানা ভারত সরকারগী খোংথাং খরগী মতাংদা পনখি। খোংথাংশিং অসিনা ইন্নোভেসন অমসুং স্তার্ত-অপ ইকোসিস্তেমশিংবু নেক্স জেনরেসনগী তেক্নোলোজীশিংদা চাউনা মতেং পাংলি। মহাক্না ITUদা হিরমশিং অসিদা ভারতকা পুন্না থবক তৌমিন্নবা হায়খি। থৌরাংশিং অসিগী মনুংদা "5G য়ুজ কেস লেব 100, 5G ইন্তেলিজেন্ত ভিলেজশিং, AIনা লমজিংবা দিজিতেল ত্বিনশিং" য়াওরি।

ইন্তরনেস্নেল তেলিকম্ম্যুনিকেসন য়ুনিয়ন (ITU) গী তেলিকম্ম্যুনিকেসন দিবেলপমেন্ত ব্যুরো (BDT) গী দিরেক্তর কোস্মাস লক্কিসন জায়াজায়ানা হায়খি মদুদি "মীওইশিংনা পুন্সি মহিং ফগৎহনবা অমসুং খুদোংচাবা অমসুং অপাম্বগী অনৌবা থোঙ হাংদোকপা পাম্বদগী ইন্নোভেসন তৌনবা ৱারেপ লৌখিবদু নীংশিংবা মরু ওই। তেক্নোলোজী অসি অরোইবা অমা ফংনবগী পাম্বৈ অমনি। ঐনা দিবেলপমেন্ত সেক্তরদা লৈরিবা মীওই খুদিংমকপু তেক্নোলোজী অসিবু ময়েক শেংহন্নবা অমসুং মসিনা মীওইবদা পীরিবা শাফু অদু উৎনবগীদমক থবক তৌনবা হায়জরি। মসিদা মীওইবা খুন্নাইবু কন্নবগীদমক্তা ফুদ সপ্লাই, হিদাক-লাংথক অমসুং য়ুম-কৈ শেম্বা য়াওরি।“ মতুংদা মহাক্না সস্তেনেবল দিবেলপমেন্ত গোল (SDG) 17গী মতাংদা ৱা ঙাংখি অমসুং হায়খি মদুদি "ঐখোয়না তৌরিবা পুম্নমক্কী ময়াইদা দিজিতেল থম্লবদি মখোয়শিং অসি ফংহনবা ঙমগনি।"

ইন্নোভেসন এক্সচেঞ্জ থৌরম অসি রিসর্চ অমসুং প্রদক্তাইজেসনগী মরক্তা লৈরিবা দোৎশিং অসি শম্নহনবা ঙম্বনা মরম ওইদুনা য়াম্না চাউনা রেস্পোন্স ফংখি। স্তার্ত-অপকী মীহুৎশিংবু তীমশিং অসিদা পুনশিন্দুনা, খন্ন-নৈনবশিং অসি অশেংবা মালেমগী এপ্লিকেসনশিংদা অমসুং রিসর্চ অদুগী প্রদক্তাইজিংগী মথৌ তাবশিংদা য়ুম্ফম ওইখি। স্তার্ত-অপশিংনা রিসর্চ তৌবশিং অমসুং ইন্দস্ত্রীগী লুচিংবশিংগা ৱারী শানবগীদমক প্লেৎফোর্ম অমা পীদুনা, মসিনা অনৌবা রিসর্চ অমসুং ৱাখল্লোনশিং কৈথেলদা পুথোক্নবগীদমক মতিক চাবা লম অমা ওইহল্লি।

****