প্রধান মন্ত্রী শ্রী নরেন্দ্র মোদীনা ঙসি ঝারখন্দগী হজারীবাগতগী মহাত্মা গান্ধীগী মপোক কুমওনগী থৌরমদা ধর্তী আবা জনজাতীয় গ্রাম উতকর্শ অভিয়ান (DAJGUA) হৌদোকখ্রে। স্কীম অসিগী অপুনবা শেনফম লুপা করোর 79,156 নি (সেন্ত্রেল শেয়র: লুপা করোর 56,333 অমসুং স্তেত শেয়র: লুপা করোর 22,823) । ঝারখন্দগী গবর্নর, শ্রী সন্তোশ গাংৱার; কেন্দ্রগী ত্রাইবেল এফিয়র্স মন্ত্রী, শ্রী জুয়েল ওরাম; কেন্দ্রগী নুপী অমসুং অঙাং চাউখৎ থৌরাংগী মন্ত্রী, শ্রীমতি অন্নপূর্না দেবী; কেন্দ্রগী ত্রাইবেল এফিয়র্সকী  রাজ্য মন্ত্রী, শ্রী দুর্গদাস উইকে; কেন্দ্রগী ঙাকশেল মন্ত্রী শ্রী সঞ্জয় সেথ; অমসুং কেন্দ্র অমসুং রাজ্য সরকারগী মকোক থোংবা ওফিসরশিংনা থৌরম অদুদা শরুক য়াখি।  (প্রেস রিলিজ: https://pib.gov.in/PressReleasePage.aspx?PRID=2061094)

অভিয়ান অসিনা রাজ্য/য়ু.তি. 30গী ত্রাইবেল মেজোরিতীগী খুঙ্গংশিং অমসুং এস্পিরেস্নেল ব্লোকশিংদা লৈরিবা জিলা 549 অমসুং ব্লোক 2,911দা লৈরিবা ত্রাইবেল মীওই করোর 5 হেন্না কান্নবা ফংলবা খুঙ্গং 63,843 রোম কভর তৌগনি। ধর্ত আবা জনজাতীয় গ্রাম উতকর্শ অভিয়াননা সোসিএল ইনফ্রাস্ত্রকচর, হকশেল, এজুকেসন, পুন্সি মহিংদা লৈরিবা ক্রিতিকেল গেপশিংগী সেচুরেসন ফংহন্নবা পান্দম থম্লি। মসি ভারত সরকারগী লাইন মিনিস্ত্রী 17না থবক পায়খৎলিবা থবক থৌরম 25গী খুত্থাংদা চৎনহনগনি।

স্কিম অসি সেপ্তেম্বর 18, 2024দা মন্ত্রীমন্দলনা অয়াবা পীখি (প্রেস রিলিজ: https://pib.gov.in/PressReleaseIframePage.aspx? PRID=2055995)। 2023গী নবেম্বর 15দা জনজাতী গৌরব দিবসকী থৌরমদা প্রধান মন্ত্রীনা হৌদোকখিবা পি.এম.-জনমনগী মহৈ অমসুং মাইপাকপগী মতুং ইন্না মসি থৌরাং তৌখ্রে। লুপা করোর 24,104 গী বজেৎ থাদদুনা, স্কিম অসিনা পার্তিক্যুলর্লী ভলনরেবল ত্রাইবেল গ্রুপ (PVTG) পোপুলেসন্দা মীৎয়েং থম্মি। হৌখিবা থা 10দা, লুপা করোর 10,000গী প্রোজেক্তশিং অয়াবা পীরদুনা, ইন্তরভেন্সন খুদিংমক্তা চাউনা খুমাং চাউশিল্লে। হন্দক্তা, 2024গী সেপ্তেম্বর 17দা, প্রধান মন্ত্রীনা পি.এম.-জনমনগী মখাদা শাবা লোইরবা য়ুম 40,000গী গ্রুহা প্রবেসকীদমক শোশিং খুৎশিন্নখি অমসুং ওরিশাগী ভুবনেশ্বরদা পাংথোকপা থৌরম অমদা বেনিফিসরী 50,000দা অহানবা ইন্সতোলমেন্ত পীখি। (স্কিম অসিগী কেবিনেৎ এপ্রুব তৌবগী প্রেস রিলিজ)

