ভারত সরকারগী দিপার্তমেন্ত ওফ তেলিকম্ম্যুনিকেসন্স (DoT)গা লোয়ননা চুংশিন্নদুনা দিল্লীদা পাংথোক্লিবা ITU-WTSA 24 অসিনা তেলিকম্ম্যুনিকেসন স্তেন্দর্দাইজেসনগী লমদা জেন্দর দাইভর্সিতী প্রমোৎ তৌবদা মীৎয়েং থম্বা মরু ওইবা থৌরম অমা ঙরাং উবা ফংখ্রে। ইন্তর্নেস্নেল তেলিকম্ম্যুনিকেসন য়ুনিয়ন (ITU-T)গী তেলিকম্ম্যুনিকেসন স্তেন্দর্দাইজেসন সেক্তরনা লমজিংবা অখন্নবা থৌরম, দি নেৎৱার্ক ওফ ৱুমেন ইন স্তেন্দর্দস (NoW)না STEM অমসুং স্তেন্দর্দাইজেসনদা নুপীশিংনা লুচিংবগী থৌদাংশিং হেনগৎহন্নবগী ফিরেপ অদু থমখি। নুপীনা লমজিংবা চাউখৎ-থৌরাং পুরক্নবা এদভোকেৎ তৌরিবা প্রধান মন্ত্রী, শ্রী নরেন্দ্র মোদীগী ভিজনগী পরিং মখাদা ইনক্লুসিব তেক্নোলোজী সেক্তর অমা শেম্নবা অমসুং তেক্নোলোজী প্লেৎফোর্মশিংগী খুত্থাংদা নুপীদা শক্তি পীনবা পায়খৎলিবা খোঙথাং কয়ামরুম অসিগা ইরোননা তোপিক অসি ভারতকীদমক অখন্ননা মরু ওই। স্তার্তঅপশিংদা নুপী কো-ফাউন্দরশিংগী মশিং হেনগৎলকপা অমসুং STEM এজুকেসনদা শরুক য়ারিবশিংগী 40% নুপীশিংনা ওইবগা লোয়ননা লম অসিদা ভারতনা খুমাং চাউশিল্লি। নমো দ্রোন দিদি, বেঙ্ক সখি, মহিলা ই-হাতগুম্বা থৌশিলশিং অসিনা তেক্নোলোজীদা নুপীশিংনা লুচিংবগী থৌদাংশিং লৌনবা শক্তি পীরি।

WTSA রিজোলুসন 55 (রিভ. জেনেভা, 2022)গা চুন্ননা ITU-Tদা নেৎৱার্ক ওফ ৱুমেন (NoW)না স্তেন্দর্দাইজেসনগী থবকশিংদা নুপীশিংবু পুক্নিং থৌগৎনবা অমসুং ITU-Tগী থৌওং পুম্নমক্তা জেন্দর ইনক্লুসিব এপ্রোচ অমা লৈহন্নবগীদমক্তা কত্থোক‌্লি। তেক্নোলোজীগী তুংলমচৎ শেমগৎপদা নুপীশিংনা মরুওইবা থৌদাং অমা লৌদুনা দিজিতেল ইনক্লুজনগীদমক মালেমগী থাক্তা হোৎনবা হেনগৎলকপগা লোয়ননা খোঙথাং অসি য়াম্না মরু ওই।

মহাক্কী হৌদোক ৱারোলদা ITUগী সেক্রেতরী জেনরেল দোরিন বোগদান-মার্তিননা লমদম অসিদা জেন্দর ইমবেলেন্স থেংনবগী মরুওইবা অদু পনখি। মহাক্না হায়খি, "ঐখোয়না নুপীশিংগী মশিংবু লুচিংবগী থৌদাংশিংদা, মরু ওইনা ঐখোয়গী স্তেন্দর্দ স্তদী গ্রুপশিংদা হেনগৎহনবা ঙম্মি, অমসুং ঐখোয়না মসি তৌগদবনি। নুপীশিংনা খোঙজং য়াংশিনবা, ৱা ঙাংবা, অমসুং মখোয়গী ভোইস অদু তাহনবা অসি য়াম্না মরু ওই। নেৎৱার্ক ওফ ৱুমেন্না হায়রিবা অসি মসিনি - নুপীশিংনা শক্তি লৈ অমসুং মতেং পাংলিবা ফাওবা এনভাইর্নমেন্ত অমা শেম্বা। মসিগী অহোংবা অসিদা মেন্তরশিপনা মরু ওইবা থৌদাং অমা লৌরি। ঐখোয়না তশেংনা খুমাং চাউশিল্লকপা ঙমগদবা অসি মেন্তরিং, খুদোংচাবশিং শেম্বা, অমসুং ঐখোয়গী লৌশিং শেয়র তৌবদগীনি। করিগুম্বা তেবল অদুদা ঐখোয়গী ফমফম লৈত্রবদি, ঐখোয়না ঐখোয়গী মশাগী চিয়র অমা পুরকপা তাই অমসুং মথংদা লাক্কদবশিংগীদমক্তা অহেনবা চিয়র অমা পুরকপা তাই। ঐখোয় অমগা অমগা শৌগৎমিন্নদুনা অমসুং দিজিতেলগী তুংলমচৎ অসি মীওইবা খুদিংমক্না শেমগৎলক্কনি হায়না থাজবা থমদুনা মাংলোমদা চংশিন্নসি। ঐখোয় পুন্না, ঐখোয়না দিজিতেল ইনক্লুজনগী মায়কৈদা চাউনা খোঙজেল য়াংশিনবা ঙমগনি।“

