য়ুথ এফিয়র্স অমসুং স্পোর্তস, লেবর অমসুং এমপ্লোইমেন্তকী কেন্দ্রগী মন্ত্রী দা. মনসুখ মন্দাবিয়া অমসুং লক্ষ্মীবাই নেস্নেল ইন্সতিত্যুৎ ওফ ফিজিকেল এজুকেসন (LNIPE) গী চাঞ্চেল্লরনা হয়েং মধ্য প্রদেশকী গ্বালিয়রদা LNIPEগী 10শুবা কনভোকেসন থৌরমদা ময়াই তাংবল লৌগনি।

থৌরম অদুগী মনুংদা 2022-23গী একাদমিক সেসনগী মনুংদা কোর্স মপুং ফানা লোইশিনখ্রবা মহৈরোই 577দা দিগ্রী পীগনি। মসিগী মথক্তা, B.P.Ed. অমসুং M.P.Ed. প্রোগ্রামশিংগী খ্বাইদগী ফবা মহৈরোইশিংবু মখোয়গী একাদমিক এক্সিলেন্সকীদমক গোল্দ মেদলশিংসু পীগনি।

নুমিৎ অদুদা, দা মন্দাবিয়ানা রিতায়র তৌরবা শান্নরোইশিংবু এম্পাৱর তৌনবা য়ুথ এফিয়র্স অমসুং স্পোর্তস মন্ত্রালয়না পায়খৎলিবা রিতায়র্দ স্পোর্তসপর্সন এম্পাৱরমেন্ত ত্রেনিং (RESET) প্রোগ্রামদা শরুক য়ারিবশিংগীদমক দীক্ষা অরম্ভ (স্তুদেন্ত ইন্দক্সন প্রোগ্রাম) হৌদোক্কনি। প্রোগ্রাম অসিনা রিতায়র তৌরবা স্পোর্তস পর্সনশিংদা মখোয়গী এক্তিব স্পোর্তস তেনর মতুংদা অনৌবা কেরিয়রদা ওন্থোক্নবা স্কিল অমসুং খুদোংচাবা পীবনি।

মখা তানা, কেন্দ্রগী মন্ত্রীনা ইন্সতিত্যুৎ অসিদা ফমুং 400 লৈবা অনৌবা হোস্তেল অমসুং স্তেৎ-ওফ-দি-আর্ত স্তুদিও অমা শঙ্গাদুনা LNIPEগী ইনফ্রাস্ত্রকচর মপাঙ্গল কনখৎহল্লগনি।

******