কেন্দ্রগী য়ুম্লৈ-কৈরৈ অমসুং কোওপরেশন মন্ত্রী, শ্রী অমিত শাহনা ঙসি গুজরাতকী এহ্মদবাদতা নৌনা শাবা পুলিস কমিস্নরগী ওফিস শঙ্গাখ্রে। থৌরম অদুদা গুজরাতকী মুখ্য মন্ত্রী, শ্রী ভুপেন্দ্র পতেলগা লোইননা অতোপ্পা দিগ্নিতরীশিংশু থৌরম অদুদা শরুক য়াখি।

শ্রী অমিত শাহনা মীয়ামদা ৱা ঙাংবা মতমদা হায়খি মদুদি এহ্মদবাদকী পুলিস কমিস্নরগী ওফিসকী অনৌবা বিল্দিং অসিনা বিল্দিং অসিগী ফেসিলিতীশিং হেনগৎহনবতা নত্তনা এহ্মদবাদ পুলিসতা অনৌবা ৱার্কিং সিস্তেম অমা থম্বশু ঙমহল্লগনি

কেন্দ্রগী য়ুম্লৈ-কৈরৈ মন্ত্রীনা হায়খি মদুদি মথোল তরেত ৱাংবা কমিস্নর ওফিস অসি লুপা করোর ১৪০ চংনা মোদর্ন তেক্নোলোজীগা লোইননা শাখি অমসুং মিসনা স্ক্ব্যার মিতর ১৮,০০০গী মফম কোল্লি, মসিদা পার্সোনেলশিংগী ফিতনেসকীদমক্তা ফেসিলিতীশিং খুদম ওইনা জীম, নাগ্রিকশিংগী পার্কিং, CCTV কেমেরাশিং, ফায়র সেফ্তী ইক্যুইপমেন্ত অমসুং সেন্ত্রেলাইজ এয়র কন্দিস্নিং য়াওরি। মহাক্না পনখি মদুদি মসিগী মোদর্ন বিল্দিং অসিনা সেক্যুরিতী লৈহনবতা নত্তনা হেক হৌরকপদগীনা হৌজিক ফাওবদা এহ্মদবাদকী সেক্যুরিতীগীমদক্তা লৌখৎখিবা পাম্বৈশিং অদুবু উৎকদবা পুলিস ম্যুজিয়ম অমশু লৈগনি।

মহাক্না হায়খি মদুদি লৈবাক অসিগী নাগ্রিকশিংবু ঙাকশেনবদা থৱাই থাখ্রবা পুলিস পর্সোনেলশিংগী নিংশিং খুদম ওইনা য়াম্না ফজরবা মেমোরিয়েল অমশু মফম অসিদা শারগনি। মসিগী মথক্তা পব্লিক কনভেনিয়েন্স সেন্তর অমসুং কন্ত্রোল অমশু শেমখ্রে, মসিনা এহ্মদবাদকী কাচিন-কোয়া মফম খুদিংমক্তা য়ৌরগনি অমসুং সহর পুম্বগী ওইনা সেক্যুরিতী লৈহল্লগনি।

শ্রী অমিত শাহনা হায়খি মদুদি পুলিস কমিস্নর ওফিসকী অনৌবা বিল্দিং অসিদা ‘জোইন্ত ইন্তরোগেশন সেন্তর’ শঙ্গাখ্রে অমসুং মসিগা লোইননা ‘তেরা তুঝকো অর্পন’ পোর্তল হৌদোকপগা লোইননা ‘সাইবর সাথি’ লাইরিকশু ফোংখি। অহানবা অনৌবা থৌরাং অনি অসিনা সাইবরক্রাইমনা শোকহল্লবা মীশিংগী মরক্তা এৱাএয়রনেস পীবা অমসুং মখোয়না মাংখিবা শেলশিং অদুবু হঞ্জিনবদা মতেং পাংনবগী পান্দম থম্লি। মহাক্না ‘জোইন্ত ইন্তরোগেশন সেন্তর’ থম্লিবা অসি সেন্ত্রেল এজেন্সীশিং অমসুং এহ্মদবাদ পুলিসনা রায়তশিং, তেরোরিস্ত এতেকশিং অমসুং তংদু-লৈতাদবা অতোপ্পা ফিভমশিংদা অচুম্বা অমসুং সাইন্তিফিক ওইবা মওংদা ৱাহং-পাউহংশিং চত্থবা য়ানবগীদমক্তনি হায়না মহাক্না হায়খি।