ITU-T, NoWগী চেয়রমেন অমসুং তুনিসিয়া তেলিকোমদা দিজিতেল ত্রান্সফোর্মেসনগীদমক থৌদাং লৌরিবা চীফ ইন্নোবেসন অমসুং স্ত্রেতেজী ওফিসর দা. রিম বেলহাসিন-চেরিফনা ITU-WTSA 2024দা জেন্দর বেলেন্স ফংনবা হোৎনবদা খুমাং চাউশিল্লকপগী মতাংদা ফোংদোকখি। মহাক্না হায়খি, "ITU-WTSA 2024গী মরুওইবা পান্দমশিংগী মরক্তগী অমা হায়রগদি জেন্দর-বেলেন্স লৈবা দেলিগেসনশিং প্রমোৎ তৌবা অমসুং লুচিংবা থৌদাংশিংদা, মরুওইনা দেলিগেসনশিংগী হেদশিংদা নুপীশিংগী মশিং হেনগৎহনবনি। পেনেল দিক্সনশিং, ত্রেনিং সেসনশিং, ত্যুতোরিএলশিং, অমসুং রিজনেল প্রিপারেতরি গ্রুপশিংগী মতেং অসিগুম্বা তোঙান তোঙানবা ইনিসিএতিবশিংগী খুত্থাংদা, ঐখোয়না ITU-WTSAগী পুৱারীদা নুপীশিংগী খ্বাইদগী ৱাংবা শরুক ঙমখি।”

আর্তিফিসিএল ইন্তেলিজেন্স (AI) গুম্বা দিসরপ্তিব তেক্নোলোজীশিং থোক্লকপগা লোয়ননা ICT গী স্তেন্দর্দাইজেসন্দা নুপীশিং শরুক য়াবা হেনগৎলকপা অসি য়াম্না মরু ওই। নুপীশিংগী কন্ত্রিব্যুসনশিংনা মীওইবা খুন্নাই পুম্নমক্কী কান্ননবগীদমক্তা তেক্নোলোজীগী খুমাং চাউশিল্লকপদা মতেং পাংগদবা, চপ মান্নবা অমসুং তুং কোইনা চৎনবা য়াবা স্তেন্দর্দশিং শেমগৎপদা মতেং পাংগনি।

থৌরম অদুদা দোরিন বোগদান-মার্তিননা দিজিতেল ত্রাঞ্জিসন, পোস্ত অমসুং ইলেক্ত্রোনিক কম্ম্যুনিকেসনগী মন্ত্রী, অমিনতা জেরবো/সাবানে অমসুং এস্ত্রোমগী ফাউন্দর অমসুং CEO বুর্কিনা ফাসো অমসুং নেহা সতক্কা লোয়ননা মোদেরেৎ তৌবা দাইনামিক ফায়রসাইদ চেত অমা য়াওখি। সাইন্স, তেক্নোলোজী, ইঞ্জিনীয়রিং অমসুং মেথমেতিক্স (STEM) অমসুং স্তেন্দার্দাইজেসনদা জেন্দরগী মরক্তা লৈরিবা খেন্নবা অসি কোকহন্নবগী মতাংদা খন্ন-নৈনখি। পেনেলিস্তশিংনা তেক্নোলোজীদা কেরিয়র অমা শেম্নবা নুপীমচা কয়া অমা পুক্নিং থৌগৎনবগীদমক সপোর্তিব এনভাইর্নমেন্ত অমসুং ঙল্লিঙৈ মতমগী কেপাসিতী বিল্দিংগী মরুওইবা অদু পনখি।

