আয়ুশ মন্ত্রালয়গী সেন্ত্রেল কাউন্সিল ফোর রিসর্চ ইন আয়ুর্বেদিক সাইন্স (CCRAS)গী মখাদা লৈবা সেন্ত্রেল আয়ুর্বেদ রিসর্চ ইন্সতিত্যুৎ (CARI)না হৌজিক লৈরিবা সরকার অসিগী অহানবা নুমিৎ 100গী মনুংদা মরুওইবা মাইলস্তোনশিং ফংলে। মসিগী মাইপাকপশিং অসিনা আয়ুর্বেদাগী খুত্থাংদা হকশেলগী লমদা কান্নবা ফংহন্নবা অমসুং অয়ুশ ইকোসিস্তেমদা মতেং পাংনবা CARIগী অচেৎপা ফিরেপ অদু উৎলি।

1. জেরিয়াত্রিক কেয়র প্রোগ্রাম্না পান্দমশিংদগী হেন্না ফংলে: চহি য়াম্লবা মীওইশিংগী হকশেলগী মথৌ তাবশিং ফংহন্নবা অখন্নবা খোঙথাং অমা ওইনা, CARIনা জেরিয়াত্রিক পোপুলেসনগী মীওই 2,000 কভর তৌনবা পান্দম থমখি। ইন্সতিত্যুৎ অসিনা মসিগী পান্দম অসিদগী হেন্দুনা মাগী দেদিকেতেদ OPDগী খুত্থাংদা চহি য়াম্লবা মীওই 2,272 য়ৌখ্রে। প্রোগ্রাম অসিনা হোলিস্তিক আয়ুর্বেদ প্রেক্তিসশিংদা য়ুম্ফম ওইদুনা কন্সল্তেসন, থেরাপী, অমসুং লাইফস্তাইল মোদিফিকেসন পীখি। ইনিসিএতিব অসিনা হেল্থকেয়রগী মতাংদা খন্নবদা নত্তনা অহল ওইরবা প্রজাশিংগী পুন্সি মহিংসু ফগৎহনখি।

2. SCSPগী মখাদা আউৎরীচ: SCSPগী শরুক অমা ওইনা, CARIনা তুর 80 পাংথোকখি, কেম্প 8 শিনখি অমসুং অহানবা নুমিৎ 100গী মনুংদা অনাবা 1,500 লায়েংখি। ইন্সতিত্যুৎ অসিনা মখোয়গী হিংবগী ফিভম, চাবগী হৈনবী, অমসুং শন্দোক্লিবা লায়নাশিং নৈন্নবা মীওই 480দা পাক শন্না সর্ভে অমা পাংথোকখি। স্ক্রিনিং 1,980গী খুত্থাংদা, লাইফস্তাইল দিসওর্দরশিং মশক খঙদোকখি, মসিনা অন্দরসর্ব কম্ম্যুনিতীশিংদা প্রিভেন্তিব হেল্থকেয়রদা প্রোএক্তিব এপ্রোচ অমা পায়খৎখি।

3. লেদী হার্দিঞ্জ হোস্পিতালদা ইন্তিগ্রেতেদ মেদিসিন লিংখৎপা: CARIনা অনৌবা দিল্লীগী লেদী হার্দিঞ্জ মেদিকেল কোলেজ অমসুং হোস্পিতালদা ইন্তিগ্রেতেদ মেদিসিন দিপার্তমেন্ত লিংখৎপদা মাংজিল থাখ্রে। মসিগী খোঙথাং অসিনা নেস্নেল হেল্থ পোলিসী (NHP) 2017না শৌগৎপগুম্না অপুনবা হেল্থকেয়রগী মথৌ তাবশিং কোকহন্নবা, আয়ুশ সিস্তেমশিংবু মোদর্ন মেদিকেল সর্ভিসশিংগা পুনশিন্নবা পান্দম থম্লি। বেজলাইন OPD অমসুং পঞ্চকর্মাগী থৌওংশিং হৌখ্রে, মসিনা মাগী অনৌবা দিপার্তমেন্ত অসিগী য়ুম্ফম ওইহল্লি।

4. জৱাহরলাল নেহরু য়ুনিভর্সিতী (JNU) গা লোয়ননা স্ত্রেতেজিক কোলাবোরেসন: মরুওইবা একাদমিক কোলাবোরেসন অমদা, CARIনা JNUগা লোয়ননা আয়ুশ ইন্দস্ত্রীদা ওন্তপ্রিনোরশিপ অমসুং কম্মর্সিএলাইজেসনগী মতাংদা রিসর্চ প্রোজেক্ত অমা হৌদোক্নবা MoU অমা খুৎয়েক পীনখ্রে। প্রোজেক্ত অসিনা আয়ুশ প্রদক্তশিং অমসুং সর্ভিসশিংগী মেনেজমেন্ত প্রিন্সিপলশিং শেমগৎনবা পান্দম থম্লি। প্রোজেক্ত অসি অহানবা নুমিৎ 100গী মনুংদা মায় পাক্না হৌদোকখি। মসিনা আয়ুশকী রিসর্চ অমসুং ইন্দস্ত্রীগী চাউখৎপগী অনৌবা তাঙ্কক অমা ওইখি।

