কেন্দ্রগী হকশেল অমসুং য়াইফ য়ুম্বাল মন্ত্রী শ্রী জগত প্রকাস নদ্দানা ঙসি মফমসিদা ১৯শুবা ইন্তরনেস্নেল কন্ফরেন্স ওফ দ্রগ রিগুলেতরী ওথোরিতিজ (ICDRA) হৌদোকখ্রে‍। ভারত্তা অহান্বা ওইনা ওক্তোবর ১৪ দগী ১৮ ফাওবা, হকশেল অমসুং য়াইফ-য়ুম্বাল মন্ত্রালয়গী লসেন্ত্রেল দ্রগ্স কন্ত্রোল ওর্গনাইজেসন (CDSCO)না ৱর্ল্দ হেল্থ ওর্গনাইজেসন (WHO)গা খুশৎম্নদুনা পাঙথোক্লিবা থৌরম অসিদা WHO মেম্বর স্তেত ১৯৪ হেন্বদগী রিগুলেতরী ওথোরিতীশিং, পোলিসীমেকরশিং, অমসুং হকশেলগী ওফিসিএলশিং পুল্লি‍।

থৌরমদুদা ৱা ঙাংলদুনা, শ্রী জে.পি. নদ্দানা মালেমগী হেল্থকেয়র স্তেন্দর্দ ফগৎহন্নবা অমসুং মীয়ামগী হকশেল ঙাক্তুনা থম্নবা পুন্না লেপমিন্নরিবা খোঙফমগী মরুওইবা ৱাফমশিং থমখি‍। থোক্লক্কনি থাজনরুদবা COVID 19 লাইচৎ মনুংদা, ভারতনা হেল্থ রেজিলিএন্স অমসুং ইনোভেসনগী লমদা মালেমগী লুচিংবা অমা ওইরকপদা নত্তনা মালেমগী ফার্মাসী অমা ওইবগী শক্লোনবুসু হেন্না চেৎশিলহনখি হায়না মহাক্না ফোঙদোকখি‍। “ভারতনা লৈবাক মনুংগী অমসুং মালেমগী দিমান্দ পীবা ঙম্নবগীদমক মাগী হেল্থকেয়র ইনফ্রাস্ত্রকচর খোঙজেল য়াঙনা পাকথোক চাউথোকহল্লি অমসুং ভেক্সিন পুথোকপগী চাং হেনগৎহল্লি‍। মীওই বিলিয়ন অমা কোনশিন্দুনা COVID-19 ভেক্সিনেসন প্রোগ্রাম মায় পাক্না হৌদোকখিবদুনা ঐখোয়গী হেল্থকেয়র সিস্তেমগী পাক চাউবা, ঐখোয়গী হেল্থ ৱর্করশিংগী কত্থোকপগী মতৌ, অমসুং ঐখোয়গী থৌশিলগী ফজবা মতৌগী খুদম চাংদম ওইরিই,” হায়না মহাক্না হায়খি‍।

ভারতনা মমল হন্থবা মরুওইবা হিদাক লাংথক, ভেক্সিন, অমসুং মেদিকেল সপ্লাইশিং মালেম পুম্বদা লৈরিবা লৈবাকশিংদা ফংহন্বদা মরুওইবা থৌদাং য়াখি হায়না কেন্দ্রগী হকশেল মন্ত্রীনা ফোঙদোকখি‍। “’বসুদৈব কুতুম্বকম’ – মালেম অসি ইমুং অমনি হায়বা ৱাখল্লোন্না লমজিং ওইদুনা, ঐখোয়না লৈবাক ১৫০ হেন্বদা মতেঙ পাংদুনা, লাইচৎ মনুংদা পুন্সি কন্নবা হিদাক লাংথকশিং অমসুং ভেক্সিন ফংহনখি‍। হায়রিবা মালেমগী ওইনা তেংবাংনবগী ৱাখল্লোন অসি ভারতনা মালেমগী হকশেলগী লমদা চঙশিল্লিবা খোঙজঙ অসিগী নুংদা ফুমদুনা চৎলি‍। ঐখোয়না ঐখোয়গী খোঙজেল অসি মালেমগী খোঙজেলগা থাদোক্নবা য়ারোই হায়না থাজৈ, অমদি মসিনা মরম ওইরগা ঐখোয়না মালেমগী হেল্থ সিক্যুরিতী অমসুং সস্তেনেবিলিতীদা থৌদাং য়ানবা খোঙফম চেৎনা লেপ্তুনা লৈরি,” হায়না মহাক্না হায়খি‍।

