প্রধান মন্ত্রী শ্রী নরেন্দ্র মোদী ওক্তোবর ৫ দা মহারাস্ত্রাদা চৎকনি। মহাক্না অয়ুক্কী পুং ১১:১৫ রোম তাবদা ৱাসিমদা চৎকনি, মহাক্না জগদম্বা মাতা লাইশঙ, পোহারাদেবীদা লাই খুরুমগনি। মহাক্না ৱাসিমদা লৈবা শান্ত সেবালাল মহারাজ অমসুং শান্ত রামরাও মহারাজগী মোঙফমশিংদা ইকায়খুম্নবা উৎকনি। তুংদা, অয়ুক পুং ১১:৩০ রোম তাবদা, প্রধান মন্ত্রীনা বঞ্জারা ফুরুপকী ইনাকখুল্লবা হেরিতেচ হরাওবা ফোঙদোক্লদুনা, বঞ্জারা বিরাসাত ম্যুজম শঙ্গাগনি।  নুমিৎয়ুংবা পুং ১২ রোম তাবদা, প্রধান মন্ত্রীনা লুপা করোর ২৩,৩০০ রোমগী লৌউ-শিংউ অমসুং শা-ষন লোইবগা মরী লৈনবা তোঙান-তোঙানবা থবকশিং হৌদোক্কনি। নুংথিলগী পুং ৪ রোম তাবদা, প্রধান মন্ত্রীনা থানেদা লুপা করোর ৩২,৮০০ রোমগী তোঙান-তোঙানবা প্রোজেকশিং শঙ্গাগনি অমসুং উরেপ-উয়ুং তমগনি। তুংদা, নুংথিলগী পুং ৬ রোম তাবদা, কে.বি.সি মেত্রো স্তেসন্দগী মহাক্না কে.বি.সিদগী আরে জে.ভি.এল.আর মুম্বাই ফাওবা চেনগদবা মেত্রো ত্রেন লমথাগনি। মহাক্না কে.বি.সি অমসুং শান্তক্রুজ স্তেসনশিংগী মরক্তা মেত্রো তোংগনি।

ৱাসিমদা প্রধান মন্ত্রী

প্রধান মন্ত্রীনা লৌমী করোর ৯.৪ রোমদা লুপা করোর ২০,০০০ রোমগী পি.এম-কিষান সম্মান নিধিগী ১৮শুবা ইন্সতোলমেন্ত য়েন্থোক্কনি। ১৮শুবা ইন্সতোলমেন্ত থাদোকপা অসিগা লোয়ননা, পি.এম-কিষানগী মখাদা লৌমীশিংদা পীখিবা অপুনবা শেনফম লুপা করোর লাখ ৩.৪৫ রোম শুরে। মখা তানা, প্রধান মন্ত্রীনা লুপা করোর ২,০০০ রোমগী নমো সেতকারি মহাসনমান নিধি য়োজনাগী ৫শুবা ইন্সতোলমেন্তশু য়েন্থোক্কনি।

প্রধান মন্ত্রীনা লুপা করোর ১,৯২০ হেনবগী এগ্রিকলর ইনফ্রাস্ত্রকচর ফন্দগী মখাদা প্রোজেক ৭৫০০ হেন্না লৈবাক মীয়ামদা কৎথোক্কনি। মসিদা য়াওরিবা প্রোজেকশিংগী মনুংদা কস্তম হাইয়ারিং সেন্তরশিং, প্রাইমারি প্রোসেসিং য়ুনিতশিং, ৱায়ারহাওসশিং, সোর্তিং অমসুং গ্রেদিং প্লান্তশিং, কোল্দ স্তোরেজ প্রোজেকশিং, পোস্ত-হারভেস্ত মেনেজমেন্ত প্রোজেকশিং য়াওরি।

প্রধান মন্ত্রীনা লুপা করোর ১৩০০ রোমগী অপুনবা তর্নওভর লৈরবা ফার্মর প্রদুসর ওর্গনাইজেসন ৯২০০ মীয়ামদা কৎথোক্কনি।

