কেন্দ্রগী পোর্তস, শিপ্পিং অমসুং ৱাতরৱেজ (MoPSW)কী মন্ত্রী, শ্রী সর্বানন্দা সোনোৱালনা মুম্বাই পোর্ত্তগী ‘ক্রুজ ভারত মিসন’ হৌদোকখ্রে। লৈবাক অসিদা ক্রুজ তুরিজমগী লৈরিবা মতিক অদুবু ফুদোক্নবগী পান্দমদা, পোর্তস, শিপ্পিং অমসুং ৱাতরৱেজ মন্ত্রালয়গী প্রোগ্রাম অসিনা ২০২৯ ফাওবদা, চহি মঙাগী মনুংদা ক্রুজ পেসেঞ্জর ত্রাফিক শরুক অনি থোক্না হেনগৎহন্দুনা লৈবাক অসিগী ক্রুজ তুরিজম ইন্দস্ত্রীবু চাউখৎহন্নবগী পান্দম থম্লি হায়না শ্রী সোনোৱালনা হায়খি। MoPSWগী কেন্দ্রগি রাজ্য মন্ত্রী, শ্রী শান্তনু থাকুরশু মসিগী পুৱারি ওইরবা থৌরম অসিদা সোনোৱালগা লোইননা শরুক য়াখি।

শ্রী সর্বানন্দা সোনোৱালনা ঙসি মফম অসিদা ক্রুজ শিপ ‘এমপ্রেস’তা তোংদুনা মিসন অসিবু হৌদোকখি। মসিগী অনৌবা থৌরাং অসিনা ভারতপু ক্রুজ তুরিজমগীদমক্তা গ্লোবল হব ওইহন্নবগী ভিজন অমসুং লৈবাক অসিবু মালেম অসিগী মকোক থোংবা ক্রুজ দেস্তিনেশন অমা ওইনা ওইহন্নবগী পান্দম থম্লি। ক্রুজ ইন্দিয়া মিসন অসি তাঙ্কক অহুম থোক্না পাইখৎলগনি, ২০২৪গী ওক্তোবর ১দগী হৌরগা ২০২৯গী ৩১ মার্চ ফাওবা পাংথোক্লগনি। অহানবা তাঙ্কক (০১.১০.২০২৪-৩০.০৯.২০২৫) অসিনা স্তদীশিং পাংথোকপা, মাস্তর প্লানিং তৌবা অমসুং য়ুমথংনবা লৈবাকশিংগা ক্রুজ এলাইন্স শেম্বদা অখন্নবা মিৎয়েং থমগনি। মসিনা ক্রুজ সর্ক্যুইৎশিংগী মতিক অদুবু হেনগৎহন্নবা লৈরিবা ক্রুজ তর্মিনেলশিং, মেরিনাশিং অমসুং দেসইনেশনশিংবুশু মোদর্নাইজ তৌরগনি। অনিশুবা তাঙ্কক (০১.১০.২০২৫-৩১.০৩.২০২৭)না পোতেন্সিয়েল ৱাংবা ক্রুজ লোকেশনশিং অমসুং সর্ক্যুইৎশিং এক্তিবেত তৌনবা অনৌবা ক্রুজ তর্মিনেলশিং, মেরিনাশিং অমসুং দেস্তিনেশনশিং শেমগৎপদা অখন্নবা মিংৎয়েং থম্লগনি। অহুমশুবা তাঙ্কক (০১.০৪.২০২৭-৩১.০৩.২০২৯)না ইন্দিয়ন সবকন্তিনেন্ত শিনথুংনা ক্রুজ সর্ক্যুৎশিং পুম্নমক পুনশিনবদা অখন্নবা মিৎয়েং থমদুনা ক্রুজ তর্মিনেলশিং, মেরিনাশিং অমসুং দেস্তিনেশনশিং লেপ্তনা শেমগত্তুনা ক্রুজ ইকোসিস্তেম মপুং ফাবা অদু ওইগনি।

