ইকায়খুম্নরবা ইনফোর্মেসন অমসুং ব্রোদকাস্তিং অমদি পার্লিয়ামেন্তরী এফ্যার্সকী রাজ্য মন্ত্রী দোক্তর এল. মুরুগন্না ‘ইমর্জিং ত্রেন্দ্স এন্দ তেক্নোলোজিজ ইন ব্রোদকাস্তিং সেক্তর’গী মতাঙদা TRAI না পাঙথোকপা সিম্পোজিয়ম অমা ইন্দিয়া মোবাইল কংগ্রেস (IMC-2024)গী সাইদলাইন্সতা ঙসি, TRAI চেয়রমেন শ্রী অনিল কুমার লহোতি; I&B মন্ত্রালয়গী সেক্রেতরী শ্রী সয়্জয় জাজু; অমসুং TRAI সেক্রেতরী শ্রী অতুল কুমার চৌধরীনা শরুক য়াদুনা হৌদোকখ্রে‍। থৌরম অসি ইন্দস্ত্রী অসিদা হন্দক তেক্নোলোজীগী লমদা খুমাঙ চাওশিল্লকখিবা অমসুং মখোয়না পীরিবা ইথিলশিং য়েংলগা পাঙথোকপনি‍।

TRAI সেক্রেতরী শ্রী অতুল কুমার চৌধরীনা থৌরম অদু তরাম্না ওকপগী ৱারোল অমা পীদুনা হৌদোকখি‍। মহাক্না ঙসিগী সিম্পোজিয়ম অসি হন্দক খুমাঙ চাওশিল্লকখিবশিং য়েংলগা রিগুলেতরী ফ্রেমৱর্ক্তা মথৌ তাগদবা অহোংবশিংগী মতাঙদা সেক্তর অসিদা নৌনা খন্ননবা অমসুং মচা খায়না নৈননবা TRAI না হোৎনরিবশিংসিগী মখা চত্থরকপা ওইনা পাঙথোকপনি হায়খি‍।

ইনফোর্মেসন অমসুং ব্রোদকাস্তিং মন্ত্রালয়গী (MIB) সেক্রেতরী শ্রী সঞ্জয় জাজুনা মহাক্কী ৱারোলদা, ব্রোদকাস্তিং সেক্তর হেন্না মতিং লৈন্নবা চাওখৎপদা মীৎয়েঙ থম্বা থৌরাং অমসুং থৌশিলশিং শেম্বদা মন্ত্রালয়না লৌরিবা শক্লোনগী মরমদা ফোঙদোকখি‍। মহাক্না দিজিতেল রেদিওগী মতিকপু স্পেক্ত্রম নীংথিনা শীজিন্নদুনা হেন্না ফবা খোঞ্জেলগী ক্বালিতী ফংহনবা ঙমবা মাস কম্ম্যুনিকেসনগী খুৎলায় অমনি হায়খি‍। মহাক্না, মোবাইল ফোন্দা হকথেংননা কন্তেন্ত ফংহল্লিবা দাইরেক্ত-তু-মোবাইল (D2M) ব্রোদকাস্তিংগী কান্নবশিংসু থমখি‍। পব্লিক সর্ভিস ব্রোদকাস্তর ওইরিবা প্রসার ভারতীনা IIT কান্পুর অমসুং সানখ্য লেব্সকা খুৎশম্নদুনা, হায়-পৱার অমসুং লো-পৱার ত্রান্সমিসন অনিমক শীজিন্নদুনা D2M চাংয়েংশিং চত্থরি হায়না মহাক্না পাউদমখি‍। মহাক্না 5Gগী, মরুওইনা ওগমেন্তেদ রিএলিতী অমসুং ভর্চুএল রিএলিতীগুম্বা ইমর্সিব তেক্নোলোজীশিংগা পুনশিন্নবা মতমদা, হায়লী এঙ্গেজিং ব্রোদকাস্তিং এক্সপিরিএন্স পীবা ঙমগদবা অওনবা পুরকপা ঙম্বগী মতিংগী মতাঙদসু মহাক্না ফোঙদোকখি‍। মসিগী মথক্তা, স্তার্তঅপ কলচরদা ইনোৎ হাপ্পা ঙমগদবা, ক্রিএতিবিতী পুরক্কদবা, অমসুং কন্তেন্ত শীজিন্নবগী এক্সপিরিএন্স হেনগৎহনবা ঙমগদবা এনিমেসন, ভিজুএল ইফেক্ত, গেমিং, কোমিক্স এন্দ এক্সতেন্দেদ রিএলিতী (AVGC-XR) সেক্তরদা মশক থোক্না খুমাঙ চাওশিনবা লাক্কনি হায়নসু মহাক্না থাজবা ফোঙদোকখি‍।