মখা তানা, প্রধান মন্ত্রীনা শা-ষনগী য়ুনিফাইদ জিনোমিক চিপ অমসুং সেক্স-সোর্তেদ সিমেন তেক্নোলোজি হৌদোক্কনি। মসিনা লৌমীশিংদা অহোংবা মমলদা সেক্স-সোর্তেদ সিমেন ফংহনগনি অমসুং দোজ অমগী মমল লুপা ২০০দা হন্থহনগনি। জিনোতাইপিং সর্বিসশিংগা লোয়ননা য়ুনিফাইদ জিনোমিক চিপ, গাউচিপ অমসুং ইরোইগী মহিসচিপ হৌদোক্লে। জিনোমিক সেলেক্সন পায়খৎপা অসিনা, অঙনবা মতমদগী মগুন লৈবা ষন লাবশিং মশক খঙদোকপা ঙমগনি।

মখা তানা, প্রধান মন্ত্রীনা মুখ্যামন্ত্রী সৌর ক্রুসি বাহিনি য়োজনা-২.০গী মখাদা মহারাস্ত্রা শীনবা থুংনা মেগাৱাত ১৯গী সোলার পার্ক মঙা মীয়ামদা কৎথোক্কনি। মহাকআন মুখ্যামন্ত্রী মঝি লরকি বহিন য়োজনাগী বেনিফিসরিশিংশু ইকায়খুম্নবা উৎকনি।

থানেদা প্রধান মন্ত্রী

প্রধান মন্ত্রীনা মেত্রো অমসুং লম্বীগী প্রোজেকশিং শঙ্গাগনি অমসুং উরেপ-উয়ুং তমগনি। প্রধান মন্ত্রীনা লুপা করোর ১৪১২০ রোমগী মুম্বাই মেত্রো লাইন ৩ ফেজ-১গী আরে জে.ভি.এল.আরদগী কে.বি.সি সেক্সন শঙ্গাগনি। সেক্সন অসিদা স্তেন ১০ লৈগনি অমসুং স্তেসন ৯ না লৈনুংদনি। মু্ম্বাই মেত্রো লাইন-৩ অসিনা মুম্বাই সহর অমসুং মসিগী অকোয়বা মফমশিংগা চৎথোক-চৎশিন তৌনবগী মরুওইবা লাইন অমনি। লাইন-৩ মপুংফানা থবক তৌরকপদা নোংমদা পেসেঞ্জর লাখ ১২ পুগনি হায়না পানরি।  

প্রধান মন্ত্রীনা লুপা করোর ১২২০০ রোম চঙনা পায়খৎকদবা থানে ইন্তরগ্রেল রিং মেত্রো রেল প্রোজেক্কী উরেপ-উয়ুং তমগনি। কিমি ২৯গী প্রোজেক অসিদা ইলাভেতেদ স্তেসন ২০ অমসুং লৈনুংগী স্তেসন ২ লৈগনি। প্রোজেক অসিনা মহারাস্ত্রাগী উদ্যোগ অমসুং ললোন-ইতিক্কী মরুওইবা মফম অমা ওইরিবা থানেগী লম্বী-থোংগী ফিবম ফগৎহনগনি। 

প্রধান মন্ত্রীনা লুপা করোর ৩৩১০ রোমগী থানেদা ছেদা নগরদগী অনন্দ নগর ফাওবগী ইলাভেতেদ ইস্তর্ন ফ্রিৱে এক্সতেন্সগী উরেপ-উয়ুং তমগনি। মসিনা সাউথ মুম্বাই অমসুং থানে শম্নহনগনি।

মখা তানা, প্রধান মন্ত্রীনা লুপা করোর ২৫৫০ রোমগী নবি মুম্বাই এয়রপোর্ত ইনফ্লুয়েন্স নোতিফাইদ এরিয়া(এন এ আই এন এ)গী উরেপ-উয়ুং তমগনি। প্রোজেক অসিনা লম্বীশিং, থোংশিং, লৈকং থোংশিং অমসুং অন্দরপাসশিং অমসুং ইন্তিগ্রেতেদ য়ুতিলিতি ইনফ্রাস্ত্রকচরশিং শেমগৎকনি।

প্রধান মন্ত্রীনা লুপা করোর ৭০০ চঙগদবা থানে ম্যুনিসিপাল কোর্পোরেসনগী উরেপ-উয়ুং তমগনি। থানে ম্যুনিসিপাল কোর্পোরেসনগী অৱাংবা এদমিনিস্ত্রেতিপ বিল্দিং অসিদা ম্যুনিসিপাল ওফিসারশিং ফমদুনা থানেগী মীয়ামদা খুদোংচাবশিং পীরগনি।

***