মপান থৌরমগী কেন্দ্র মন্ত্রী দোক্তর এস. জয়শঙ্করনা নই দিল্লীদা ওক্তোবর ১৭, ২০২৪দা “সাইলেন্ত কনভরসেসন: ফ্রোম মার্জিন্স তু দি সেন্তর” আর্ত একজিবিসনগী অনিশুবা ইদিসন হৌদোকখ্রে‍। নুমিৎ মরিনি চত্থগদবা একজিবিসন অসি নেস্নেল তাইগর কঞ্জার্বেসন ওথোরিতীনা সঙ্কলা ফাউন্দেসন, নেস্নেল হ্যুমেন রাইতস কম্মিসন অমসুং ইন্তরনেস্নেল বিগ কেত এলাইএন্সকা খুৎশম্নরগা পাঙথোকপনি‍।

একজিবিসন অদু হৌদোক্লদুনা, দোক্তর এস. জয়শঙ্করনা ভারতকী চাওখৎ খোঙচৎ অসি অকোয়বগী ফীভম ঙাক শেনবগা অচেৎপা মরী লৈনৈ হায়বা ৱাফম থমখি‍। অন্ত্যোদয়া স্কীম অসি শোত্থহৌরবা ফুরুপশিংগী ফীভম ফগৎহন্বা অমসুং কনাগুম্বা অমত্তা তুংদা লৈথহৌদনবা হায়বা ৱাখল্লোন্দা পায়খৎপনি হায়রদুনা, মহাক্না তোঙান তোঙানবা থৌশিলশিংগী খু্ত্থাঙদা সিদ্যুল ত্রাইবশিংগী য়াইফ-থৌরাংগীদমক লৈঙাক্না লেপ্লিবা খোঙফম অমুক নৌহৌননা ফোঙদোকখি‍।

কেন্দ্র মন্ত্রী দোক্তর জয়শঙ্করনা ভারতনা প্রধান মন্ত্রী, নরেন্দ্র মোদীগী লমজিং মখাদা অকোয়বগী ফীভম ঙাক শেনবদা শিংথানিংঙাই ওইবা মওংদা খুমাঙ চাওশিন্না চৎলি হায়খি‍। ২০২২দা ৱাইল্দলাইফ প্রোতেক্সন এক্ততা শেমদোকখিবা অসিনা অকোয়বগী ফীভম ঙাক শেনবগা চাওখৎপগী মথৌ তাবা অনিগী মরক্তা খল কায়হন্দনবা পান্দম থম্লি হায়না মহাক্না ফোঙদোকখি‍। নেস্নেল তাইগর কঞ্জার্বেসন ওথোরিতীনা মায় পাক্লিবা অসি, উমংশিং নীংথিনা য়েংশিন্দুনা হিংহল্লিবা অমসুং শা তান্ববু থেংনরিবা ত্রাইবেল ফুরুপ অমসুং উমংদা খুন্দাবা মীওইশিংগী মপান্ননি হায়না মহাক্না হায়খি‍। জনভাগিদারীগী ৱাখল্লোনগী মতাঙদা পল্লদুনা, খুজিল থৌরাংশিং অসি মীয়াম্না মপুং ফানা লৌশিল্লবা মতমদা খ্বায়দগী হেন্না মতিং লৈ হায়না মহাক্না ফোঙদোকখি‍।

এনভাইরনমেন্ত, ফোরেস্ত অমসুং ক্লাইমেত চেঞ্জকী কেন্দ্র মন্ত্রী, শ্রী ভুপেন্দ্র য়াদবনা, ভিদিও পাউজেল অমদা, পুন্না হিংমিন্নবগী ৱাখল্লোন অসি কমদৌনা মীয়াম্না মহৌশাগা পুন্না, মসিবু ঙাক শেন্দুনা অমসুং ইকায়খুম্ননা লৈমিন্নরিবা অসিদা মমি তাবগে হায়বগী ৱাফম থমখি‍। মরুওইনা মালেম অসিনা অইং-অশাগী খল হোংলকপা, বাইওদাইভর্সিতী মাঙশিল্লকপা, অমসুং লৈবাক লৈহাউ কংশিল্লকপনচিংবা অরুবা শিংনবশিং থেংনরিবা মতমসিদা থৌওং অসিনা মরুওইবা থৌদাং লৌরি হায়না মহাক্না শিংথাখি‍।