তাঙ্ককশিং অদুদা মরু ওইবা পর্ফোর্মেন্সশিংগী থম্লিবা তার্গেতশিং অদুদা সী ক্রুজ পেসেঞ্জরশিংগী মশিং অদু অহানবা তাঙ্কক্তা মিলিয়ন ০.৫ ওইবদগী ৩শুবা তাঙ্কক ফাওবদা মিলিয়ন ১দা হেনগৎহনবা, লোইন-লোইননা মসিগা চপ মান্ননা সী ক্রুজ কোলশিংদা ১২৫তগী ৫০০তা হেনগৎহনবা অসিশু য়াওরি। রিভর ক্রুজ পেসেঞ্জরশিংগী মশিং অদু অহানবা তাঙ্কক্তা মিলিয়ন ০.৫ ওইরম্বদগী ৩শুবা তাঙ্কক্তা মিলিয়ন ১.৫তা হেনগৎলকপা। ইন্তর্নেস্নেল ক্রুজ তর্মিনেলশিংগী মশিং অদু অহানবা তাঙ্কক্তা ২ ওইরম্বদগী ৩শুবা তাঙ্কক ফাওবদা ১০দা চাউথোরকপা, লোইননা রিভর ক্রুজ তর্মিনেলশিং অদু ৫০দগী ১০০দা এনগৎলকপা। অসিগা চপ মান্ননা, মেরিনাশিং অদু ১দগী ৫দা হেনগৎলকপা, অমসুং অরোইবা তাঙ্কক ফাওবদা থবক ফংহনবগী মশিংশু মিলিয়ন ০.১দগী মিলিয়ন ০.৪দা হেনগৎলগনি।

থৌরম অদুদা ৱা ঙাংলদুনা, কেন্দ্রগী মন্ত্রী, শ্রী সর্বানন্দা সোনোৱালনা হায়খি, “মসিগী ‘ক্রুজ ভারত মিসন’ অসি ভারতকী ক্রুজ সেক্তরবু অমুক হন্না হিংগৎহন্নবগী য়াম্না মরু ওইবা তাঙ্কক অমনি। ইকাইখুম্নরবা প্রধান মন্ত্রী, শ্রী নরেন্দ্র মোদী জীগী তুংগীদমক্তা শান্না উবা ঙম্বা লুচিং মখাদা, সরকার অসিনা ভারতকী ব্লু ইকোনোমীগী লৈরিবা পোতেন্সিয়েল অদুবু শিজিন্নবা অচেৎপা ফিরেপ লৌরি। ঐখোয়গী লৈবাক অসিদা লৈরিবা ক্রুজকী পোতেন্সিয়েল অসিবু মতম কুইনা শিজিন্নদনা, থিজিন্দনা অদুমক লাকখি। মসিগী ভিজনরী ওইবা মিসন অসিনা ঐখোয়গী মেরিতাইম লেন্দস্কেপ অসিদা অহোনবা অমা পুরক্নবা অমসুং ক্রুজ তুরিজমগী খুত্থাংদা ভারতকী পাক-চাউরবা সমুদ্র খোংবান অমসুং ৱাতরৱেজশিংগী লৈরিবা পোতেন্সিয়েল অদুবু শিজিন্ননবা পান্দম থম্লি। ইনফ্রাস্ত্রকচর দেবেলপেমন্তকী মরু ওইবা য়ুম্বিশিং অদুদা য়ুমফম ওইরগা, তুরিস্তশিংগী ক্রুজ এক্সপরিয়েন্স হেনগৎহনবা অমসুং রিসোর্সশিংগি সস্তেনেবিলিতী হেনগৎহল্লগনি, তাঙ্কক অহুমগী মিসন অসিনা মালেমগী থাক্তআ লৈবা ইনফ্রাস্ত্রকচর শেমগৎলগনি অমসুং ক্রুজ তুরিজম অমসুং মেরিতাইম ত্রেদতা শাহৌ লাকহল্লগনি।”

মিসন অসিনা এম্বার্কেশন, দিসেম্বার্কেশন অমসুং দেস্তিনেশন ভিজিৎশিংগীদমক্তা অপনবা লৈতবা য়াম্না নুংঙাইবা এক্সপরিয়েন্স অমা পীনবা তেক্নোলোজীগী মতেংলৌদুনা মালেমগী থাক্তা লৈবা ইনফ্রাস্ত্রকচর অমসুং দেস্তিনেশনশিং শেম্নবগী মাইকৈদা লেপ্তনা থবক তৌনবগী পান্দম থম্লি। মসিনা ভারতকী সবকন্তিনেন্ত অসিগী কলচরেল, হিস্তোরিকেল, অমসুং নেচরেল সর্ক্যুইৎশিং প্রোমোত তৌরগনি, মসিনা পোর্তশিং, ক্রুজ লাইনশিং, ভেসেল ওপরেতরশিং, তুর ওপরেতরশিং, সর্বিস প্রোভাইদরশিং অমসুং লোকেল কম্যুনিতীশিংয়াওনা স্তেকহোল্দরশিংগীদমক্তা ইনক্লুসিব ওইবা অমসুং এক্বিতেবল গ্রোথ পুরক্লগনি। মসিগী মথক্তা, মিসন অসিনা রেগুলেতরী এজেন্সীশিং খুদম ওইনা কস্তমশিং, ইমিগ্রেশন, CISF, স্তেত তুরিজম দিপার্তমেন্তশিং, স্তেত মেরিতাইম এজেন্সীশিং, দিস্ত্রিক্ত এদমিনিস্ত্রেশনশিং অমসুং লোকেল পুলিসনচিংবা পুম্নমক্না মসিদা য়াম্না মরু ওইবা মওংদা শরুক য়াবা ঙমহল্লগনি।

