مرکزی حکومت نے نیشنل ڈیزاسٹر ریسپانس فنڈ (این ڈی آر ایف) سے پیشگی کے طور پر گجرات کو 600 کروڑ روپے، ریاستی ڈیزاسٹر رسپانس فنڈ (ایس ڈی آر ایف ) سے منی پور کو 50 کروڑ اور تریپورہ کو 25 کروڑ روپے جاری کرنے کی منظوری دی ہے۔ یہ ریاستیں اس سال جنوب مغربی مانسون کے دوران انتہائی شدید بارشوں، سیلاب اور لینڈ سلائیڈنگ کی وجہ سے متاثر ہوئی ہیں۔

وزیر اعظم جناب نریندر مودی کی قیادت اور مرکزی وزیر داخلہ جناب امت شاہ کی رہنمائی میں مرکزی حکومت سیلاب سے متاثرہ ریاستوں کو ہر ممکن مدد فراہم کرنے کے لیے پوری طرح پابند عہد ہے۔

اس سال کے دوران آسام، میزورم، کیرالہ، تریپورہ، ناگالینڈ، گجرات، آندھرا پردیش، تلنگانہ اور منی پور کی ریاستیں انتہائی شدید بارشوں، سیلاب اور لینڈ سلائیڈنگ سے متاثر ہوئیں۔ ان تمام متاثرہ ریاستوں میں بین وزارتی مرکزی ٹیمیں (آئی ایم سی ٹی) تعینات کی گئی ہیں تاکہ نقصانات کا موقع پر ہی اندازہ لگایا جا سکے۔ باقی ریاستوں کو اضافی مالی امداد کا فیصلہ آئی ایم سی ٹی رپورٹس کی وصولی کے بعد کیا جائے گا۔

مزید برآں، حال ہی میں بہار اور مغربی بنگال کی ریاستیں بھی سیلاب سے متاثر ہوئی ہیں اور جلد ہی ان ریاستوں کوبین وزارتی مرکزی ٹیم ( آئی ایم سی ٹی)  بھیجے جائیں گے تاکہ نقصان کا موقع پر اندازہ لگایا جاسکے۔

اس سال کے دوران  حکومت ہند نے ایس ڈی آر ایف  سے 21 ریاستوں کو 9044.80 کروڑ، روپے۔ این ڈی آر ایف  سے 15 ریاستوں کو 4528.66 کروڑ اور روپے۔ ریاستی محکمہ  آفات کی رعایتی فنڈ (ایس ڈی ایم ایف ) سے 11 ریاستوں کو 1385.45 کروڑ روپے کی رقم جاری کی ہے۔  مالی امداد کے علاوہ، مرکزی حکومت نے تمام لاجسٹک امداد فراہم کی ہے، جس میں تمام سیلاب سے متاثرہ ریاستوں کو این ڈی آر ایف کی مطلوبہ ٹیموں، آرمی ٹیموں اور فضائیہ کی مدد کی تعیناتی شامل ہے۔

*****

ش ح ۔  ف خ

U.No: 672