 “ICDRA প্লেতফোর্ম অসিনা মালেম পুম্বদা মেদিকেল প্রদক্তশিংগী সেফ্তী, এফিকেসী, অমসুং ক্বালিতী লৈহনগদবা ৱাখল লৌশিং তাথোক তাশিন তৌনবা, পার্ত্নরসিপ পুরক্নবা, অমসুং রিগুলেতরী ফ্রেমৱর্ক শেমগৎনবা মফম অমা পীরি,” হায়না শ্রী নদ্দানা ফোঙদোকখি‍।

CDSCOগী মায় পাকপশিং পুথোক্লদুনা, “মসিনা লৈবাকসিদা শাফবা অমসুং মতিং লৈবা দ্রগ অমসুং মেদিকেল দিভাইসশিং অয়াবা পীনবা অমসুং মালেমগী লৈবাক ২০০ হেন্বদা থাদোক্নবা অচৌবা সিস্তেম শেমগৎলে,” হায়না শ্রী নদ্দানা হায়খি‍। ক্বালিতী লৈবা হিদাক লাংথকশিং অতাবা মমলদা ফংহন্বা হায়বসিনা নুংদা চেল্লিবা ৱাখল্লোন্দুনি হায়না মহাক্না ফোঙদোকখি‍। “ঙসি ঙসিমক দ্রগ তেস্তিং লেব ৮ মথৌ তৌরি অদুগা ২ অমগসু পাইপলাইন্দা লৈরি‍। থুনা চাংয়েং তৌনবা অমসুং মপান্দগী পুশিল্লকপা দ্রগশিং অমসুং রো-মেতরিএলশিং থুনা থাদোক্নবা তোঙান তোঙানবা পোর্তশিংদা মিনি তেস্তিং লেব ৮ মথৌ তৌরি‍। মসিগী মথক্তা, স্তেত দ্রগ রিগুলেতরশিংগী তেস্তিং লেব ৩৮সু মথৌ তৌরি‍। পুন্না, রিগুলেতরী সর্ভিলেন্স মেকানিজমগী মখাতা চহি খুদিংগী সেম্পল লিশিং চা কয়া চাংয়েং তৌরি,” হায়না মহাক্না পাউদমখি‍।

“হৌজিক হৌজিক CDSCO দা লৈরিবা রিগুলেতরী প্রোসেস ৯৫% হেন্বা দিজিতাইজ তৌদুনা স্তেকহোল্দরশিংগী মরক্তা ত্রান্সপেরেন্সী পুরক্লি অমসুং থাজবা হেনগৎহল্লি” হায়নসু কেন্দ্র মন্ত্রীনা ফোঙদোকখি‍। “হেল্লথকেয়র দেলিভরীদা মেদিকেল দিভাইসশিংগী মরুওইবা য়েংলগা, ভারত্তা লৈরিবা মেদিকেল দিভাইস ইন্দস্ত্রীসু রিগুলেতী তৌরি‍। গুদ মেনুফেকচরিং প্রেক্তিস গাইদলাইন্সপু হেন্না মপুং ফাহন্নবা অমসুং WHO-GMP চৎন-পথাপশিংগা মান্নহন্নবা দ্রগ রুল্স শেমদোক্লে,” হায়নসু মহাক্না হায়খি‍।

দ্রগ সপ্লাই চেন চাউনা লৈহন্নবা দ্রগ প্রদক্তশিংগী মকোক থোংবা ব্রান্দ ৩০০দা বার কোদ নৎত্রগা কুইক রেসপোন্স কোদ (QR কোদ) শোয়দনা শীজিন্ননবা ৱাফমসু লৈখ্রে‍। মতৌ অসুম্না মপান্দগী পুশিল্লকপা ওইরবসু নৎত্রগা ভারত্তা পুথোকপা ওইরবসু API পেক পুম্নমক্তা QR কোদ হাপ্পা মথৌ তাহল্লে হায়বা ৱাফমসু মহাক্না থমখি‍।