কীনোত ৱারোল পীরদুনা, চেয়রমেন, শ্রী অনিল কুমার লহোতীনা অনৌবা মীদিয়ানা থুনা পাকথোক চাউথোরক্লিবা অসিনা থৌদুনা, ২০২৬ ফাওবদা লুপা ত্রিলিয়ন ৩.০৮ য়ৌগনি হায়না পানরিবা M&E সেক্তরদা লৈরিবা মশক থোকপা গ্রোথ ত্রেজেক্তরীগী মতাঙদা ফোঙদোকখি‍। হেন্না এঙ্গেজিং অমসুং ইন্তরেক্তিব ওইবা এক্সপিরিএন্স পীরিবা ইমর্সিব তেক্নোলোজীশিংগী অওনবা পুরকপা ঙমগদবা মতিংগী মতাঙদসু মহাক্না মরুওইবা ৱাফম থমখি‍। দাইরেক্ত-তু-মোবাইল (D2M) ব্রোদকাস্তিংনা ইন্তরনেত য়াওদ্রবা ফাওবদা চপ মান্নবা মতমদা ব্রোদকাস্তিং তৌবা য়াহন্দুনা অতোপ্পা কন্তেন্ত দেলিভরীগী তেক্নোলোজী অমা ওইরক্লি হায়না মহাক্না ফোঙদোকখি‍। মসিগী মথক্তা, দিজিতেল রেদিওগী কান্নবা, মরুওইবা তেলিভিজন মরাং কায়না লৈতবা মফমশিংদা পীরিবা কান্নবগী মতাঙদা ৱাফম কয়া থমখি অমসুং কঞ্জ্যুমরশিংগী ইন্তরেস্ত ঙাক্কদবা, সর্ভিস প্রোভাইদরশিংদা থোং মান্নবা ফীঙম ফংহনগদবা অমসুং ব্রোদকাস্তিং সেক্তরদা মপুং ওইবা খুমাঙ চাওশিনবা পুরক্কদবা মাঙদা মীৎয়েঙ থম্বা রিকম্মেন্দেসন অমসুং রিগুলেসনশিং ফংহন্নবা TRAI না লেপ্লিবা খোঙফম অমুক হন্না থমখি‍। TRAI না হন্দক্তা নেস্নেল ব্রোদকাস্তিং পোলিসী শেম্নবা রিকম্মেন্দেসন পীখ্রে‍।

হৌদোকপগী ৱারোলদা, ইনফোর্মেসন অমসুং ব্রোদকাস্তিং অমদি পার্লিয়ামেন্তরী এফ্যার্সকী রাজ্য মন্ত্রী দোক্তর এল মুরুগন্না, কন্তেন্তনা মীৎয়েঙ তারিবশিংগী মপুং ওইবা ফোকস ওইরকপগা লোয়ননা ভারতকী ব্রোদকাস্তিং সেক্তরদা তেক্নোলোজীগী খুমাঙ চাওশিনবনা পীরিবা অওন্বা পুরকপা ঙমগদবা ইথিলগী মতাঙদা ফোঙদোকখি‍। মহাক্না খুদোংথিনিংঙাই ওইবা মীওই কাঙলুপশিংদা মখোয়বু খুন্নাই, শেন্মিৎলোন অমসুং রাজনিতীগী লমদা শরুক য়াহন্নবগীদমক ব্রোকাস্তিং সর্ভিস ফংবগী চাং হেনগৎহনবগী মথৌ তাবা ৱাফম ফোঙদোকখি‍। AVGC সেক্তরনা ইজ ওফ দুইং বিজিনসে হেনগৎহন্নবা মওং মরিল নাইবা সিঙ্গল-ৱিন্দো অমগী খুত্থাঙদা ভারত্তা কন্তেন্ত পুথোকপগী থৌওং য়োকখৎপদা অখন্নবা মীৎয়েঙ চঙননবা ৱাফম মহাক্না ফোঙদোকখি‍। ভারতনা কন্তেন্ত-দ্রিভন ইকনমী ওইনা খুমাঙ চাওশিল্লক্তুনা কন্তেন্ত ক্রিএতরশিংদসু কান্নবা পীরিবা অসিবুসু মহাক্না শিংথাখি‍। লোকেল কন্তেন্তশিংদা ইনোৎ হাপ্নবা অমসুং থবক্কী খুদোংচাবশিং শেমগৎনবগীদমক অনৌবা ময়োল্লম ২৩৪দা FM রেদিও চেনেলশিং এক্সন তৌনবা হন্দক্তা কেন্দ্রগী মন্ত্রী মন্দলনা অয়াবা পীখিববুসু মহাক্না পনখি‍। মীপুম খুদিংমক্তা হায়-ক্বালিতী মীদিয়া কন্তেন্ত ফংহন্দুনা শেন্মিৎলোন চাওখৎহন্বা অমসুং কল্চরগী মরমদা মীয়ামদা পাক শন্না খঙহন্বদা ব্রোদকাস্তিং সেক্তরনা লৌরিবা শক্লোনবু তেক্নোলোজীগী খুমাঙ চাওশিল্লিবা অসি শীজিন্নদুনা হেন্না মপাঙ্গল কনখৎহন্নবা লৈঙাক্না লেপ্লিবা খোঙফমবু মহাক্না অমুক হন্না চেৎশিনহনখি‍।