“প্রধান মন্ত্রী, শ্রী নরেন্দ্র মোদী জীগী ভিজনরী ওইবা লুচিং মখাদা, সরকার অসিনা পাইখৎখিবা থবক-থৌরমশিং অদুনা মরম ওইরগা ২০১৪দগী ক্রুজ পেসঞ্জরশিংগী মশিংদা ৪০০% হেনগৎলকপা থেংনখি। ‘ক্রুজ ভারত মিসন’ অসিনা মসিদা মখাতানা শেমগৎলগনি মরমদি মসিনা ক্রুজ কোলশিংগী ভোল্যুমদা ২০৪দা ২৫৪ ওইবদগী ২০৩০ ফাওবদা ৫০০দা  অমসুং ২০৪৭ ফাওবদা ১,১০০দা হেনগৎহন্নবগী পান্দম থম্লি। ঐখোয়না পেসেঞ্জরশিং মশিং অদু ২০২৪দা লাখ ৪.৬ ওইবদগী ২০৪৭ ফাওবদা মিলিয়ন ৫দা য়ৌরগনি হায়না আশা তৌরি। মিসন অসিনা মতম অসিগী মনুংদা ক্রুজ সেক্তরদা থবক লাখ ৪ ফংহন্নবা পান্দম থম্লি,” হায়না সর্বানন্দা সোনোৱালনা মখা তারকখি।

ক্রুজ ইন্দিয়া মিসন অসিনা মরু ওইবা সেগমেন্ত অহুম তার্গেত তৌরি। অহানবদা, ওসীন অমসুং হার্বর ক্রুজ সেগমেন্ত অসিনা ওসীন ক্রুজশিং পুম্নমক য়াওগনি, দীপ-সী অমসুং কোস্তেল ক্রুজশিং য়াওনা, লোইন-লোইননা আর্বর-বেজদ জাক্তিং অমসুং সেলিং ক্রুজ য়াওগনি। অনিশুবদা, রিভর অমসুং ইনলেন্দ ক্রুজ সেগমেন্ত অসিনা কেনেলশিং, বেকৱাতরশিং, ক্রিকশিং অমসুং লেকশিংদা রিভর অমসুং ইনলেন্দ ক্রুজশিংদা অখন্নবা মিৎয়েং থমগনি। অরোইবদা, আইলেন্দ ক্রুজ সেগমেন্ত অসিনা ইন্তর-আইলেন্দ ক্রুজশিং, লাইতহাউস তুরশিং, লিব=আবোর্দ এক্সপরিয়েন্সশিং, এক্সপিদিশন ক্রুজ অমসুং ময়াম্না কা-হেন্না খঙনদবা দেস্তিনেশনশিংদা বুতিক ক্রুজশিং য়াওগনি।

থৌরম অদুদা ৱা ঙাংলদুনা, কেন্দ্রগী MoPSWগী রাজ্য মন্ত্রী, শ্রী শান্তনু থাকুরনা হায়খি, “ইকাইখুম্নরবা প্রধান মন্ত্রী, শ্রী নরেন্দ্র মোদী জীগি ভিজনরী ওইবা লুচিং মখাদা, মসিগী মিসণ অসিনা ভারতপু ক্রুজ তুরিজমগীদমক্তা মালেমগী থাক্তা লৈবা হব ওইনা ওন্থোক্নবা সরকারগি ফিরেপ অদুবু ময়েক শেংনা উৎলি। মিসন অসিনা সস্তেনেবল অমসুং ভাইব্রেন্ত ওইবা ইকোসিস্তেম অমা শেম্নবগী পান্দম থম্লি, মসিনা ক্রুজ ওপরেতরশিং, তুরিস্তশিং অমসুং কম্যুনিতীশিংগীদমক্তা য়াম্না কান্নবা পীরগনি। মসিগী ভিজনরী ওইবা মিসন অসিনা ভারতকী মেরিতাইম সেক্তরবু হেন্না মপাঙ্গল কনখৎহল্লগনি, লোইননা মসিনা তুরিজম অমসুং ব্লু ইকোনোমীগী কান্নবা লৌনবা অনৌবা মাইকৈ কয়া অমা হাংদোক্লগনি।”

