প্রধান মন্ত্রী, শ্রী নরেন্দ্র মোদীনা মহারাস্ত্রগী ৱাশিমদা লুপা করোর 23,300 রোমগী লৌউ-শিংউ অমসুং এনিমেল হজবেন্দ্রী সেক্তরগা মরী লৈনবা তোঙান তোঙানবা ইনিসি‌এতিবশিং ঙসি হৌদোকখ্রে। থৌশিলশিং অদুদা পি.এম.-কিসান সন্মান নিধিগী 18শুবা ইন্সতোলমেন্ত পীবা, নমো শেতকরি মহাসন্মান নিধি য়োজনাগী 5শুবা ইন্সতোলমেন্ত হৌদোকপা, এগ্রিকলচর ইনফ্রাস্ত্রকচর ফন্দ (AIF) গী মখাদা প্রোজেক্ত 7500 হেন্না কত্থোকপা, ফার্মর প্রদ্যুসর ওর্গানাইজেসন 9200, মহারাস্ত্রগী মফম কয়াদা পুন্না মেগাৱাৎ 19গী কেপাসিতি ওইবা সোলর পার্ক মঙা, অমসুং শা-শনগীদমক য়ুনিফাইদ জেনোমিক চিপ অমসুং ইন্দিজিনস সেক্স-সোর্তেদ সিমেন তেক্নোলোজী হৌদোকপা য়াওরি।

ঙসি চাউরাক্না লৌমী করোর 9.5দা লুপা করোর 20,000গী পি.এম.-কিসান সম্মান নিধিগী 18শুবা ইন্সতোলমেন্ত পীখিবা অদু পল্লদুনা প্রধান মন্ত্রীনা হায়খি মদুদি রাজ্য সরকারনা লৌমীশিংদা দবল বেনিফিৎ ফংহন্নবা হোৎনরি। শ্রী মোদীনা মহারাস্ত্রগী লৌমী লাখ 90দা চাউরাক্না লুপা করোর 1,900গী শেল-থুমগী তেংবাং পীরিবা নমো শেতকরি মহাসন্মান নিধি য়োজনাগী মতাংদসু পনখি। মহাক্না ফার্মর প্রদ্যুসর ওর্গনাইজেসনশিংগা মরী লৈনবা লুপা করোর চাম্মরোমগী প্রোজেক্ত কয়া মরী লৈননা মীয়ামদা কত্থোকখিবা অদু পনখি।

ভারতকী লৌমীশিংবু মপাঙ্গল কনখৎহন্নবা লৌখৎলিবা মরুওইবা খোঙথাংশিং অদু পল্লদুনা, প্রধান মন্ত্রীনা লৌমীশিংগী শেন্থোক হেনগৎহন্নবা লৌউ-শিংউগী পোত্থোকশিংগী স্তোরেজ, প্রোসেসিং অমসুং মেনেজমেন্ত তৌবা ঙম্বদা মতেং পাংনবা ফার্মর প্রদ্যুসর ওর্গনাইজেসন (FPO) 9200 অমসুং মরুওইবা লৌউ-শিংউগী ইনফ্রাস্ত্রকচর প্রোজেক্ত কয়াগী অচেৎপা থৌরাংশিং অদু পনখি। “মহারাস্ত্রদা, হৌজিক লৈরিবা সরকার অসিগী মখাদা লৌমীশিংনা শরুক অনিগী কান্নবা ফংলি," শ্রী মোদীনা  মখা তারদুনা মুখ্য মন্ত্রী শ্রী একনাথ শিন্দেগী সরকারনা লৌমীশিংগীদমক জিরো ইলেক্ত্রিসিতী বিল পোলিসীবু থাগৎখি।

দিকেদ কয়াগী মমাংদগী অৱাবা কয়া মায়োক্নদুনা লাক্লবা মহারাস্ত্র অমসুং বিদর্ভাগী লৌমীশিংগী অৱাবদা থম্মোয় শোক্না নুংঙাইবা ফোংদোক্লদুনা, মমাংগী সরকারশিংনা লৌমীশিংবু অৱাবা অমসুং লায়রবা ওইহনখি হায়না প্রধান মন্ত্রীনা ফোংদোকখি। মহাক্না হায়খি মদুদি মহারাস্ত্রদা লৈঙাক পায়রিঙৈদা গ্রান্দ কোলিজন গভর্নমেন্তনা এজেন্দা অনি খক্তদা থবক তৌখি। মখোয়দি লৌমীশিংগা মরী লৈনবা প্রোজেক্তশিং থিংবা অমসুং প্রোজেক্তশিং অসিগী শেনফমদা শেঞ্জা-থুমজা তৌবা অসিনি। কেন্দ্রদগী পীরকপা শেনফমশিং অসি বেনিফিসরীশিংদগী লৌথোকখি হায়না শ্রী মোদীনা ফোংদোকখি। মহারাস্ত্রগী হৌজিক লৈরিবা মহায়ুতি সরকারনা লৌমীশিংদা কিসান সম্মান নিধিগা লোয়ননা তোঙানবা শেনফম পীবগুম্না কর্নাতকাদা BJP সরকারনা চপ মান্নবা শেনফম পীরম্মি হায়না মীয়ামদা নিংশিংলদুনা প্রধান মন্ত্রীনা হায়খি মদুদি হৌজিক অনৌবা সরকারনা লৈঙাক পায়রকপগা লোয়ননা মসি লেপখ্রে। শ্রী মোদীনা হায়খি তেলঙ্গনাগী লৌমীশিংনা ঙসি রাজ্য সরকারদা লোন কোকপীবগী মীখলগী ৱাশক শকপগী মতাংদা ৱাহং হংনরক্লি।