কেন্দ্র মন্ত্রীনা, মালেমগী হকশেল খুমাঙ চাওশিলহন্বদা ভারতনা মপুং ফানা লেপ্লি হায়না ৱাফম থম্লদুনা মহাক্কী ৱারোল লোইশিনখি‍। “ঐখোয়না Ss ৩দা থাজবা থম্মি, মখোয়দুদি “স্কিল, স্পীদ অমসুং স্কেল” হায়বসিনি অমসুং হায়রিবা ৱাখল্লোন অহুমসিদা মীৎয়েঙ থমদুনা ঐখোয়না মালেমগী ক্বালিতী স্তেন্দর্দ পুম্নমক ঙাক্না ফার্মা প্রদক্তশিংগী হেনগৎলক্লিবা দিমান্দ ফংহনবা ঙম্লি‍। ঐখোয়না এন্তিমাইক্রোবিএল রেজিস্তেন্সতগী হৌরগা পুন্সি কন্নবা লায়েং থোং মান্ননা ফংহন্নবগী লমদা থেংনরিবা শিংনবশিং মায়োক্ননবা শেম শারে‍। ঐখোয় ৱারী শানরিবা অসিদা ইচম চম্না শরুক য়াবখক্তা নত্তে, ঐখোয়না হেন্না মশা ফবা, হেন্না শাফবা অমসুং হেন্না খাঙবা কন্বা মালেম অমা শেমগৎপদা খোঙবু ওইরি,” হায়না মহাক্না হায়খি‍।

দোক্তর তেদ্রোস অধানোম ঘেব্রেয়েসস, WHOগী দাইরেক্তর জেনেরেলনা, মহাক্কী ৱারোলদা, দ্রগ রিগুলেসন্দা, মরুওইনা এন্তিমাইক্রোবিএল রেজিস্তেন্স, লাইচৎ মতুংগী মালেম, অমসুং হেল্থকেয়রদা AI চেকশিন্না শীজিন্নবনচিংবা শিংনবশিংগী মতাঙদা, মালেমগী ওইনা তেংবাংনবগী মরুওইবা ৱাফম থম্লদুনা মরুওইখ্রবা মালেকগী রিগুলেতরী ফোরম অসি ভারতনা য়ুম্বু ওইদুনা পাঙথোকপগীদমক থাগৎখি‍।

দোক্তর সাইমা ৱজেদ, রিজনেল দাইরেক্তর, WHO সাউথইস্ত এসিয়া রিজন্না “ভারতনা জেনেরিক হিদাক লাংথকশিং খ্বায়দগী চাউনা ফংহল্লিবা লৈবাক্নি অদুগা ইন্দিয়ন ফার্মাসিউতিকেল ইন্দস্ত্রীনা মালেমগী ওইনা অহুমশুবা খ্বায়দগী চাউবনি” হায়খি‍। ভারতনা মালেমগী ভেক্সিন দিমান্দগী ৫০% হেন্বা ফংহল্লি হায়না মহাক্না শিংথাখি‍। য়ুনিভর্সেল হেল্থ কভরেজ ফংবা ঙম্নবগীদমক মপাঙ্গল কন্বা রিগুলেতরী সিস্তেম অমা য়াম্না মরুওই হায়না মহাক্না ফোঙদোকখি অমসুং নেস্নেল রিগুলেতরী ওথোরিতীশিংগী মরক্তা মপাঙ্গল কনখৎহল্লবা রিগুলেতরী পুরকপা অমসুং ইনফোর্মেসন পীথোক পীশিন তৌনবগী মথৌ তাবা ৱাফমসু থমখি‍।

শ্রীমতী পুন্য সালিলা স্রিবাস্তব, কেন্দ্রগী হকশেল সেক্রেতরীনা হায়খি, “ভারতকী ফার্মাসিউতিকেল ইন্দস্ত্রীনা হন্দক্তা ভারতকী ৪শুবা খ্বায়দগী চাউবা এক্সপোর্ত সেক্তর ওইরক্তুনা মালেমগী ফার্মাসিউতিকেল সপ্লাই চেন্দা ঐখোয়না পুনশিন্বগী থাক তাক্লি‍। ভারতনা মালেমগী অহুমশুবা খ্বায়দগী চাউবা ফার্মাসিউতিকেল প্রদ্যুসরনি, অমসুং USAগী মপান্দা US FDAনা অয়াবা পীবা প্লান্ত মশিং খ্বায়দগী হেন্না লৈ।” “ভারতনা মালেমগী ভেক্সিনগী ৬০% সপ্লাই তৌরি, মখোয়গী মনুংদা অয়াম্বদি WHO, UNICEF কুম্বা UN এজেন্সীশিং, অমসুং পান অমেরিকান হেল্থ ওর্গনাইজেসন (PAHO) অমসুং GAVI গুম্বা লূপশিংদা চৎলি‍,” হায়না মহাক্না মখা তাখি‍।

