থবক শুবা, মীয়ামগী ৱাকৎ অমসুং পেন্সন মন্ত্রালয়
DoPPWনা নবেম্বর 1দগী 30, 2024 ফাওবা লৈবাক শিনবা থুংবদা দিজিতেল লাইফ সর্তিফিকেৎ কেম্পেন পাংথোক্কনি
কেম্পশিং অসি লৈবাক শিনবা থুংবদা লৈরিবা জিলা/সহর 800দা পাংথোক্কনি, খ্বাইদগী চাউবা DLC কেম্পেন ওইরগনি
ফেস ওথেন্তিকেসন তেক্নোলোজী শীজিন্নদুনা পেন্সনরশিংগী দিজিতেল এম্পাৱরমেন্ত প্রমোৎ তৌগনি
ফেস ওথেন্তিকেৎ তৌরবা DLC করোর 1গা লোয়ননা DLC করোর 2 ফংনবা সেচুরেসন মোদেল পায়খৎলি
থা অমা চুপ্না চত্থগদবা কেম্পেন অসিদা বেঙ্ক 19, দিস্ত্রিক্ত পোস্ত ওফিস 785, ৱেল্ফিয়র এসোসিএসন 57, MeitY অমসুং UIDAI তীমশিং, CGDAনা চুংশিন্নগনি
Posted On:
22 OCT 2024 2:46PM by PIB Imphal
পেন্সনরশিংনা চহি খুদিংগী নবেম্বর থাদা পেন্সন মখা চত্থনবগীদমক লাইফ সর্তিফিকেৎ পীশিনগদবনি। নবেম্বর 1-30, 2024 ফাওবদা ভারত শিনবা থুংনা সহর/ জিলা 800দা পাংথোক্কদবা 3শুবা নেসন ৱাইদ দিজিতেল লাইফ সর্তিফিকেৎ কেম্পেন DoPPWনা পাংথোক্কনি। দিপার্তমেন্তনা গাইদলাইনশিং অসি OMগী খুত্থাংদা ওগস্ত 9, 2024দা নোতিফাই তৌখ্রে।
লৈবাক অসিগী অরাপ্পা মফমশিংদা লৈরিবা পেন্সনর পুম্নমকপু য়ৌশিন্নবা পান্দম থমদুনা কেম্পেন অসি পেন্সন দিসবর্সিং বেঙ্কশিং, ইন্দিয়া পোস্ত পেমেন্ত বেঙ্ক, পেন্সনর্স ৱেলফেয়র এসোসিএসনশিং, CGDA, DoT, ৱেলৱেজ, UIDAI অমসুং MeitYগা লোয়ননা চুংশিন্নদুনা পাংথোক্কনি।
DLC কেম্পেন 2.0 অসি নবেম্বর, 2023দা সহর 100দা লৈবা মফম 597তা পাংথোকখি। মসিগী মখাদা অপুনবা DLC করোর 1.47 পীখি। মসিগী মনুংদা লাখ 45.46দি কেন্দ্র সরকারগী পেন্সনরশিংনি। ফেস ওথেন্তিকেসন তেক্নিক শীজিন্নদুনা DLC লাখ 25.41 পীখি অমসুং চহি 90গী মথক্তা লৈবা পেন্সনর 30,500 হেন্না DLCগী কান্নবা ফংখি।
লাক্কদৌরিবা কেম্পেন অসিগী শেম-শাবগী তাঙ্কক অসি স্তেকহোল্দর পুম্নমক্কা লোয়ননা পাক-শন্না মীফমশিং পাংথোক্তুনা হৌখ্রে। জিলা 800, কেম্প 1900 অমসুং নোদেল ওফিসর 1000গী মেপ্পিংগা লোয়ননা দিদিকেতেদ DLC পোর্তেল শেমখ্রে। নোদেল ওফিসর পুম্নমক্তা ত্রেনিং অসি তাঙ্কক নাইনা পাংথোক্নবা থৌরাং তৌখ্রে।