কেন্দ্রগী য়ুম্লৈ-কৈরৈ মন্ত্রীনা ময়ামদা খঙহল্লকখি মদুদি ভারতকী ইন্তর্নেল সেক্যুরিতী  লেন্দস্কেপ অসি হৌখিবা চহি ১০ অসিদা য়াম্না চাউনা অহোংবা লাকখ্রে। চহি তরাগী মমাংদা, লৈবাক অসিদা মরু ওইবা হোতস্পোত অহুম লৈরম্মি- কাশ্মির, নোর্থ ইস্ত অমসুং নক্সল লৈবা মফমশিং- হাবরিবা মফমশিং অসিদা বোম্ব পোখাইবা হায়বসি অদুক্কী মতিক তোইবনা মরম ওইরগা পাউদা ফাওবা হাপ্লমদে। মসিদা থোইদোক্না করিশু ওইনা খন্নরমদে। মহাক্না হায়খি মদুদি প্রধান মন্ত্রী, শ্রী নরেন্দ্র মোদীগী লুচিং মখাদা হৌখিবা চহি ১০ অসিদা লৌখৎখিবা তুং কোইনগী ওইবা অমসুং সিস্তেমেতিক ওইবা পাম্বৈশিং অমসুং সেক্যুরিতী অমসুং চাউখৎ-থৌরাংগী মাইকৈদা পাইখৎখিবা থবক-ধোরমশিং অদুনা মরম ওইরগা মসিগী হোতস্পোত অহুম অসিদা হিংশা থোকপগী চাং অদু চাদা ৭০দা হন্থখ্রে। শ্রী শাহনা মখা তাখি মদুদি লৈবাক শিনথুংনা লৈরিবা সেক্যুরিতী এজেন্সীশিংগা লোইন-লোইননা রাজ্যগী পুলিস ফোর্সশিংনা কাশ্মির, নোর্থ ইস্ত অমসুং নক্সল কনবা মফমশিংদা শিবগী চাং অদু চাদা ৭২দা হন্থহন্নবা অমত্তা ওইনা পুন্না থবক তৌমিন্নখি। মহাক্না হায়খি মদুদি মসিগী মাইপাকপা অসিনা লাক্কদবা মতমশিংদা, ‘নক্সল লৈতবা ভারত’ অমসুং ‘তেরোরিজম লৈতবা ভারত’ হায়বদু মঙফাওনরগনি হায়বদু উৎলি।  

শ্রী অমিত শাহনা হায়খি মদুদি প্রধান মন্ত্রী, শ্রী নরেন্দ্র মোদীনা পুলিসকী চৎনবীদা অহোংবা কয়া অমা পুরক্নবগীদমক্তা খন্না হোৎনখি। প্রধান মন্ত্রী, শ্রী নরেন্দ্র মোদীনা প্রো-এক্তিব পোলিসিংগীদমক্তা প্রো-এক্তিব, প্রেদিক্তিব অমসুং সাইন্তিফিক এপ্রোচকী ৱাখল্লোন অসিবু লৈবাক মীয়ামগী মাংদা থমখি। ভারতনা অনৌবা ক্রিমিনেল লোশিং শেমদুনা কোলোনিয়েল-এরাগী ক্রিমিনেল লোশিংদা য়াম্না শিংথংনিংঙাই ওইবা অহোংবা অমা পুরকখ্রে, অমসুং মখোয়াবু লৈবাক শিনথুংনা চৎনবা হৌখ্রে হায়না শ্রী শাহনা পনখি। মসিগী লোশিং অসিদা ক্রাইমশীং সোল্ব তৌনবা, ক্রাইমশিং থোকহন্দনবা, প্রোসিক্যুশন বাংনা লোইশিন্নবা অমসুং মরাল লৈবশিংবু য়ারিবমখৈ দন্দি পীনবা তেক্নোলোজী শিজিন্ননবগী মতাংদা প্রোভিজনশিং য়াওরি। মথংগী চহি ১০০গী মতাংদা খল্লগা, মথংগী চহি চাদা মসিগী লোশিং অসিদা হোংদোক্নবগী তঙাইফদবা অদু লৈতনবা তুংগী তেক্নোলোজীশিংগীদমক্তা খল্লগা শেমখিবনি। ইভেস্তিগেশনশিং, প্রোসিক্যুশনশিং অমসুং অতোপ্পা জুদিসিয়েল প্রোসেসশিং চত্থবদা পন্থদনবা জুদিসিয়েল প্রোসেকী থৌদোক খরদা ৮৩দা পুলিস, ওকিলশিং অমসুং জজশিংদা অকক্নবা মতম থম্নবা লেপখ্রে।

