স্পেসল কেম্পেন ৪.০ হায়বা ভারত সরকারনা লু নানবা, কাংলোন অমসুং থৌওংশিং হন্না য়েংশিনদুনা হেন্না লায়থোকহনবা, রেকোর্দ মেনেজমেন্ত সিস্তেম হন্না য়েংশিনবা, অহাংবশিং মতীক চানা শীজিনবা অমসুং ফত্তবা পোৎলমশিং মফম চানা মাংহন্দুনা থবক শুফমশিং ফগৎহনবগী থৌরাং অসি বিভাগ অসিনা নীংথিনা পায়খৎলি। বিভাগ অসিনা খনখিবা নোদাল ওফিসরশিং অমসুং ফীল্দ ওর্গানাইজেসনশিংনা শোত্থহৌবা থবকশিং লোইশিন্নবা অমসুং দি.এ.আর.পি.জি.গী চৎনকাংলোনশিংগী মতুং ইন্না ওফিসশিংগা মরী লৈনবা অতোপ্পা ইন্দিকেতরশিং লোইশিন্নবা হোৎনরি।

শ্রী সুবোধ য়াদব, এদিসনেল সেক্রেতরীগী চীয়রমেনশিপকী মখাদা স্পেসল কেম্পেন ৪.০ গী মখাদা লৈবা খুমাং চাউশিনবশিং হন্না য়েংশিন্নবা মীফম অমা কৌখি। বিভাগ অসিনা পায়খৎলিবা থবক থৌরমশিং অমসুং ওর্গানাইজেসনশিংনা কেম্পেন অসিগী পান্দম ফংনবা পায়খৎলিবা থবকশিংদা শ্রী য়াদবনা অপেনবা ফোংদোকখি। ওফিসর অসিনা ফোংদোকখি মদুদি লু নানবগী কেম্পেনশিংনা পান্দম থম্বা মশীংদগী হেন্না মায় পাক্লকপসি তরাম্না ওকনিংঙাই ওই।

মফমশিংগী হান্না লৈরম্বা ফিভম অমসুং হৌজিক্কী ফিভমশিং ভিদিও অমসুং ফোতো লৌরি অমসুং জিও কোওর্দিনেতশিংগা লোইননা লান্থোক্লি।

বিভাগ অমসুং মসিগী ওর্গানাইজেসনশিংনা স্পেসল কেম্পেন ৪.০ গী লোইশিল্লকপা ফাওবদা পান্দম ফংনবগীদমক মখা তানা পায়খৎখিগনি।

স্পেসল কেম্পেন ৪.০গী মনুংদা হৌজিক ফাওবদা লৈরিবা বিভাগ অসিগী মায় পাকপশিং মখাদা পীরি।

১৪.১০.২০২৪ ফাওবদা লৈবা স্পেসল কেম্পেন ৪.০গী মায় পাকপশিং

মথক্কীশিং অসিগী মথক্তাঃ

• শর্ম শক্তি ভাবন, নৈ দিল্লীগী অকোইবদা নোংগী ঈশিং লোক্নবগী স্ত্রকচর অমা নৌনা শেমজিনখ্রে অমসুং চত্থরিবা কেম্পেন অসিগী শরুক অমা ওইনা মথৌ তৌহনখ্রে।
• রেভিন্যু ওইনা লুপা ৩,০১,১২০/- সু ফত্তবা য়োনতোকপদা লাকপা ঙমখ্রে।
• স্ক্বার ফিত ১৪৫২০ লোম মফম শেংদোক্তুনা অমসুং ফত্তবা মাংহন্দুনা থম্লে।

***