নহারোল অমসুং শান্ন-খোৎনবগী মন্ত্রালয়
দা. মন্সুখ মান্দবিয়ানা মহাত্মা গান্ধী জয়ন্তি নুমিত্তা গুজরাতকী পোর্বন্দরদা লৈবাক পুম্বগী কোস্তেল অমসুং শমুদ্র খোঙবাল লু নান্না থম্নবগী দ্রাইবতা লুচিংগনি
মাই ভারতকী নহা ভোলুন্তীয়র ১,০০,০০০ হেনবনা ওক্তোবর ২দা ভারতকী কোস্তলাইনদা লৈবা মফম ১,০০০ দগী অমুক্তং শীজিন্নরগা লোইবা প্লাস্তিক শেংদোক্কনি
স্বচ্ছতা হি সেবা কেম্পেনগী শরুক অমা ওইনা, মাই ভারত নহা ভোলুন্তীয়র মিলিয়ন ৫.৬ হেনবনা ভারতকী মফম কয়াদগী অমোৎপা কিলোগ্রাম মিলিয়ন কয়া শেংদোকখি
Posted On:
01 OCT 2024 3:05PM by PIB Imphal
হয়েং মহাত্মা গান্ধী জয়ন্তিগী থৌরমদা গুজরাতকী পোর্বন্দরগী পুৱারী ওইহৌরবা শহর অসিদগী মাই ভারতনা শীনবা লৈবাক পুম্বগী কোস্তেল অমসুং বিচ লু নান্না থম্নবগী দ্রাইবতা য়ুথ এফিয়র্স অমসুং স্পোর্তস অমসুং লেবর অমসুং ইমপ্লোইমেন্তকী কেন্দ্রগী মন্ত্রী দা. মন্সুখ মান্দবিয়ানা লুচিংগনি। অসিগুম্বা অখন্নবা দ্রাইব অসিনা ভারতকী শমুদ্র খোঙবাল অমসুং কোস্তেল ওইবা মফমশিংদগী অমুক্তং শীজিন্নরগা লোইবা প্লাস্তিকশিং লৌথোক্নবা পান্দম থমদুনা "স্বভাব স্বচ্ছতা – সন্সকার স্বচ্ছতা"গী থিমগী মখাদা সেপ্তেম্বর ১৭ দগী ওক্তোবর ২, ২০২৪ ফাওবা চত্থরক্লিবা "স্বচ্ছতা হি সেবা" কেম্পেনগী শরুক পাকথোক চাউথোকহনগনি।
নহাশিংনা অকোইবগী থবক পায়খৎনবা হোৎনবদা থৌদাং চাউনা লৌবীরিবা দা. মান্দবিয়ানা মহাত্মা গান্ধীগী পোক্নফম লমদম ওইদুনা পুৱারীদা মরুওইবা মফম অমা কল্লিবা পোর্বন্দরদা শেংদোকপগী থবক হৌদোক্কনি। কেন্দ্রগী মন্ত্রী অসিনা শরুক য়াবনা তুং কোইনা চৎপা অকোইবগী থবকশিং পায়খৎনবা হোৎনরি হায়বসি তাক্লে অমসুং দ্রাইবা অসিনা তরু তনানবা অমসুং সিঙ্গল য়ুজ প্লাস্তিক লৈত্রবা ভারত অমা ওইহন্নবা হোৎনবগা তুননা চৎলি।
মাই ভারতনা দিপার্ত্মেন্ত ওব য়ূথ এফিয়র্সকী মখাদা চহি অসিগী স্বচ্ছতা হি সেবা কেম্পেন্দা চাউনা থৌদাং লৌদুনা নহাশিংবু লু নানবা অমসুং অকোইবগী ফিভম শেংনা থম্নবা হোৎনবদা শরুক য়াহন্নবা পুক্নিং থৌগৎলি। কেম্পেন অসিনা মাই ভারত নহা ভোলুন্তীয়রশিংনা চাউনা কোস্তেলগী মফমশিং শেংদোকপগী থবক্তা লুচিংলদুনা ওক্তোবর ২, ২০২৪গী স্বচ্ছ ভারত দিবস পায়খৎকনি।
দ্রাইব অসিনা পাক চাউরবা ভারতকী কিলোমিতর ৭৫০০কী কোস্তলাইন্দা লৈবা মফম ১,০০০ দা পান্দম থমদুনা সিঙ্গল য়ুজ প্লাস্তিক খোমগৎপা, খাইদোক্নবা অমসুং মাংহনবদা মীৎয়েং থমগনি। মাই ভারত ভোলুন্তীয়র ১,০০,০০০ হেনবনা লৈবাক পুম্বদা পায়খৎলিবা শমুদ্র খোঙবাল শেংবগী থবক অসিদা শরুক য়াদুনা তুং কোইনা চৎপা অকোইবগী ফিভম অমা শেমগৎনবা হোৎনবদা অপুনবগী শক্তি উৎকনি।
কেন্দ্রগী মন্ত্রীনা কোস্তেল জিলা খুদিংমক্তা লৈবা এম.পি.শিংদা স্বচ্ছতা হি সেবা কেম্পেন্দা শরুক য়াবীনবা পুক্নিং চিংশিন্দুনা চিথি ইগনি।
চহি অসিগী স্বচ্ছতা হি সেবা কেম্পেন অসি চাউনা মায় পাকপা ঙম্লে হায়বসি মাই ভারত নহা ভোলুন্তীয়র মিলিয়ন ৫.৬ হেনবনা সেপ্তেম্বর ৩০, ২০২৪ ফাওবদা লৈবাক অসিগী মফম কয়াদগী ফত্তবা কিলোগ্রাম মিলিয়ন কয়া লৌথোক্তুনা ময়েক লানা উবা ফংলে। শেংদোকপগী থবক অসি খুঙ্গং লাখ ১ হেনবদা, কম্ম্যুনিতী সেন্তর ১৫০০০+, অম্ররতি সরোভর ৯৫০১ অমসুং পুৱারীগা শাগোন্নবা অমসুং মীয়ামগী মফম কয়াদা পাঙথোকখি।
অসিগুম্বা অচৌবা থৌরাং অসিনা নহাশিংনা স্বচ্ছ ভারত মিসন্দা কত্থোকপগী মশক উবা ফংলদুনা তুংগী মীরোনগী শক্তি অদু উবা ফংলে। কোস্তেলগী মফমশিং শেংদোকপগী থবক সইনা লু নানবা ভারত অমা হায়বসি মহাত্মা গান্ধীনা মঙজরম্বা অপুনবগী থৌরাংদগী হৌই হায়বসি তাক্লে।
***************
(Release ID: 2060695)
Visitor Counter : 5