মিসন অসিনা মরু ওইবা পিলর মঙাদা মরু ওইবা থৌরাংশিং মশক খঙদোক্লে। সস্তেনেবল ইনফ্রাস্ত্রকচর অমসুং কেপিতল পিলরনা ইনফ্রাস্ত্রকচর গেপশিং অদুবু য়েংশিল্লি, মখোয়না দিজিতেলাইজেশন (ফেসিয়েল রিকোগ্নিশন) অমসুং দিকার্বোনাইজেশন (খুদম ওইনা শোর পাৱর)গা লোইন-লোইননা মালেমগী থাক্তা লৈবা তর্মিনেলশিং, মেরিনাশিং, ৱাতর এরোদ্রোমশিং অমসুং হেলিপোর্তশিং শেমগৎপদা অকন্নবা মিৎয়েং থম্লি। মসিদা নেস্নেল ক্রুজ ইনফ্রাস্ত্রকচর মাস্তরপ্লান ২০৪৭, ইন্দিয় পোর্তস এসোসিয়েশন (IPA)গী মখাদা ক্রুজতা অখন্নবা মিৎয়েং থম্বা SPV, অমসুং ক্রুজ দেবেলপমেন্ত ফন্দ অমা থম্বা। তেক্নোলোজী শিজিন্নবা পিলরশিং য়াওনা ওপরেশনশিং অদুনা ওপরেশনশিং অদুবু স্ত্রীমলাইন তৌনবা পান্দম থম্লি, মসিনা দিজিতেল সোল্যুশনশিং খুদম ওইনা ই-কলইয়রেন্স সিস্তেমশিং অমসুং ই-ভিজা ফেসিলিতীশিংদা অকন্নবা মিৎয়েং থমদুনা এম্বার্কেশন, দিসেম্বার্কেশন অমসুং দেস্তিনেশন ভিজিৎশিংদা অথিংবা-অপনবা লৈতনা য়াম্না কোম্না পাংথোকপা ঙমহল্লগনি। 

ক্রুজ প্রোমোশন অমসুং সর্ক্যুইৎ ইন্তিগ্রেশন পিলরনা ইন্তর্নেস্নেল মার্কেতিং অমসুং ইনভেস্তমেন্ত প্রোমোশনদা অখন্নবা মিৎয়েং থমগনি, মসিদা ক্রুজ সর্ক্যুইৎশিং লিঙ্ক তৌবা, “ক্রুজ ইন্দিয়া সম্মিত”গুম্বা থৌরমশিং পাংথোকপা অমসুং য়ুমথংনবা লৈবাকশিংগা এলায়েন্স শেম্বনচিংবশিং অসি য়াওগনি। রেগুলেতরী, ফিস্কেল অমসুং ফাইনান্সিয়েল পোলিসী পিলর অসি তেক্স সেনারিয়োশিং, ক্রুজ রেগুলেশনশিং অমসুং নেস্নেল ক্রুজ তুরিজম পোলিসী হৌদোকপা হায়রিবশিং অসিদা অকন্নবা মিৎয়েং থমদুনা মসিগীদমক্তা মতিক চাবা ফিস্কেল অমসুং ফাইনান্সিয়েল পোলিসীশিং শেম্বদা অখন্নবা মিৎয়েং থম্লি। অরোইবদা, কেপাসিতী বিল্দি অমসুং ইকোনোমিক রিসর্চ পিলরনা স্কিল দেবেলপমেন্ত, ক্রুজকা মরি লৈনবা ইকোনোমিক রিসর্চকীদমক্তা সেন্তর ওফ এক্সেলেন্স অমা শেম্বা অমসুং ক্রুজ ইন্দস্ত্রীদা নহাশিংগী থবক তৌবা হেনগৎহন্নবা নেস্নেল ওকুপেস্নেল স্তেন্দার্দশিং ফোর্মুলেত তৌবা হায়রিবশিং অসিনচিংবদা অখন্নবা মিৎয়েং থম্লি।

ক্রুজ ভারত মিসন অসিনা ভারতকী ক্রুজ তুরিজম সেক্তরবু পুখৎপদা নত্তনা লাক্কদবা মীরোলশিংগীদমক্তা তুং-কোইনগী ওইবা খুদোংচাবশিং পীরগনি।

থৌরম অসিদা ক্রুজ ইন্দস্ত্রীদগী মরু ওইবা লুচিংবশিং, মিং ওইনা পল্লবদা, মহারাস্ত্রাগী মহারাস্ত্র লেজিস্লেতিব এসেমব্লীগি স্পীকর, রাহুল নার্ভেকর, ভারত সরকারগী পোর্তস, শিপ্পিং অমসুং ৱাতরৱেজকী সেক্রেতরী, তি.কে. রামচন্দ্রন; অমসুং কোর্দেলিয়া ক্রুজেসকী CEO জুর্গেন বাইলোম, লোইননআ অতোপ্পা দিগ্নিতরীশিং, সরকারগি ওফিসিয়েলশিং অমসুং স্তেকহোল্দরশিংনা শরুক য়াখি।

*****