ভারত সরকারগী মাইক্রো, স্মোল অমসুং মেদিয়ম ইন্তর্প্রাইজেস (MSME) মন্ত্রালয়না লৈবাক শীনবা থুংনা মাগী ওফিসশিংদা ওক্তোবর 2দগী ওক্তোবর 31 ফাওবা স্বচ্ছতা ইন্সতিত্যুস্নেলাইজ তৌনবা অমসুং পেন্দেন্সী হন্থহন্নবা পান্দমশিং ফংনবা মরুওইবা থৌরাং অমা ওইরিবা স্পেসিএল কেম্পেন 4.0 হৌদোকখ্রে। কেম্পেন অসিনা মন্ত্রালয়দা এতেচ তৌবা, সবওর্দিনেৎ অমসুং ওতোনোমস ওর্গনাইজেসনশিং অমসুং ফিল্দ ওফিসশিংদা লুনানহন্নবা অমসুং সর্ভিস দেলিভরী হেন্না ফগৎহন্নবা মীৎয়েং থম্লি।

“স্পেসিএল কেম্পেন 4.0” অসিদা ফেজ অনি য়াওরি। 2024গী সেপ্তেম্বর 16দগী 2024গী সেপ্তেম্বর 30 ফাওবা পাঙথোকখিবা প্রিপারেতরি ফেজগী মনুংদা, মন্ত্রালয়না স্বচ্ছতা কেম্পেন সাইতশিং মশক খঙদোকপা, স্পেস মেনেজমেন্ত অমসুং ওফিসশিং ফজনা শেমগৎনবা থৌরাং তৌবা, স্ক্রেপ অমসুং রিদন্দেন্সী আইতেমশিং মশক খঙদোকপা, অমসুং রিজোল্যুসন পুরক্নবা পেন্দিং রেফরেন্সশিং অমসুং স্তেত লেবেলগী ৱাফমশিং মশক খঙদোকপা য়াওনা অখন্নবা পান্দমশিং থমখি।

2024গী ওক্তোবর 2দগী 2024গী ওক্তোবর 31 ফাওবগী ইমপ্লিমেন্তেসন ফেজদা, মন্ত্রালয়না থৌরাং তৌরবা থবক থৌরমশিং পাংথোকপদা মীৎয়েং থমগনি। MSME মন্ত্রালয়না লৈবাক শীনবা থুংনা লৈরিবা মাগী দিভিজনশিং, স্তেচ্যুতোরি বোদীশিং, ওতোনোমস ওর্গনাইজেসনশিং অমসুং ফিল্দ ওফিসশিংদা মথৌ তাবা দাইরেক্তিবশিং থোকখ্রে। মসিনা ৱার্ক এনভাইর্নমেন্ত শেংদোক্নবা অমসুং সর্ভিস দেলিভরীবু স্ত্রীমলাইন তৌনবগীদমক পুন্না হোৎনমিন্নবা ঙম্লগনি।

কেম্পেন অসিগী শরুক অমা ওইনা, MSME মন্ত্রালয়না "স্পেসিএল কেম্পেন 4.0" অসি মায় পাক্নবা মরুওইবা খোঙথাং কয়া লৌখৎলে। মসিগী মনুংদা মখাদা পীরিবশিং অসি য়াওরি:

1. নোদেল ওফিসরশিং খনবা: কেম্পেনগী থবক থৌরমশিং কোওর্দিনেৎ অমসুং মোনিতর তৌনবা , ইমপ্লিমেন্ত তৌবদা অপনবা লৈতনবা অমসুং ইফেক্তিব ওইনবা ওফিসশিংদা নোদেল ওফিসরশিং খল্লকখ্রে।
2. মরুওইবা থবকশিং মায় পাক্না মশক খঙদোকপা: কেম্পেনগী পান্দমশিং অদু ফংনবগীদমক্তা তোঙান তোঙানবা শেম-শারিবা থবকশিং, খুদম ওইনা, ক্লিনলিনেস কেম্পেনগী মফমশিং মশক খঙদোকপা, ওফিসশিং ফজনা শেমগৎপা, অহেনবা পোৎলমশিং লৌথোকপা অমসুং পেন্দিং রেফরেন্সশিং য়েংশিনবা অসিনচিংবা থবকশিং পাংথোকখি।
3. এৱেরনেস ইনিসিএতিবশিং: এমপ্লোয়ীশিং অমসুং স্তেকহোল্দরশিংগী মরক্তা এৱেরনেস হেনগৎহন্নবা, কেম্পেন অসি প্রমোৎ তৌনবা উদ্যোগ ভবন অমসুং ফিল্দ ওফিসশিংদা বেনর অমসুং স্তেন্দশিং দিস্প্লে তৌখ্রে।
4. সোসিএল মীদিয়া প্লেতফোর্মশিংবু এক্তিব ওইনা শীজিন্নবা: কেম্পেন অসিগী মতাংদা ইনফোর্মেসন অসি সোসিএল মীদিয়া প্লেতফোর্মশিংগী খুত্থাংদা পাক শন্না খঙহন্নবা অমসুং শরুক য়াহন্নবা শন্দোক্লি।

MSME মন্ত্রালয়না মাগী মরী লৈনবা অমসুং লমদম অসিগী ওর্গনাইজেসনশিংগা খুৎশম্নদুনা, "স্পেসিএল কেম্পেন 4.0"গী মখাদা থম্লিবা পান্দমশিং ফংনবগীদমক লেপ্পা লৈতনা হোৎনরি। মসিনা খোঙথাং অসিবু মশক থোক্না মায় পাকপা অমা ওইহল্লে অমসুং স্বচ্ছতাবু ইন্সতিত্যুস্নেলাইজ তৌনবা অমসুং আগী ওপরেসনশিংদা পেন্দেন্সী হন্থহন্নবা মন্ত্রালয় অসিগী কত্থোকপা অদু অমুক হন্না ফোংদোক্লি।

******