جل شکتی کے مرکزی وزیر جناب سی آر پاٹل نے آج شرم شکتی بھون نئی دہلی میں 5ویں قومی آبی ایوارڈ کے فاتحین کی فہرست کا اعلان کیا۔

جل شکتی کی وزارت کے تحت آبی وسائل، دریا کی ترقی، اور گنگا کی بحالی (DoWR, RD & GR) کے محکمے نے 5ویں قومی آبی ایوارڈز، 2023 کے لیے 09 زمروں یعنی بہترین ریاست، بہترین ضلع، بہترین گاؤں پنچایت، بہترین شہری بلدیاتی  ادارے ، بہترین اسکول یا کالج، بہترین صنعت، بہترین واٹر یوزر ایسوسی ایشن، بہترین ادارہ (اسکول یا کالج کے علاوہ) اور بہترین سول سوسائٹی میں مشترکہ فاتحین سمیت 38 فاتحین کا اعلان کیا۔ ۔ جیتنے والوں کی فہرست منسلک ہے۔

بہترین ریاست کے زمرے میں پہلا انعام اڈیشہ کو دیا گیا ہے، جب کہ  اتر پردیش نے دوسرا اور گجرات اور پڈوچیری نے مشترکہ طور پر تیسرا مقام حاصل کیا ہے۔

ہر ایوارڈ جیتنے والے کو ایک توصیف نامہ اور ٹرافی کے ساتھ ساتھ مخصوص زمروں میں نقد انعامات سے نوازا جائے گا۔

آبی وسائل، دریا کی ترقی، اور گنگا کی بحالی (DoWR, RD & GR) کے محکمے نے اعلان کیا کہ 5ویں قومی آبی ایوارڈ، 2023 کے لیے ایوارڈ تقسیم کرنے کی تقریب 22 اکتوبر 2024 کو صبح 11.00 بجے پلینری ہال، وگیان بھون نئی دہلی میں منعقد ہوگی۔ بھون، نئی دہلی۔ بھارت کی صدرجمہوریہ عزت مآب محترمہ۔ دروپدی مرمو اس تقریب میں مہمان خصوصی ہوں گی۔

جل شکتی کی وزارت کے وزیر مملکت جناب راج بھوشن چودھری اور جناب وی سومنا، پینے کے پانی اور صفائی ستھرائی کے محکمے کی سکریٹری محترمہ وینی مہاجن، آبی وسائل، دریائی ترقی اور گنگا کی بحالی (DoWR, RD &GR) کے محکمہ کی سکریٹری ۔ ، محترمہ دیباشری مکھرجی، پینے کے پانی اور صفائی ستھرائی کے محکمے کے او ایس ڈی جناب اشوک کے۔ کے۔ مینا اور وزارت جل شکتی کے دیگر سینئر افسران بھی قومی آبی ایوارڈز کا اعلان کئے جانے کے موقع پر کابینہ وزیر کے ساتھ شامل تھے۔

جل شکتی کی وزارت ایک مرکزی وزارت کے طور پر کام کرتی ہے جسے قومی اثاثہ کے طور پر پانی کی ترقی، تحفظ اور موثر انتظام کے لیے پالیسی فریم ورک وضع کرنے اور پروگراموں کو نافذ کرنے کی ذمہ داری سونپی گئی ہے۔ عزت مآب وزیر اعظم کی رہنمائی میں، جل شکتی کی وزارت قومی سطح پر پانی کے انتظام اور پانی کے تحفظ کے بارے میں بیداری پیدا کرنے کے لیے ایک جامع مہم چلا رہی ہے۔ اس نقطہ نظر سے لوگوں میں پانی کی اہمیت کے بارے میں بیداری پیدا کرنے اور لوگوں کو پانی کے استعمال کے بہترین طریقوں کو اپنانے کی ترغیب دینے کے لیے، 2018 میں آبی وسائل، دریائی ترقی اور گنگا کی بحالی (DoWR, RD &GR) کے محکمہ کے ذریعے پہلے قومی آبی ایوارڈز کا آغاز کیا گیا۔ سال 2019، 2020 اور 2022 کے لیے دوسرے، تیسرے اور چوتھے نیشنل واٹر ایوارڈز دیے گئے۔ کووِڈ کی وبا کی وجہ سے یہ ایوارڈز 2021 میں نہیں دیے گئے۔

سال 2023 کے لیے 13 اکتوبر 2023 کو 5ویں قومی آبی ایوارڈز ، وزارت داخلہ (MHA) کے راشٹریہ پرسکار پورٹل پر آغاز کیا گیا۔ کل 686 درخواستیں موصول ہوئیں۔ ایک جیوری کمیٹی کے ذریعہ درخواستوں کی جانچ جانچ پرتال کی گئی۔ سنٹرل واٹر کمیشن (CWC) اور سینٹرل گراؤنڈ واٹر بورڈ (CGWB) کے ذریعہ بنیادی حقائق پر مبنی درخواستوں کو حتمی شکل دی گئی۔ بنیادی حقائق کی  رپورٹوں کی بنیاد پر ، 5ویں NWA، 2023 کے لیے 09 مختلف زمروں پر مشتمل مشترکہ فاتحوں سمیت کل 38 فاتحین کا انتخاب کیا گیا ہے۔

قومی آبی ایوارڈز (NWAs) کے تحت ملک بھر میں افراد اور تنظیموں کی طرف سے 'جل سمریدھ بھارت' کے حکومت کے وژن کی حصولیابی کے لیے کیے گئے اچھے کام اور کوششوں پر توجہ مرکوز کی جاتی ہے۔ اِن ایوارڈز کا مقصدلوگوں میں پانی کی اہمیت کے بارے میں بیداری پیدا کرنا اور انہیں پانی کے استعمال کے بہترین طریقوں کو اپنانے کی ترغیب دیناہے۔ یہ تقریب تمام لوگوں اور تنظیموں کو پانی کے وسائل کے تحفظ اور انتظامی سرگرمیوں میں مضبوط شراکت داری اور لوگوں کی شمولیت کو مزید مستحکم کرنے کا موقع فراہم کرتی ہے۔

*********

ش ح۔ش ب – م ق ا

U.No: 1265