انتظامی اصلاحات اور عوامی شکایات کا محکمہ (ڈی اے آر پی جی)، حکومت ہند  10-14 فروری 2025 کو نئی دہلی میں واقع بھارت منڈپم میں انٹرنیشنل انسٹی ٹیوٹ آف ایڈمنسٹریٹو سائنسز (آئی آئی اے ایس)، برسلز کے تعاون سے آئی آئی اے ایس- ڈی اے آر پی جی انڈیا کانفرنس-2025 کی میزبانی کرے گا۔ کانفرنس کا موضوع ہے: ’’اگلی نسل کی انتظامی اصلاحات - شہریوں کو بااختیار بنانا اور آخری میل تک پہنچنا‘‘۔

یہ تقریب پبلک ایڈمنسٹریشن اور گورننس اصلاحات کے شعبوں میں حالیہ پیش رفت پر آئی آئی اے ایس- ڈی اے آر پی جی کانفرنس کے توسط سے تعلیمی اداروں، طلباء اسکالرز، تحقیقی اداروں، عوامی انتظامی اداروں جیسے آئی آئی ٹی / آئی آئی ایم/ یونیورسٹیز / آئی آئی پی اے / ایچ آئی پی اے / اے ٹی آئی وغیرہ کو بین الاقوامی ماہرین کے ساتھ بات چیت کرنے اور اپنا تحقیقی کام ان کے سامنے پیش کرنے کا ایک منفرد موقع فراہم کرے گی۔  یہ کانفرنس ریسرچ اسکالرز کو آئی آئی اے ایس میں ریسرچ پبلیکیشنز/ پیپرز کے طور پر اپنے تحقیقی کام کی اشاعت کا موقع بھی فراہم کرے گی۔

یہ تقریب 05 روزہ کانفرنس ہے اور اس میں تقریباً 500-600 قومی اور بین الاقوامی مندوبین کی شرکت کا امکان ہے۔ آئی آئی اے ایس- ڈی اے آر پی جی انڈیا کانفرنس 2025 کا انعقاد اس بنیاد پر کیا گیا ہے کہ مستقبل میں ہونے والی انتظامی اصلاحات میں سول سوسائٹی کی زیادہ سے زیادہ شرکت پر زور دیا جاسکے اور عوامی خدمات کی فراہمی کو بنیادی ریاستی کام کے طور پر ترجیح دی جاسکے۔ آئی آئی اے ایس- ڈی اے آر پی جی انڈیا کانفرنس 2025 دنیا بھر سے عوامی انتظامیہ کے شعبے میں طلباء، اسکالرز اور پریکٹیشنرز کو مدعو کرتی ہے۔

کانفرنس میں شرکت کے لیے رجسٹریشن کی سہولت 2 اکتوبر 2024 سے دستیاب ہے۔ شرکاء سے درخواست کی جاتی ہے کہ وہ تحقیقی مقالے کے رجسٹریشن/ جمع کرانے کے لیے ویب سائٹ https://iias-iisa.org/iias-darpg-indiaconference2025/ دیکھیں۔

******

ش  ح۔ م م ۔ م ر

U-NO. 1078