কেন্দ্রগী লৌউ-শিংউ অমসুং লৌমীশিংগী য়াইফ-থৌরাং অমসুং রুরেল দিবেলপমেন্ত মন্ত্রী শ্রী শিবরাজ সিংহ চৌহাননা হায়খি মদুদি প্রধান মন্ত্রী শ্রী নরেন্দ্র মোদীনা লৌমীশিংগী একাউন্তশিংদা কিসান সম্মান নিধিগী লুপা করোর 20,400 ত্রান্সফর তৌখ্রে। প্রধান মন্ত্রী শ্রী নরেন্দ্র মোদী অসি লৌমীশিংগী মরুপনি অমসুং মন্ত্রীমন্দল খুদিংমক্তা লৌমীশিংগী মাইকৈদা লেপ্তনা ৱারেপ লৌরি। শ্রী চৌহাননা হায়খি মদুদি কিসান সম্মান নিধি খক্তমক নত্তনা লৌমীশিংদা অনৌবা পোত্থোক য়াম্না লৈবা মরুগী ময়াত মখল 109সু কত্থোকখ্রে।

কেন্দ্রগী মন্ত্রী শ্রী চৌহাননা হায়খি মদুদি নুং হৱাইগী মমল হন্থরকপা মতমদা, প্রধান মন্ত্রী শ্রী মোদীনা লৌমীশিংগী কান্নবা ফংনবা ৱারেপ লৌখি অমসুং মপান্দগী লাকপা সোয়াবিন ওইলদা 20%গী ইম্পোর্ত দ্যুতী লৌখৎখি। মসিগী মহৈ ওইনা, সোয়াবিনগী মমল হৌজিক লেপ্তনা হেনগৎলক্লি অমসুং লৌমীশিংনা অফবা মমল ফংলি। প্রধান মন্ত্রী শ্রী মোদীনা মহারাস্ত্রাগী ইচম চম্লবা লৌমীশিংনা হেন্না ফবা মমল ফংহন্নবা এক্সপোর্ত দ্যুতী 40%দগী 20%দা হন্থহনখ্রে। শ্রী মোদীনা MSPনা মমলগী চাদা 50গী শেন্দোং ফংহল্লি। মিনিমম সপোর্ত প্রাইসতা সোয়াবিনগী পোৎলমশিং লৌনবা অয়াবা পীখি।

শ্রী চৌহাননা হায়খি মদুদি লৌমীশিংদা কিলোগ্রাম 35গী য়ুরিয়াগী বেগ অমদা লুপা 2100গী সবসিদী পীরি, অদুবু মসি লৌমীশিংদা লুপা 266দা য়োল্লি অদুগা মসিগী মমলদি লুপা 2366নি। DAPগী কিলোগ্রাম  50গী বেগ অমদা, সরকারনা লৌমীশিংদা লুপা 1083গী সবসিদী পীরি অমসুং মসি লৌমীশিংদা লুপা 1350দা য়োল্লি।

বেকগ্রাউন্দ

লৌমীশিংদা শক্তি পীনবা মহাক্কী ফিরেপকী পরিং মখাদা প্রধান মন্ত্রীনা লৌমী করোর 9.4 রোমদা লুপা করোর 20,000 রোমগী পি.এম-কিসান সম্মান নিধিগী 18শুবা ইন্সতোলমেন্ত য়েন্থোকখ্রে। 18শুবা ইন্সতোলমেন্ত থাদোকপা অসিগা লোয়ননা, পি.এম-কিসানগী মখাদা লৌমীশিংদা পীখিবা অপুনবা শেনফম লুপা করোর লাখ 3.45 রোম শুরে। মখা তানা, প্রধান মন্ত্রীনা লুপা করোর 2,000 রোমগী নমো সেতকরি মহাসন্মান নিধি য়োজনাগী 5শুবা ইন্সতোলমেন্তসু য়েন্থোকখ্রে।

প্রধান মন্ত্রীনা লুপা করোর 1,920 হেনবগী এগ্রিকলর ইনফ্রাস্ত্রকচর ফন্দগী মখাদা প্রোজেক 7500 হেন্না লৈবাক মীয়ামদা কৎথোকখ্রে। মসিদা য়াওরিবা প্রোজেক্তশিংগী মনুংদা কস্তম হাইয়ারিং সেন্তরশিং, প্রাইমারি প্রোসেসিং য়ুনিতশিং, ৱায়ারহাওসশিং, সোর্তিং অমসুং গ্রেদিং প্লান্তশিং, কোল্দ স্তোরেজ প্রোজেকশিং, পোস্ত-হারভেস্ত মেনেজমেন্ত প্রোজেকশিং য়াওরি।

প্রধান মন্ত্রীনা লুপা করোর 1300 রোমগী অপুনবা তর্নওভর লৈরবা ফার্মর প্রদুসর ওর্গনাইজেসন 9200 মীয়ামদা কত্থোকখ্রে।

*****