প্রধান মন্ত্রী ভারতিয়া জনঔশধি পরিয়োজনাগী মখাদা ২০২৪গী সেপ্তেম্বর ৩০ ফাওবদা লৈবাক পুম্বদা জন ঔশধি কেন্দ্র পুন্না ১৩,৮২২ লিংখৎখ্রে। খংজিন্নিংঙাই ওইবদি, ২০২৪গী সেপ্তেম্বরদা, প্রধান মন্ত্রী ভারতিয়া জনঔশধি পরিয়োজনাগী কেন্দ্রশিং অসিনা পুৱারীদা থা অমদা লুপা করোর ২০০ য়োন্দুনা হৌজিক ফাওবগী খ্বাইদগী য়াম্বা রেকোর্দ থমখি।

চাংদম্নিংঙাই ওইনা, ২০২৩গী সেপ্তেম্বরদা, লুপা করোর ১৪১ য়োনদুনা চহি চহিগী ওইনা চাদা ৪২ হেনগৎখি। শিংথানিংঙাই ওইনা হেনগৎলক্লিবা অসিনা পুম্নমক্কী মফমদা এফোর্দেবল অমসুং এসেসিবল হেল্থকেয়র সোলুসনশিং ফংহনবদা প্রোগ্রাম অসি মায় পাকপগী মমি তারি। সেপ্তেম্বর ২০২৪ ফাওবদা লুপা করোর ৯১৩.৩০ গী সেলস তার্গেৎ ফংবগা লোয়ননা অপুনবা চাদা ৩১.২০গী এনুয়েল গ্রোথ ফংবা ঙমখি। জন ঔশধি কেন্দ্রশিংদগী চাউরাক্না মীওই লাখ ১০না হিদাক লাংথকশিং লেরি।

প্রধান মন্ত্রী ভারতিয়া জনঔশধি পরিয়োজনা (PMBJP)গী মখাদা, হৌখিবা চহি ১০দা কেন্দ্রশিংগী থোংদা লুপা করোর ৬১০০গী হিদাক য়োনখ্রে, মদুনা নাগরিকশিংদা ব্রান্দেদ ওইবা হিদাকশিংগা চাংদম্নবদা চাউরাক্না লুপা করোর ৩০,০০০ সেবিং তৌরে।

PMBJPগী মখাদা, মরুওইবা ব্রান্দেদ হিদাক অহুমগী মমলগী চাংচৎকী চাদা ৫০গী মেক্সিমম অমগী প্রিন্সিপলদা হিদাক অমগী মমল লেপ্পি। জন ঔশধি হিদাকশিং, সর্জিকেল দিবাইসশিং অমসুং ন্যুত্রাস্যুতিকেল প্রদক্তশিংগী মমল চাদা ৫০ তাথৈ অমদি কেস খরদা বজারদা ফংলিবা ব্রান্দেদ হিদাকশিংগী মমলগা চাংদম্নবদা চাদা ৮০দগী ৯০ ফাওবা তাথৈ। PMBIনা ভারত্তা জন ঔশধি কেন্দ্র ২৫০০০গী তার্গেৎ ফংনবগী মায়কৈদা হান্ননা খোংজেল য়াংনা খুমাং চাউশিল্লি।

*****