প্রধান মন্ত্রীনা একলব্য স্কুল 40 শঙ্গাখি অমসুং চাউরাক্না লুপা করোর 2,834গী শেনফমগা লোয়ননা অনৌবা EMRS. 25গী উরেপ উয়ুংসু তমখি। মহাক্না প্রধান মন্ত্রী জনজাতী অদিবাসী য়োজনা মহা অভিয়ান (পি.এম.-জনমন) গী মখাদা লুপা করোর 1,365 গী প্রোজেক্তশিং শঙ্গাখি অমসুং উরেপ উয়ুং তমখি। মসিদা কিলোমীতর 1387গী লম্বীশিং, অঙ্গনৱাদি 120, মল্তি পর্পজ সেন্তর 250 অমসুং স্কুল হোস্তেল 10 য়াওরি। মখোয়শিং অসি পি.এম.-জনমনগী মখাদা রুরেল দিবেলপমেন্ত, ৱুমেন অমসুং চাইল্দ দিবেলপমেন্ত, স্কুল এজুকেসন অমসুং লিতরেসী দিপার্তমেন্ত অমসুং ত্রাইবেল এফিয়র্স মন্ত্রালয়না পুন্না  শাবনি।

অনৌবা EMRS 40 শঙ্গাখিবগা লোয়ননা, অনৌবা স্কিম অসিগী EMRS পুন্না 74 শঙ্গাখ্রে। স্কিম অসি প্রধান মন্ত্রীগী মীৎয়েং শানবা লুচিং মখাদা 2018দা হৌদোকখিবনি। স্কিম অসিগী মখাদা, 50% নৎত্রগা মসিদগী হেনবা STগী মীশিং লৈবা ব্লোক খুদিংমক্তা অমসুং ত্রাইবেল মীওই 20,000 নৎত্রগা মসিদগী হেনবা মীওইশিংদা EMRC অমা লৈগনি, মসি নবোদয় বিদ্যলয়গা মান্নগনি। স্কুল 288 (2018গী মমাংদা) হান্ননা অয়াবা পীরবা অদুগা পুন্না স্কুল 728 লিংখৎকনি। EMRCকী শাবগী শেনফম অসি মথংশিৎনা লমদম অমসুং চীংগী লমশিংদা লুপা করোর 38 অমসুং লুপা করোর 48দা হেনগৎহনখ্রে। 2016কী মার্চ ফাওবদা সরকারনা স্কুল 728 খুদিংমক মথৌ তৌহন্নবা পান্দম থম্লি। মসিদা ত্রাইবেলগী মহৈরোয় লাখ ৩.৫রোমদা ক্বালিতী এজুকেসন ফংহল্লগনি। লুপা করোর 1000গী শেনফম স্কিম অসিগী মখাদা (2021-2026গীদমক) লুপা করোর 28919.72 গী এলোকেসন তৌখ্রে। তীচিং অমসুং নন-তীচিং স্তাফ 38,000 হেন্না তাঙ্কক নাইনা লৌশিনগনি। মসিগী মনুংদা তীচিং অমসুং নন-তীচিং স্তাফ 9000দি লৌশিনখ্রে। হৌখিবা চহি 10 অসিদা, মখাদা উৎলিবা অসিগুম্বা স্কুলশিং অসি মশিং য়াম্না হেনগৎলক্লি।

হৌখিবা চহি 5দা স্কুল 170 (2019-20দগী সেপ্তেম্বর 2024 ফাওবা) শাবা লোইশিনখ্রে অমসুং হৌজিক ফাওবদা স্কুল 240 হেন্না শাবা হৌরে। ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয়না স্কুল 328দা স্মার্ত ক্লাসশিং লিংখৎলি। মহৈরোয়শিং, স্কুলশিং, ওজাশিংগী দেতাবেজ অমা থম্নবা অমসুং কন্সত্রক্সন অমসুং ফাইনান্সিএল প্রোগ্রেস য়েংশিন্নবা EMRS MIS পোর্তেল শেমখ্রে।

(ইভেন্তকী ভিদিও লিঙ্ক: https://www.youtube.com/live/ZNl8CdHPthk?feature=shared)

*****