এগ্রিকলচর অমসুং ফারমর্স ৱেলফেয়র বিভাগনা সেপ্তেম্বর ১৭দগী ওক্তোবর ২ ফাওবা ‘স্বভাব স্বচ্ছতা – সন্সকার স্বচ্ছতা’ হায়বা থীমগা লোয়ননা পাংথোক্লিবা স্বচ্ছতা হি সেবা, ২০২৪ কেম্পেনদা লৈবাক পুম্বদা শন্দোক্না লৈরিবা মসিগী সবওর্দিনেত/এতেচ/ওতোনোমস বোদী/ পব্লিক সেক্তর অন্দরতেকিং/ফিল্দ ওফিস পুম্নমক্কা লোয়ননা অকনবা মওংদা শরুক য়ারি।

সফাই মিত্রশিং অসি ইকোসিস্তেম অসিগী মনুংগী ওইবা শরুক অমনি অমসুং থবক তৌনবগীদমক মশা মউ ফবা অমসুং লু নানবা এনবাইরনমেন্ত অমা ফংহল্লি। বিভাগপু চাউনা য়াইফনবদা মখোয়গী মরুওইবা থৌদাং অদু খংলদুনা এগ্রিকলচর অমসুং ফারমর্স ৱেলফেয়র বিভাগনা মখোয়গীদমক ২০২৪গী ওক্তোবর ১দা ফেলিসিতেসন থৌরম অমা পাংথোকখি। থৌরম অসিদা সফাই মিত্র ১০০ হেনববু ইকায় খুম্নখি।  

মসিদা নত্তনা, ২০২৪গী সেপ্তেম্বর ২১দা কৃষি ভবনদা সফাই মিত্রশিংগী অঙাংশিংগীদমক পাংথোকখিবা লাই য়েকপগী চাংদম্নবদা মকোক মথং তারবশিংগীদমক মনা য়েন্থোকপগী থৌরম অমসু পাংথোকখি।

থৌরম অসিদা এগ্রিকলচর অমসুং ফারমর্স ৱেলফেয়র বিভাগকী সেক্রেতরী দা. দেবেশ চতুরবেদী অমসুং বিভাগ অসিগী এদিস্নেল সেক্রেতরী শ্রীমতী শুভা থাকুরনা শরুক য়াখি।

*****