এক্সপর্ত পেনেলিস্তশিংনা AIদা জেন্দর ইক্বেলিতীগা মরী লৈনবা শীংনবশিং নৈনখি অমসুং "স্তেন্দর্দস ফোর ইনক্লুসিব AI"গী পেনেল দিস্কসন্দা ইনক্লুসিব AIদা তেক্নিকেল স্তেন্দর্দশিং শৌগৎনবগী ইন্সেন্তিবশিং অমসুং খুদোংচাবশিংদা মীৎয়েং থমখি। স্তেন্দর্দশিং অসিনা জেন্দর বাইয়স থেংনবদা অমসুং চপ মান্নবা তুংলমচৎ অমা লৈহন্নবা করম্না মতেং পাংগদগে হায়বদু থিজিনবগী লম্বীশিংসু খন্নখি। সেসন অসি UN ৱুমেন ইন্দিয়াগী মীহুৎ মিস সুসান ফার্গুসননা মোদরেৎ তৌখি অমসুং পেনেলিস্তশিং অদুদি প্রোফেসার সান্দ্রা মেক্সিমিয়ানো, ওতোরিদেদ নেস্নেল দে কম্ম্যুনিকাকোসগী বোর্দকী চেয়রমেন (পোর্তুগালগী কম্ম্যুনিকেসন সেক্তরগী নেস্নেল রেগুলেতরী ওথোরিতী), শ্রী বিষ্ণু রাম, AI এক্সপর্ত, ওতোনোমস নেৎৱার্কসকী ITU ফোকস গ্রুপ, দা.এসেসন্দ্র সালা, সিনিয়র দিরেক্তর আর্তিফিসিএল ইন্তেলিজেন্স অমসুং দেতা সাইন্স, AIগী নুপী গ্লোবেল প্রসিদেন্ত, দোক্তর ইবেতসেম অলমাজরুই, AIE3গী ফাউন্দর অমসুং CEO, এক্সপর্ত AI  একজিক্যুতিব অমসুং তেক ভিজনরী লিদর অমসুং মিস পিকো ভেলাজক্যু, VIIRAগী ফাউন্দর অমসুং CEO, কম্প্যুতেস্নেল আর্কিতেক অমসুং মলতিভর্স থোথ লীদর য়াওখি।

মীফম অদুদা ITU স্তেন্দার্দাইজেসনগী লমদা লুচিংবা নুপীশিংবুসু শকখঙখি। তেলিকম্ম্যুনিকেসন স্তেন্দর্দাইজেসন ব্যুরোগী দiরেক্তর শ্রী সেইজো ওনোই অমসুং তেক্নোলোজী/ দিজিতেল কম্ম্যুনিকেসন কম্মিসন, তেলিকম্ম্যুনিকেসন দিপার্তমেন্ত, ভারত সরকারগী কম্ম্যুনিকেসন মন্ত্রালয়গী মেম্বর, শ্রীমতি মাধু অরোরানা তুনিসি তেলিকোম, তুনিসিয়াগী চীফ ইন্নোবেসন অমসুং স্ত্রেতেজী ওফিসর রিম বেলহাসিন-চেরিফ; ITU-T গী ভাইস চেয়রমেন, NoWগী চেয়রমেন ওইরিবা হিয়োং জুন কিম; NoW ITU-Tগী রিজনেল রিপ্রজেন্তেতিব, অফ্রিকাগী রেবেকা মুকিতে; ফেদরেল ইন্সতিত্যুৎ ওফ তেলিকম্ম্যুনিকেসন (IFT), মেক্সিকোগী মিসন তানিয়া ভিল্লা; ইন্তরনেস্নেল ওর্গনাইজেসন মেনেজর নেস্নেল তেলিকোম রেগুলেতরী ওথোরিতি (NTRA), ইজিপ্তকী মিস বসমা তোফিক; TSAGগী ভাইস চেয়র, সেনিয়র একজিক্যুতিব প্রোফেস্নেল, NEC কোর্পোরেসন, জপানগী মিস মিহো নাগানুমা,; রিজনেল কমনৱেল্থকী লমদা কম্ম্যুনিকেসন (RCC), রসিয়াগী এক্তিং দিপ্যুতী দিরেক্তর জেনরেল, মিস মারিয়া বোলশাকোভা, দিজিতেল এফিয়র্স মিনিস্ত্রীগী মিনিস্তর এদভাইজর, পোলেন্গী মিস, ইজাবেলা ইগলেৱস্কাবু ইকাই খুম্নবগা লোয়ননা ওকখি; মসিগী মথক্তা করেমরুন, দোমিনিকন রিপব্লিক, ঘানা অমসুং য়ুরোপকী মেম্বর স্তেৎশিংসু মখোয়গী দেলিগেসনশিংদা নুপীশিংগী মীহুৎকী চাং ৱাংবগীদমক ইকাই খুম্নবা উৎখি।

ITU-WTSA 2024 না তেলিকম্ম্যুনিকেসনদা জেন্দর ইক্বেলিতিগী মতাংদা মরু ওইবা খন্ন-নৈনবগী থবকশিং মখা তানা চত্থদুনা স্তেতিস্তিক অমসুং স্তেরিওতাইপিক বাইয়স অনিমক থেংনদুনা, বাইয়সশিং হন্থহন্দুনা অমসুং তেলিকম্ম্যুনিকেসন অমসুং তেক সেক্তরদা নুপীশিংগী এক্তিব পার্তিসিপেসন প্রমোৎ তৌরি।

ইন্তরনেস্নেল তেলিকম্ম্যুনিকেসন য়ুনিয়ন (ITU) না শীনবা WTSA 2024 অসি মালেমগী তেলিকম্ম্যুনিকেসন স্তেন্দর্দশিং শেমগৎনবা অমসুং চৎনহন্নবা প্লেৎফোর্ম অমা ওইনা মথৌ তৌরি। মসিনা মালেম শীনবা থুংনা কম্ম্যুনিকেসনগী তুংগী মওং শেম্নবগীদমক্তা রেগ্যুলেতরশিং, ইন্দস্ত্রীগী লুচিংবশিং অমসুং পোলিসী মেকরশিংবু পুনশিনহল্লি।

<><><>

*****