কেন্দ্রগী হাইৱেজকী রাজ্য মন্ত্রী, শ্রী হার্শ মলহোত্রা ২০২৪গী ওক্তোবর ০৮দা লাদাখকী থোইসেদগী ইন্দিয়ন এয়র ফোর্সকী ৯২শুবা কুমওন থৌরম অমসুং ১৯৯৯ কার্গিল লানদা ভারতনা মাইপাকখিবগী চহি ২৫ মপুং ফাবগী নিংশিং থৌরম পাংথোক্নবা ৱায়ু বীর বিজেতা কার রেলী লমথাখ্রে। এয়র ৱারিয়র, আর্মী পার্সোনেল, এয়র ভেতরানশিং অমসুং উত্তরাখন্দ ৱার মেমোরিয়েল (UWM)গী মেম্বরশিংনা শেম্বা মী ৫০গী মথক্তা ওইবা তীম অমনা সমুদ্রগী ইমাইদগী মিতর ৩,০৬৮ মথক্তা লৈবা মালেম অসিগী খ্বাইদগী ৱাংবা এবর ফোর্স স্তেসনশিংগী মনুংদা অমা ওইরিবা থোইসে থাদোক্তুনা অরুনাচল প্রদেশকী তৱাঙ তম্না চৎখি।

কি.মি. ৭,০০০ হেন্না শাংবা IAF-UWM কার রেলী অসিবু ২০২৪গী ওক্তোবর ০১দা নই দিল্লীগী নেস্নেল ৱার মেমোরিয়েলদগী রক্সা মন্ত্রী, শ্রী রাজনাথ সিংনা য়াম্না হারাও-তয়াম্না লমথাখি। মখোয়না ২০২৪গী ওক্তোবর ২৯দা তাৱাঙদা লোইশিন্দ্রঙৈ মমাংদা লেহ, কার্গিল, স্রিনাগর, জম্মু, চন্দিগর, দেহরাদুন, আগ্রা, লখনৌ, গোরখপুর, দর্ভঙ্গা, বাগদোগ্রা, হাসিমারা, গুৱাহাতি, তেজপুর অমসুং দিরাংদা পন্দুনা রাজ্য/য়ুনিয়ন তেরিতোরী মাপল ফাওদুনা চৎকনি।

রেলী অসিগী মনুংদা, তীম অসিনা নহাশিংগা ৱারি-ৱাতাই শানগনি  অমসুং মখোয়বু আর্মদ ফোর্সশিং য়াওনবা পুক্নিং থৌগৎকনি। মসিগী পান্দমদি IAFকী থোইদোক-হেন্দোক্না ফজরবা পুৱারিগী মতাংদা; তোঙান-তোঙানবা লানশিং অমসুং রেসক্যু ওপশিংদা এয়র ৱারিয়রশিংগী থৌনা ফবা থবকশিং অদুগী মতাংদা মীয়ামদা খঙহনবা; অমসুং মমালৈবাক সেবা নহাশিংগী পুক্নিং চিংশিনবা । হান্নগী এয়র চীফ কয়া অমনা তোঙান-তোঙানবা লেগশিংদা রেলী অসিদা শরুক য়ারগনি।

*****