মিস মলেবোনা প্রেসিয়স মতসোসো, কো-চেয়র, WHO ইন্তরগভর্নমেন্তেল নেগোসিএসন বোদী, সাউথ অফ্রিকানা হায়খি, “মেদিকল প্রদক্তশিং রিগুলেসন তৌবসিনা ঙসিগী খ্বায়দগী মরুওইবা ৱাফম ওইরি‍। রিগুলেতরীগী ওইবা ফিরেপকী ইনোৎ লৈবাক্কী নৎত্রগা মালেমগী থাক্তা ফংবতা নত্তনা হোস্পিতালগী কাদসু ফংলি‍।” মতিং লৈবা রিগুলেসন অমসুং মীৎয়েঙ চঙবনা পব্লিক হেল্থ ইন্তরভেন্সন অমসুং রেসপোন্সকী মতম তেনশিলহনবা ঙমগনি হায়না মহাক্না হায়খি‍।

ভারতনা মালেমগী ফার্মাসী ওইরি হায়বা ৱাফম থম্লদুনা, মিংথোল অসি ভারতকী মরমদা অকক্নবা থাজবা অমসুং কেপাসিতীশিংগা লোয়নৈ হায়না মহাক্না হায়খি‍। অন্দর-রিগুলেসন অমসুং ওভর-রিগুলেসনগী মহুত্তা স্মার্ত রিগুলেসন্না হেন্না মরুওই হায়বা ৱাফম থম্লদুনা মহাক্কী ৱারোল লোইশিনখি‍।

দোক্তর রাজীব সিংহ রঘুবন্সী, দ্রগ্স কন্ত্রোলর জেনেরেল ওফ ইন্দিয়ানা CAR T-cell থেরাপী অয়াবা পীখিবা য়াওনা দ্রগ্স কন্ত্রোল অমসুং মেদিকেল দিভাইস সেন্তরদা ভারতনা ফংবা ঙম্লিবা মায় পাকপশিং পুথোক্তুনা থমখি‍। “ঐখোয়না ঐখোয়গী সিস্তেমদা লৈরিবা স্কিল অমসুং কেপাসিতী লেপ্পা লৈতনা হেনগৎহল্লি অমসুং লো-রিগুলেসন অমসুং হায় একজেক্যুসনগী লম্বীদা চঙশিল্লি,” হায়না মহাক্না হায়খি‍।

মপুং ওইবা কন্ফরেন্সকী মাঙওইননা পাঙথোকপা থৌরম অমা ওইনা, একজিবিসন অমা পাঙথোক্তুনা ফার্মাসিউতিকেল, মেদিকেল দিভাইস, অমসুং ক্লিনিকেল রিছর্চ সেক্তরদা লৈরিবা ভারতকী ইনোভেসন, তৌবা ঙম্বশিং অমসুং লুচিংবগী শক্লোনশিং উত্থোকখি‍। ফার্মাসিউতিকেল জাইন্ত, মেদিকেল দিভাইস মেনুফেকচরর, অমসুং হেল্থকেয়র ইনোভেতরশিং য়াওনা মরুওইবা ইন্দস্ত্রী প্লেয়রশিংনা মালেমগী রিগুলেতর অমসুং স্তেকহোল্দরশিংগী মফমদা মখোয়গী খুমাঙ চাওশিন্বা ফীভম অমসুং ফংবা ঙম্লবশিং লান্থোকখি‍। একজিবিসন অসিনা ভারতনা ‘মালেমগী ফার্মাসী’ ওইনা লেপ্লিবা অমসুং মালেমগী হেল্থকেয়রদা লৈবাকসিনা পীবা হেনগৎলক্লিবা ইথিলগী খুদম চাংদম ওইরি‍।

মপুং ওইবা কন্ফরেন্স সেসনশিংগী মথক্তা, তোঙান তোঙানবা সাইদ ইভেন্তশিং পাঙথোক্তুনা তোঙান তোঙানবা লৈবাকশিংদগী মীহুৎশিংনা অকক্নবা রিগুলেতরীগী শিংনবা অমসুং খুদোংচাবশিংগী মতাঙদা মীৎয়েঙ থমতুনা খন্নগনি‍। মীফমশিং অসিনা রিগুলেতরী সিস্তেম মপাঙ্গল কনখৎহন্নবা, ইনোভেসন য়োকখৎনবা অমসুং মালেমগী হকশেলগগী মথৌ তাবা ৱাফমশিং পুরক্নবা খুৎশম্ননা চৎমিন্নবগী ফীভম পুরক্নবা মায়কৈ অনিগী অমসুং মায়কৈ কয়াগী ওইবা দাইলোগশিং পাঙথোকপদা মতেঙ ওইগনি‍।

রিগুলেতরীগী শিংনবশিংগী মতাঙদা মরুওইবা খন্নগদবশিং

নুমিৎ ৫নি চত্থগদবা কন্ফরেন্স অসিদা মনুং হুৎপা সেসন কয়া য়াওদুনা রিগুলেতরী ওথোরিতীশিং অমসুং ইন্দস্ত্রী লুচিংবশিংনা মালেমগী দ্রগ অমসুং মেদিকেল দিভাইস রিগুলেসন্দা শোকহল্লিবা মরুওইবা ৱাফমশিংদা খন্ন-নৈনগনি‍। পন্বা য়াবা সেসন খরদি:

