કેન્દ્ર સરકારે પેન્શનરોની ફરિયાદ નિવારણ પદ્ધતિ એટલે કે કેન્દ્રિય પેન્શન ફરિયાદ નિવારણ અને મોનિટરિંગ સિસ્ટમ (CPENGRAMS)ની સમીક્ષા કર્યા પછી વ્યાપક માર્ગદર્શિકા જારી કરી છે જેથી તેને પ્રધાનમંત્રીના વિઝનને અનુરૂપ વધુ સંવેદનશીલ, સુલભ અને અર્થપૂર્ણ બનાવી શકાય.

દિશા-નિર્દેશોમાં ફરિયાદોના ઝડપી અને કાર્યક્ષમ નિવારણની કલ્પના કરવામાં આવી છે, જે ભારત સરકારના નાગરિક-કેન્દ્રિત અભિગમનું પ્રમાણ આપે છે.

કેન્દ્ર સરકારના પેન્શનરોની ફરિયાદોનું સંચાલન કરવા માટેની વ્યાપક માર્ગદર્શિકાની મુખ્ય વિશેષતાઓ નીચે મુજબ છે:

1. મંત્રાલયો/વિભાગોએ 21 દિવસની અંદર પેન્શનરોની ફરિયાદોનું નિરાકરણ કરવાનો પ્રયત્ન કરવો જોઈએ. એવા કિસ્સાઓમાં, જ્યાં ફરિયાદોના નિવારણ માટે લાંબો સમય જરૂરી છે, પોર્ટલ પર વચગાળાનો જવાબ આપવામાં આવી શકે છે.

2. 'સમગ્ર સરકારી અભિગમ' હેઠળ ફરિયાદનું નિવારણ કરવામાં આવશે. કોઈ પણ સંજોગોમાં, 'તે આ કચેરીને લગતી નથી' એમ કહીને સંક્ષિપ્તમાં ફરિયાદ બંધ કરવામાં આવશે નહીં.

3. ફરિયાદ તેના નિર્ણાયક નિવારણ વિના બંધ કરવામાં આવશે નહીં અને ફરિયાદ બંધ કરતી વખતે એક્શન ટેકન રિપોર્ટ (ATR) સહાયક માહિતી અને દસ્તાવેજો સાથે ભરવો જોઈએ.

4. મંત્રાલયો/વિભાગોએ નિયત સમય મર્યાદામાં ફરિયાદોનું ગુણાત્મક નિવારણ સુનિશ્ચિત કરવા માટે પોર્ટલ પર પડતર પેન્શન સંબંધિત ફરિયાદોની માસિક સમીક્ષા હાથ ધરશે.

5. નોડલ પીજી ઓફિસર ફરિયાદોના વલણનું વિશ્લેષણ કરશે અને ફરિયાદોની ઘટનાઓને ચકાસવા માટે મૂળ કારણનું વિશ્લેષણ કરશે.

6. ફરિયાદ બંધ થયાના 30 દિવસમાં અરજદાર તેની ફરિયાદના નિવારણ સામે અપીલ દાખલ કરી શકે છે અને તેનો નિકાલ એપેલેટ ઓથોરિટી દ્વારા 30 દિવસની અંદર કરવામાં આવશે. જો કોઈ સંબંધિત દસ્તાવેજ હોય તો તેને જોડીને એક સ્પીકિંગ ઓર્ડર પસાર કરવામાં આવશે.

7. આ ફરિયાદોની યોગ્ય દેખરેખ સુનિશ્ચિત કરવા માટે, મંત્રાલય/વિભાગમાં ભૌતિક સ્વરૂપમાં ફાઇલ કરવામાં આવેલી ફરિયાદ અરજીઓ ઉપરાંત CPENGRAMS પોર્ટલ પર અપલોડ કરવામાં આવશે.

AP/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com