சிறப்பு இயக்கம் 4.0-ன் கீழ், தொழிலாளர் மற்றும் வேலைவாய்ப்பு அமைச்சகம், நாடாளுமன்ற உறுப்பினர்களின் குறிப்புகள், மாநில அரசு விசாரணைகள், அமைச்சகங்களுக்கு இடையிலான தகவல் தொடர்புகள், நாடாளுமன்ற உத்தரவாதங்கள், பிரதமர் அலுவலக குறிப்புகள் மற்றும் பொதுமக்கள் குறைகள் உள்ளிட்ட நிலுவையில் உள்ள விஷயங்களை, அவர்களின் முறையீடுகளுடன் நிவர்த்தி செய்வதற்கான இலக்குகளை நிறுவியுள்ளது. இணக்க சுமைகளைக் குறைப்பதற்கும், குடிமக்களின் வாழ்க்கைத் தரத்தை மேம்படுத்துவதற்கும், தற்போதுள்ள விதிகள் மற்றும் நடைமுறைகளை மதிப்பாய்வு செய்வதற்கும், அமைச்சகம் உறுதிபூண்டுள்ளது. இது தவிர, அதன் அலுவலகங்களில் ஒட்டுமொத்த தூய்மையை மேம்படுத்துவதை நோக்கமாகக் கொண்டுள்ளது. குறிப்பாக, விண்வெளி மேலாண்மையில் கவனம் செலுத்துவதுடன், சார்பு /  இணைக்கப்பட்ட அலுவலகங்கள் மற்றும் தன்னாட்சி அமைப்புகளில் பணி அனுபவத்தை மேம்படுத்துகிறது.

இயக்கத்தின் ஆயத்த கட்டம் (16 செப்டம்பர், 2024 முதல் 30 செப்டம்பர், 2024 வரை) நிலுவையில் உள்ள வழக்குகளுக்கு தீர்வு காணுதல், தற்போதுள்ள விதிகளை மறுஆய்வு செய்தல், நிலுவையில் உள்ள விஷயங்களை அகற்றுதல் மற்றும் தூய்மை ஆகியவற்றிற்கான இலக்குகளை, அமைச்சகம் நிர்ணயித்ததன் மூலம் முடிவடைந்தது. சில முக்கிய இலக்குகள் பின்வருமாறு

இந்த லட்சிய முயற்சி குறிப்பிடத்தக்க முடிவுகளை வழங்கும் என்று எதிர்பார்க்கப்படுகிறது. ஆயத்த கட்டத்தின் போது, அனைத்து அதிகாரிகளும்,  இந்த இயக்கத்தின் போது நிர்ணயிக்கப்பட்ட இலக்குகளை அடைய, தங்கள் முழு முயற்சிகளையும் அர்ப்பணிக்குமாறு வலியுறுத்தப்பட்டுள்ளனர். அக்டோபர் 2 முதல் அக்டோபர் 31, 2024 வரை மேற்கொள்ளப்படும் செயல்படுத்தல் கட்டத்தின் போது, நிறுவப்பட்ட இலக்குகளை அடைய, அனைத்து முக்கியமான முயற்சிகளையும் மேற்கொள்ள அமைச்சகம் உறுதிபூண்டுள்ளது.

2 லட்சத்துக்கும் மேற்பட்ட கோப்புகள் மதிப்பாய்வு செய்யப்பட உள்ளன

நாடு முழுவதும் 1600-க்கும் மேற்பட்ட இடங்கள் சுத்தம் செய்யப்பட்டு, கழிவுகள் மற்றும் தேவையற்ற பொருட்களை அப்புறப்படுத்துவதன் மூலம், 1 லட்சம் சதுர அடிக்கும் அதிகமான இடத்தை உருவாக்க வேண்டும்.

பழைய கழிவுகள் மற்றும் தேவையற்ற பொருட்களை அப்புறப்படுத்துவதன் மூலம், 35 லட்சம் ரூபாய்க்கு மேல் வருவாய் ஈட்டப்படும்

----

MM/KPG/KV/DL