ঙসিগী সিম্পোজিয়ম অসিনা তোঙান তোঙানবা ব্রোদকাস্তিং য়ুজ কেসশিংদা ইমর্সিব তেক্নোলোজীশিংগী প্রেক্তিকেল এপ্লিকেসন অমসুং ত্রান্সফোর্মেতিব পোতেন্সিএলশিং নৈননবা পান্দম থম্লি‍। খন্ন-নৈনগদৌরিবা অসি বেক-তু-বেক সেসন অহুমদা (প্রোগ্রাম হাপ্লি) খায়দোক্লি‍। সেসন ১না ‘য়ুম ওফ ইমর্সিব তেক্নোলোজিজ ইন ব্রোদকাস্তিং লেন্দস্কেপ’ হায়বসিদা পাঙথোক্কনি, মসিগী তুংদা ‘D2M অমসুং 5G ব্রোদকাস্তিং: ওপোর্চুনিতিজ এন্দ চেলেঞ্জেজ’ হায়বসিদা সেসন অমা পাঙথোক্কনি, অমসুং অকোন্বা সেসন অসিনা ‘দিজিতেল রেদিও তেক্নোলোজী: দিপ্লোইমেন্ত স্ত্রেতেজিজ ইন ইন্দিয়া’ হায়বসিদা পাঙথোক্কনি‍। সেসন অসিদা ৱা ঙাংগদৌরিবশিংগী মরক্তা কম্ম্যুনিকেসন সেক্তর, তেলিভিজন অমসুং রেদিও ব্রোদকাস্তিং ফ্রেতর্নিতীশিংদগী এক্সপর্তশিং, দিভাইস অমসুং নেতৱর্ক মেনুফেকচররশিং, তেক্নোলোজী জাইন্তশিং অমসুং লৈঙাক্কী মীওইশিং য়াওরি‍। সিম্পোজিয়ম অসিদা লৈবাকসিগী অমসুং মালেমগী মফমশিংদগী মীওই ১০০ হেন্বনা শরুক য়ারি‍।

সিম্পোজিয়ন অসিগী মতাঙদা খঙবিনিংবা/ৱাখল চমম্নবা লৈরবদি, শ্রী দীপক শর্ম, এদভাইজর (B&CS), TRAIগা advbcs-2@trai.gov.in দা পাউ ফাওনবিবা য়াগনি‍।

*****

তেলিকোম রিগুলেতরী ওথোরিতী ওফ ইন্দিয়া

সিম্পোজিয়ম ওন

“ইমর্জিং ত্রেন্দ্স এন্দ তেক্নোলোজিজ ইন ব্রোদকাস্তিং সেক্তর”

ওক্তোবর ১৭, ২০২৪ (পুং ০৯০০ – ১৩৩০)

মফম: সেসন হোল – JAL, হোল নম্বর ৫,

অহান্বা ফ্লোর, ভারত মন্দপম, নই দিল্লী

থৌরম

********