IPPBনা মাগী পোস্তমেন লাখ 1.8 অমসুং গ্রামিন দাক সেৱাকশিংগী পাক চাউবা নেৎৱার্ককী খুত্থাংদা জিলা 785দা কেম্পশিং পাংথোক্কনি। IPPBনা দোরস্তেপ DLC সর্ভিসশিং পীরি। মসিগী খুদোংচাবা অসি লৈবাক অসিগী পেন্সনরগী কাংলুপ খুদিংমক্তা মখোয়গী পেন্সন একাউন্ত অসি তোঙান-তোঙানবা বেঙ্কতা লৈরবসু ফংহনগনি। IPPB গী খুত্থাংদা “DLC পীশিন্নবগী দোরস্তেপ সর্ভিসকী মতাংদা পেন্সনরশংনা অকুপ্পা ৱারো; ippbonline.com ফংগনি”। পোস্তমেন অমসুং গ্রামীন দাক সেৱাক পুম্নমক মোবাইল ফোন পায়রিবা মসিনা ফিঙ্গর বাইওমেত্রিক অমসুং ফেস ওথেন্তিকেসন তেক্নিকশিংগী খুত্থাংদা DLC পীবদা শিজিন্নগনি।
পেন্সন পীনবা বেঙ্ক 19না সহর 150দা মফম 750 হেনবদা কেম্পশিং পাংথোক্কনি। চহি য়াম্লবা/ দিসএবল ওইরবা/ অনাবা পেন্সনরশিংগী য়ুমশিং/ হোস্পিতালশিংদা ভিজিৎ তৌগনি। মসিনা মখোয়দা দিজিতেল লাইফ সর্তিফিকেৎ সবমিৎ তৌবা লায়থোকহল্লি। মসিগী খোঙথাংশিং অসিনা পেন্সনর পুম্নমক কেম্পেন অসিগী কান্নবা ফংহন্নবা অমসুং সুপর সেনিয়র পেন্সনরশিংদা য়াম্না কান্নবা ফংহন্নবা পান্দম থম্মি।
DOPPWদা রেজিস্তর তৌরবা পেন্সন ৱেলফেয়র এসোসিএসন 57না কেম্পশিং পাংথোক্তুনা অমসুং IPPB অমসুং পেন্সন দিসবর্সিং বেঙ্কশিংনা পাংথোক্কদৌরিবা কেম্পশিংগীদমক পেন্সনরশিংবু পুক্নিং থৌগৎতুনা কেম্প অসিদা মরু ওইবা থৌদাং অমা লৌগনি।
চহি অসিদা ফেস ওথেন্তিকেসন তেক্নোলোজী প্রমোৎ তৌবদা মীৎয়েং থমগনি। কেম্পেন অসিগী মনুংদা MeitY অমসুং UIDAI না মপুং ফানা তেক্নিকেল সপোর্ত পীগনি। ফেস ওথ অসি চহি য়াম্লবা পেন্সনরশিংগীদমক্তা হেন্না অপনবা লৈতবা অমসুং অরায়বা ওইহনখ্রে।
DD, AIR অমসুং PIB গী তীমশিংনা ওদিও, ভিজুএল অমসুং প্রিন্ত পব্লিসিতিগী কেম্পেন অসিদা মপুং ফানা মতেং পাংনবা মপুং ফানা শেম-শারি। কেম্পেন অসিগী মতাংদা এৱেরনেস পীনবগীদমক্তা SMS, ত্বীত (#DLCCampaign3), জিংলস অমসুং অতেনবা ফিল্মশিংগা লোয়ননা আউৎরীচকী থবকশিং অসি হেন্না মপুং ফাহনগনি।
মসি দিজিতেল এম্পাৱরমেন্তকী খ্বাইদগী চাউবা কেম্পেন ওইগনি অমসুং মসিনা পেন্সনরশিংগী কাংলুপ খুদিংমক্তা খ্বাইদগী য়াম্না আউৎরীচ তৌহন্নবা হোৎনগনি।
*****
(Release ID: 2067054)
Visitor Counter : 66