কেন্দ্রগী য়ুম্লৈ-কৈরৈ মন্ত্রীনা হায়খি মদুদি অনৌবা লো অহুম অসি চৎনহল্লবা মতুংদা, মথৌতাবা ইনফ্রাস্ত্রকচর শেমগৎনবগী থৌওং অদু হৌখ্রে। মসি হেক মফম চানা লৈবদা, মথংগী চহি অহুমদা, ভারতকী ক্রিমিনেল জস্তিস সিস্তেম অসিনা মালেম অসিগী ওইনা খ্বাইদগী নৌবা ওইরগনি। মহাক্না মখা তারকখি মদুদি অনৌবা লোশিং অসিনা হেক চৎনবা হৌবগা, ৱায়েল পীবগী থৌওং পুম্নমক, FIR ফাইল তৌবদগী হৌরগা সপ্রিম কোর্ততগি ৱায়েল পীবা ফাওবা চহি অহুমগী মনুংদা লোইশিল্লগনি, মসিনা মীশিংগি ৱাবেল মতম চানা পীবা ঙমহল্লগনি।

শ্রী অমিত শাহনাহায়খি মদুদি প্রধান মন্ত্রী, শ্রী নরেন্দ্র মোদীনা ভারতকী শেন্মিৎলোন অসিবু মালেমগী ওইনা ১১শুবদগী ৫শুবা পোজিশনদা পুখৎলকখ্রে, অমসুং ২০২৭ ফাওবদা, মালেম অসিগী খ্বাইদগী চাউবা অহুমশুবা ইকোনোমী ওইনবগী লম্বি চৎলি। অসিগুম্বা য়াম্না লুরবা মতম অসিদা, পুলিস ওফিসরশিংনা সাইবর সেক্যুরিতী য়াওনা ইকোনোমিক ক্রাইমশিং ঙাক শেন্নবা, ঐখোয়গী লৈবাক অসিগী সেক্যুরিতিবু তেক্ত-কাইদনা ঙাকশেন্দুনা থম্নবা য়াম্না লিংবা লিগেল সপোর্ত অঞা তঙাইফদে। মসিগী অনৌবা ক্রিমিনেল লোশিং অসিনা পুলিাস ওফিসরশিংদা মখোয়না হোৎনরিবশিং অদুগীদমক্তা য়াম্না চাউনা চেকিং পীরি।

কেন্দ্রগী য়ুম্লৈ-কৈরৈ মন্ত্রীনা হায়খি মদুদি গুজরাত পুলিসনা মখোয়গী য়াম্না চাউথোকচনিংঙাই ওইরবা পুৱারি কয়াদা তেক্নোলোজিকেল ইনোভেশন কয়া অমা তৌখ্রে। ‘ই-গুজকোপ’, ‘বোদী-ৱোর্ন কেমেরাশিং’, অমসুং ‘বিস্বাস প্রোজেক্ত’ কুম্বা অনৌবা থৌরাংশিং অসিনা গুজরাত পুলিসপু লৈবাক অসিগী খ্বাইদগী মোদর্ন ওইবা পুলিসশিংগী মনুং চলহনবদা মতেং পাংখি, মসিমক য়াম্না চাউথোকচনিংঙাই ওইবা ৱাফম অমনি। মহাক্না মকা তারকখি মদুদি গুজরাত পুলিস নার্কোতিক্সকী মায়োক্তা হৌদোকখিবা কেমপেন অসি থাগৎনিংঙাইনি, অমসুং মখোয়বু লৈবাক শিনথুংনা মখোয়গী ইনভেস্তিগেশন অদুগীদমক্তা খুদম অমা ওইনা শিজিন্নরি।

প্রধান মন্ত্রী, শ্রী নরেন্দ্র মোদীনা ২০৪৭ ফাওবদা ‘ভিক্সিত ভারত’কী মঙলান শাগৎলি হায়না শ্রী অমিত শাহনা পনখি। মসিগী গুজরাত অসিমক্নি ১৯৮০ অমসুং ১৯৯০গী মতমদা তোইনা কর্ফ্যু থেংনখিবা মফম অদুমক্নি অদুবু হৌজিক্তি ফিভম অসি হোংলে অমসুং রাজ্য অসিদা য়াম্না সাফবা অসোই-অঙাম য়াওদবা এনভাইরনমেন্ত অমা থম্বা ঙম্লে।

***