• স্মার্ত রিগুলেসনগী মতাঙদা প্লেনরী সেসন: খন্নগদৌরিবা অসিনা রিগুলেতরী রিলাইন্সকী হোংলক্লিবা মশক মওং অমসুং ৱর্ল্দ লিস্তেদ ওথোরিতিজ (WLA) ফ্রেমৱর্ক্তা মীৎয়েঙ থমগনি‍। মালেমগী রিগুলেতরশিংনা লৈবাকশিংদা প্রোসেস মওং মরিল নাইহন্নবা কমদৌনা তেংবাংনবগনি হায়বা নৈনগনি‍।
• মেদিকেল দিভাইসশিংগী ৱর্কসোপশিং: IVDs (ইন ভিত্রো দাইগ্নোস্তিক্স) য়াওওনা মেদিকেল দিভাইসশিংগী রিগুলেসন্দা নীংথিনা মীৎয়েঙ থমদুনা, এক্সপর্তশিংনা মালেমগী অমসুং রিজনেল রিগুলেতরী ফ্রেমৱর্ক্তা লৈরিবা ত্রেন্দশিং খন্নগনি‍।
• ক্বালিতী ওফ ফার্মিসিউতিকেল স্তার্তিং মেতরিএল্স: ৱর্কসোপ অসিনা ফার্মাসিউতিকেল প্রদক্তশিং মখোয়গী ৱাখল শাগৎপা হৌরকপদগী হৌরগা ক্বালিতী অমসুং সেফ্তী ঙাক্না চৎহন্নবা অকন্বা রিগুলেসনগী মথৌ তাবশিংদা মীৎয়েঙ থমগনি‍।
• হেল্থকেয়রদা অর্তিফিসিএল ইন্তলিজেন্স: ওভরসাইত, ফার্মাকো-ভিজিলেন্স, অমসুং ক্লিনিকেল ত্রাইএলশিংগী রিগুলেতরী ফগৎহন্বগা লোয়ননা দেতা প্রাইভেসী অমসুং ইমপ্লিমেন্তেসনগী শিংনবশিং মায়োক্নবদা AIনা লৌবা য়াবা থৌদাংগী মতাঙদসু রিগুলেতরশিং অমসুং ইন্দস্ত্রী এক্সপর্তশিংনা খন্নগনি‍।
• রিগুলেতরী প্রিপ্যার্দনেস ইন রেসপোন্স তু দি COVID-19 পেন্দেমিক: মসি COVID-19 লাইচত্তগী তমশিলহৌবা পারাশিং অমসুং তুংগী পব্লিক হেল্থ ইমর্জেন্সীশিংগীদমক শেম শানবগীদমক লেপ্তনা রিগুলেতরী ইনোভেসন তৌবগী মথৌ তাবদা মীৎয়েঙ থমগদবা প্লেনরী সেসন অমনি‍।

১৯শুবা ICDRA না পার্ত্নরসিপ অমসুং পুন্না হোৎনমিন্নবগী খুত্থাঙদা মালেমগী রিগুলেতরী সিস্তেম মপাঙ্গল কনখৎহন্নবা মীৎয়েঙ থমগনি‍। তোঙান তোঙানবা লৈবাকশিংদগী রিগুলেতরী ওথোরিতীশিংনা মেদিকেল প্রদক্তশিংগী রিগুলেসন মান্নহন্বা, এন্তিমাইক্রোবিএল রেজিস্তেন্স (AMR)কী পাম্বৈ পুথোকপা, অমসুং মহৌশাগী হিদাক লাংথকশিং খুমাঙ চাওশিলহন্বদা লৈরিবা শিংনবশিং অমসুং খুদোংচাবশিংগী মতাঙদা খন্নগনি‍।

দোক্তর রাজিব বাহল, সেক্রেতরী, দিপার্তমেন্ত ওফ হেল্থ রিছর্চ অমসুং DG ICMR; শ্রী রাজিব ৱধৱন, এদভাইজর (কোস্ত), হকশেল মন্ত্রালয়; দোক্তর রোদেরিকো ঐচ. ওফ্রিন, WHO রিপ্রজেন্তেতিব তু ইন্দিয়া অমসুং কেন্দ্রগী হকশেল মন্ত্রালয়গী মকোক থোংবা ওফিসিএলশিংনা থৌরমদুদা শরুক য়াখি‍।

***