স্তেৎ দিজাস্তর রেন্সপোন্স ফন্দ(এস দি আর এফ)গী কেন্দ্রগী শরুক ওইনা অমসুং নেসনেল দিজাস্তর রেন্সপোন্স ফন্দ(এন দি আর এফ)গী এদভান্স অমা ওইনা, ঈশিং ইচাউগী অৱাবা মায়োক্নখ্রবা গুজরাত্তা লুপা করোর ৬০০, মনিপুরদা লুপা করোর ৫০ অমসুং ত্রিপুরাদা লুপা করোর ২৫ পীবদা কেন্দ্র সরকারনা অয়াবা পীখ্রে। চহি অসিগী কুমগী নোংচুবা মনুংদা অকনবা নোং চুবা, ঈশিং ইচাউ অমসুং লৈবাক নিংখায়বদগী হায়রিবা রাজ্যশিং অসি অৱাবা মায়োক্নখ্রবনি।

প্রধান মন্ত্রী শ্রী নরেন্দ্র মোদীগী লমজিং মখাদা অমসুং য়ুনিয়ন হোম মিনিস্তর শ্রী অমিত সাহগী পাউতাক মখাদা, ঈশিং ইচাউনা শোকহল্লবা রাজ্যশিংদা পাংবা য়াবা মতেং পীনবা কেন্দ্র সরকারনা মপুংফানা থাজবা পীরে।

চহি অসিদা অসাম, মিজোরম, কেরলা, ত্রিপুরা, নাগালেন্দ, গুজরাত, অন্ধ্র প্রদেস, তেলঙ্গানা অমসুং মনিপুর অকনবা নোং চুবা, ঈশিং ইচাউ অমসুং লৈবাক নিংখায়বদগী শোকহনখ্রে। অমাং-অতা থোকখ্রবা রাজ্যশিংদা চৎতুনা য়েংশিন্নবা অৱাবা তারবা রাজ্যশিংদা ইন্তর-মিনিস্তরিয়েল সেন্ত্রেল তিম(আই এম সি তি) থারে। ইন্তর-মিনিস্তরিয়েল সেন্ত্রেল তিমগী রিপোর্তশিং ফংলবা মতুংদা লেমহৌরিবা রাজ্যশিংদা অহেনবা শেন্থং পীবগী মতাংদা ৱারেপ লৌগনি।

মখা তানা, হন্দক ঈশিং ইচাউনা শোকহনখ্রবা বিহার অমসুং নোংচুপ বেঙ্গল রাজ্যশিংগী অমাং-অতাগী ফিবমশিং য়েংশিন্নবা অথুবা মতমদা ইন্তর-মিনিস্তরিয়েল সেন্ত্রেল তিমশিং থারগনি।

চহি অসিদা, ভারত সরকারনা রাজ্য ২১ দা এস.দি.আর.এফতগী লুপা করোর ৯০৪৪.৮০, রাজ্য ১৫ দা এন.দি.আআর.এফতগী লুপা করোর ৪৫২৮.৬৬ অমসুং স্তেৎ দিজাস্তর মিতিগেসন ফন্দ(এস দি এম এফ)দগী রাজ্য ১১ দা লুপা করোর ১৩৮৫.৪৫ পীখ্রে। শেন্থংগী মথক্তা, কেন্দ্র সরকারনা ইচাউনা শোকহল্লবা রাজ্যশিংদা এন.দি.আর.এফ তিমশিং, লান্মী তিমশিং অমসুং এয়রফোর্স থম্বা য়াওনা মতেং কয়া পীরে।

*****