કેન્દ્રીય શિક્ષણ મંત્રી શ્રી ધર્મેન્દ્ર પ્રધાન 15 ઑક્ટોબર 2024ના રોજ નવી દિલ્હીમાં સ્વાસ્થ્ય સેવા, કૃષિ અને સતત શહેરો પર કેન્દ્રિત ત્રણ AI સેન્ટર ઑફ એક્સલન્સ (CoE)નું લોકાર્પણ કરશે.

"વિકસીત ભારત"ના વિઝનને સાકાર કરવા માટે આર્ટિફિશિયલ ઇન્ટેલિજન્સ (AI) માટેના આ ત્રણ CoEsનું નેતૃત્વ ઉદ્યોગ ભાગીદારી અને સ્ટાર્ટઅપની સાથે મળીને ટોચની શૈક્ષણિક સંસ્થાઓ દ્વારા કરવામાં આવશે. તેઓ આ ત્રણ ક્ષેત્રોમાં આંતરશાખાકીય સંશોધન કરશે, અત્યાધુનિક એપ્લિકેશનો વિકસાવશે અને માપી શકાય તેવા ઉકેલો બનાવશે. આ પહેલનો હેતુ અસરકારક AI ઇકોસિસ્ટમને ગેલ્વેનાઇઝ કરવાનો અને આ નિર્ણાયક ક્ષેત્રોમાં ગુણવત્તાયુક્ત માનવ સંસાધનોનું સંવર્ધન કરવાનો છે.

"ભારતમાં એઆઈને પ્રોત્સાહન આપવા અને ભારત માટે એઆઈ કાર્યરત બનાવવા"ના વિઝનના ભાગરૂપે, આ ​​કેન્દ્રોની સ્થાપનાની જાહેરાત 2023-24 માટે બજેટની જાહેરાતના પેરા 60 હેઠળ કરવામાં આવી હતી. તેની સાથે સંરેખણમાં, સરકારે નાણાકીય વર્ષ 2023-24થી નાણાકીય વર્ષ 2027-28ના સમયગાળામાં 990.00 કરોડ રૂપિયાના કુલ નાણાકીય ખર્ચની સાથે ત્રણ એઆઈ ઉત્ક઼ષ્ટતા કેન્દ્રોના નિર્માણને મંજૂરી આપી છે.

આ પહેલના અમલીકરણ પર દેખરેખ રાખવા માટે, ઉદ્યોગ જગતની એક ટોચની સમિતિનું ગઠન કરાયું છે, જેની સહ-અધ્યક્ષતા ઝોહો કોર્પોરેશનના સ્થાપક અને સીઈઓ ડો. શ્રીધર વેમ્બુ કરશે.

આ પ્રંસગે સચિવ/ ઉચ્ચ શૈક્ષણિક સંસ્થાના શ્રી કે. સંજય મૂર્તિ, IITના ડિરેક્ટરો, ઉચ્ચ શૈક્ષણિક સંસ્થાઓના (HEIs) વડા, ઉદ્યોગ અગ્રણીઓ, સ્ટાર્ટ-અપ સ્થાપકો અને ભારત સરકારના વિવિધ મંત્રાલયોના વરિષ્ઠ અધિકારીઓ ઉપસ્થિત રહેશે.

AP/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com