5. রিসর্চ অমসুং পব্লিকেসনস হেনগৎহনবা: CARIনা বেজ হোস্পিতাল দিল্লী কেন্ত অমসুং এয়র ফোর্স হোস্পিতাল হিন্দনদা মল্তি-সেন্তর সর্ভে প্রোজেক্ত অনি লোইশিনখ্রে। রিসর্চ প্রোজেক্ত 19 হৌজিক চত্থরি। AIIMS সাফদার্জং হোস্পিতাল অমসুং JNUগুম্বা মকোক থোংবা ইন্সতিত্যুসনশিং য়াওনা কোলাবোরেতিব স্তদী 9 য়াওরি। হায়রিবা মতম অসিদা ইন্সতিত্যুৎ অসিনা মেদিকেল ইন্তর্নেত রিসর্চকী জর্নেলদা (JMIR) এলর্জিক রাইনাইতিসকী মতাংদা রিসর্চ আর্তিকল অমা ফোঙখি। মসি পবমেদ, স্কোপস, অমসুং ৱেব ওফ সাইন্সতা ইন্দেক্স তৌখি। মসিনা আয়ুর্বেদিক রিসর্চকী সাইন্তিফিক ক্রেদিবিলিতী হেনগৎহনখি।

6. আয়ুর্বেদকী খুত্থাংদা পেসেন্ত সেফতী প্রমোৎ তৌবা: পেসেন্ত সেফতী দে লাকপদা, CARIনা NPvCC অমসুং AIIA, ন্যু দিল্লীগা খুৎশম্নদুনা নুমিৎ নিনিগী নেস্নেল সেমিনার অমা পাংথোকখি। সেপ্তেম্বর 17, 2024দা পেসেন্ত সেফতী দেদা ৱা ঙাংবদা, আয়ুশ সিস্তেমশিংদা দাইগ্নোস্তিক প্রেক্তিসকী থৌদাংদা মীৎয়েং থমদুনা নেস্নেল সেমিনার অমা ইন্দিয়া ইন্তর্নেস্নেল সেন্তর, লোধি রোদতা পাংথোকখি। মসিনা ভারত শীনবা থুংনা লৈরিবা মহৈরোইশিং, রিসর্চ স্কোলরশিং, অমসুং ফেকল্তী মেম্বর 150 পুনশিনখি। মসিনা আয়ুশ প্রাক্তিসকী মনুংদা পেসেন্ত সেফতীগী মতাংদা হেন্না চাউনা এৱেরনেস পীরি।

7. এক্রেদিতেসন অমসুং এম্পাৱরমেন্ত ইনিসিএতিবশিং: CARIনা NABH এক্রেদিতেসন ফংখিবা অহানবা CCRAS ইন্সতিত্যুৎ ওইখি অমসুং মসিনা মাগী পেথোলোজী অমসুং বাইওকেমিস্ত্রি লেবশিংগীদমক NABL এক্রেদিতেসনসু ফংখি। মসিগী মথক্তা, ইন্সতিত্যুৎ অসিনা আয়ুশ ওফিসরশিংগীদমক্তা এদমিনিস্ত্রেতিব ত্রেনিং পীখি। 2024গী ওগস্ত 3দা মখোয়গী কেপাসিতী বিল্দিংগীদমক মরুওইবা মেনেজমেন্ত স্কিলশিংগা লোয়ননা মখোয়বু শক্তি পীখি।

 আয়ুশ মন্ত্রালয়গী সেক্রেতরীদগী NABH এক্রেদিতেসন লৌবা

8. সোসিএল আউৎরীচ: CARIনা পব্লিক এৱেরনেস প্রোগ্রামশিং, ৱেবিনারশিং অমসুং ক্লিনলিনেস দ্রাইবশিং পাংথোক্তুনা স্বচ্ছতা পখৱারা অমসুং পোশান মাহ য়াওনা নেস্নেল কেম্পেনশিংদা স্তাফ অমসুং ওফিসিএল পুম্নমক্না থৌদাং লৌনবা হোৎনখি।

9. 9শুবা আয়ুর্বেদ নুমিৎ: ইনস্তিত্যুৎ অসিনা 2024গী ওক্তোবর 29দা 9শুবা আয়ুর্বেদ নুমিৎ পালন তৌনবগীদমক তোঙান তোঙানবা থবক থৌরম কয়া পাংথোক্নবা ফিরেপ লৌখি। আয়ুর্বেদ দিবসকী মখাদা এৱেরনেস সেমিনারশিং, ৱেবিনারশিং, পব্লিক লেকচরশিংগা লোয়ননা অতোপ্পা থবক থৌরমশিং হায়বদি হিদাক-লাংথকশিং য়েন্থোকপা, স্কুলশিংদা কম্পিতিসনশিং পাংথোক্কনি।

****