থৌরম অদুদা, “হিদন ত্রেজর্স: ইন্দিয়া’স হেরিতেজ ইন তাইগর রিজর্ব্স” কৌবা লাইরিক অমা অমসুং “বিগ কেতস” কৌবা মেগজিন অমসু ফোঙদোকখি‍।

নুমিদাংৱাইরমদা, কলচর অমসুং তুরিজমগী কেন্দ্র মন্ত্রী দোক্তর গজেন্দ্র সিংহ সেখাৱতনা শরুক য়াদুনা কলচরেল প্রোগ্রাম অমসু পাঙথোকখি‍।

বেকগ্রাউন্দ

একজিবিসন অসিনা ত্রাইবেল ফুরুপশিংগী অকোয়বগী ফীভম ঙাক শেনবগী মচৎপু অমসুং হায়রিবা ফুরুপশিং অসিগা মহৌশাগা লৈনরিবা অচেৎপা মরীবু শকখঙনবা পান্দম থম্লি‍। মসিনা তুংগী মীরোলশিংবু পুক্নিং থৌগত্তুনা মরী অসিবু লুম্না লৌনবা অমসুং ত্রাইবেল আর্তিস্তশিংদা ভিজিতরশিংগা এঙ্গেজ তৌনবা তাঞ্জা অমা পীননবা পান্দম থম্লি‍।

একজিবিসন অদুদা ভারত পুম্বদগী তাইগর রিজর্ব্স ২২দগী অয়েকপা লাই ২০০ অমসুং আর্ত পীস ১০০ হেনবা উৎলি‍। গোন্দ, ৱর্লি চিত্র, ভিল, অমসুং সোহরাইনচিংবা ত্রাইবেল আর্ত ফোর্মশিং উৎলি অমসুং লৈবা য়াহন্দুনা মদুদগী ফংলকপা শেন্দোংশিংনা খুৎহৈবশিংদা কান্নহল্লি‍। মসিদা উৎলিবা আর্তৱর্ক পুম্নমক সস্তেনেবল মচাকশিংনা শেম-শাদুনা য়েলহৌ ফুরুপশিংগী মহৌশাগা থাগোন্ননা হিংলিবা মচৎকী মমি তারি‍।

শরুক য়াখিবা আর্তিস্ত ৪৯গী মনুংদা, ১০দি মধ্য প্রদেশকী তাইগর রিজর্ব্সশিংদগী লাকপনি, অদুগা অতৈনা মহারাস্ত্র, ছত্তিসগর, ওরিসা, তেলঙ্গনা, রাজস্থান, অরুনাচল প্রদেশ, ঝার্খন্দ, অমসুং মিজোরমদগীনি‍।

২০১১ সেন্সসকী মতুং ইন্না, ভারতকী খুঙ্গং ১,৭০,০০০ হেনবদি উমং নক্না খুন্দারি, অমসুং ইন্দিয়া স্তেত ওফ ফোরেস্ত রিপোর্ত ২০২১না মীওই মিলিয়ন ৩০০ হেনবনা হিংনবগীদমক উমংদা তাংদুনা লৈ হায়বা উৎলি‍। কৈ য়োকখৎপগী মতাঙদা, ভারতনা, ২০২৩ ফালবদা তাইগর রিজর্ব ৫৫দা কৈ ৩,৬৮২ রোম লৈদুনা মালেমগী কৈগী মশিংগী ৭৫%গী ময়ুম ওইরি‍।‍।

দাইরেক্তর জেনেরেল (ফোরেস্ত) অমসুং স্পিসিএল সেক্রেতরী শ্রী জিতেন্দ্র কুমার, NCTA মেম্বর সেক্রেতরী দোক্তর গোবিন্দ সাগর, অমসুং NHRC মেম্বর সেক্রেতরী শ্রী ভারত লাল লোয়ননা মন্ত্রালয়গী মকোক থোংবা ওফিসিএলশিংসু থৌরমদুদা শরুক য়াখি‍।

*****