তেলিকোম রিগুলেতর ওথোরিতী ওব ইন্দিয়া (ত্রাই)না ঙসি "প্রাইভেত রেদিও ব্রোদকাস্তরশিংগী দিজিতেল রেদিও ব্রোদকাস্ত পোলিসী অমা শেম্নবা" কন্সলতেসন পেপর (সিপি) ফোংখ্রে।

হৌজিক্কী ওইনা ভারতকী এনালোগ তেরেস্ত্রিএল রেদিও ব্রোদকাস্ত অসি মীদিয়ম ৱেব (MW) (526–1606 KHz), শোর্ত ৱেব (SW) (6–22 MHz), অমসুং VHF-II (88–108 MHz) স্পেক্ত্রম বেন্দশিং অসিদা থারি। VHF-II বেন্দ অসি ফ্রিক্বেন্সী মোদুলেসন (FM) তেক্নোলোজীনা মরম ওইদুনা মীয়াম্না FM বেন্দ হায়না হেন্না খঙনৈ। ওল ইন্দিয়া রেদিও (AIR) – পব্লিক সর্ভিস ব্রোদকাস্তর- অসিনা MW, SW অমসুং FM বেন্দদা রেদিও শন্দোক্তুং তাহল্লি। প্রাইবেত সেক্তর রেদিও শন্দোকপশিং অসি FM ফ্রিক্বেন্সী বেন্দ (88-108 MHz) খক্তদা থৌরমশিং শন্দোক্লি।

দিজিতেল রেদিও ব্রোদকাস্তিং অসিনা এনালোগ রেদিও ব্রোদকাস্তিংদগী খুদোংচাবা কয়া অমা পীরি। দিজিতেল রেদিও ব্রোদকাস্তিংগী মরুওইবা কান্নবা অমা হায়রবদি সিঙ্গল ফ্রিক্বেন্সী কেরিয়রদা চেন্নেল খুদিংমক্কী ওইনা অৱাংবা মগুন চেনবা ওদিও পীবগা লোইননা চেনেল অহুমদগী মরি ফাওবা শন্দোকপা ঙমি, অদুগা এনালোগ মোদতদি ফ্রিক্বেন্সী কেরিয়র অমদা চেনেল অমখক্তমক শন্দোক্লি। অথোই অহেন তান্নরকপদা, দিজিতেল রেদিও ব্রোদকাস্তিংনা রেদিও ব্রোদকাস্তরশিংদা অনৌবা খুদোংচাবা কয়া পীবা ঙম্মি অমসুং অতাবশিংদা নুংঙাইহনবা ঙম্মি।

ওল ইন্দিয়া রেদিও (AIR) না মখোয়গী MW অমসুং SW রেদিও ব্রোদকাস্ত নেৎৱার্ক অসিবু দিজিতাইজ তৌনবা অমসুং এনালোগ ত্রান্সমিতর ৩৮ বু দিজিতেল ত্রান্সমিতর ওন্নবা হোৎনরি। AIR না FM বেন্দশিংদসু দিজিতেল রেদিও তেক্নোলোজগী ত্রাইএল কয়া অমা পাঙথোকখ্রে। অদুমওইনমক, প্রাইবেত FM ব্রোদকাস্তরশিংগী FM বেন্দ দিজিতাইজ তৌনবগী থৌরাংদি ঙাইদুনা লাকখিবনি।

দিজিতেল রেদিও ব্রোদকাস্তিংগী ইকো-সিস্তেম অমা শেমগৎনবগীদমক, ত্রাইনা ১ ফেব্রুৱারী ২০১৮দা সুও মোতু ওইনা "ভারত্তা দিজিতেল রেদিও ব্রোদকাস্তিংগা মরী লৈনবা সমশ্যাশিং" হায়বসিদা রিকমেন্দেসন অমা পীখি। মখোয়গী রিকমেন্দেসন্দা, ওথোরিতী অসিনা স্তেকহোল্দরশিং – রেদিও ব্রোদকাস্তর, ত্রান্সমিসন ইক্বিপমেন্ত মেন্যুফেকচরর, অমসুং দিজিতেল রেদিও রিসিভর মেন্যুফেকচররশিং পুম্নমক অমত্তা ওইনা পুন্দুনা দিজিতেল রেদিও ব্রোদকাস্তিংগী ইকোসিস্তেম অমা পুরক্নবা তান্নবা চঙই হায়না খঙহনখি। ওথোরিতী অসিনা ফোংদোকখি মদুদি লৈঙাক্না শুগাইনা য়াওরবা দিজিতেল রেদিও ব্রোদকাস্তিং সর্ভিস মতম চানা থাদোকপা ঙম্নবগী পোলিসী ফ্রেমৱার্ক অমা পুথোক্কদবনি হায়খি।

হৌজিক্তি, MIB না মখোয়গী তাং ২৩ এপ্রিল ২০২৪দা থোকপা রিফরেন্স অমদা ত্রাইবু প্রাইবেত রেদিও ব্রোদকাস্তরশিংগী ওইবা দিজিতেল রেদিও ব্রোদকাস্ত পোলিসী অমা শেম্নবা ফোংদোকখি। MIB না পনখি মদুদি তেক্নোলোজীগী অহোংবসিদা য়াওবা ঙম্নবগীদমক হান্নদগী লৈরকপা FM ফেজ-III গী প্রোভিজন খরদি হন্না য়েংবা চঙই। দিজিতেল রেদিও ব্রোদকাস্ত পোলিসী অমা শেম্নবা হোৎনবা মতমদা লাক্কদবা খুদোংচাদবশিং খন্ননবা MIB না পুখৎখি।

মসিগী মতুং ইন্না, প্রাইবেত রেদিও ব্রোদকাস্তরশিংগী ওইবা দিজিতেল রেদিও ব্রোদকাস্ত পোলিসী শেম্বদা থেংনগদবা খুদোংচাদবশিংগী মতাংদা স্তেকহোল্দরশিংগী ৱাখল্লোনশিং তাননবা ত্রাইনা কন্সলতেসন প্রোসেস অসি হৌদোকখিবনি। স্তেকহোল্দরশিংদগী ওক্তোবর ২৮, ২০২৪ ফাওবদা কনসলতেসন পেপরদা অইবা কম্মেন্তশিং কৌরি। কম্মেন্ত অমসুং কাউন্তর কম্মেন্তশিং থারকপা য়াগনি, হেন্না পাম্বা মওংদি ইমেল আই advbcs-2[at]trai[dot]gov[dot]in and jtadvbcs-1[at]trai[dot]gov[dot]in দা ইলেক্ত্রোনিক ফোর্মদা থারকপনি।

শেংদোক ৱারোল/ঈ পাউশিংগীদমক শ্রী দীপক শর্ম, এদভাইজর (B&CS)বু তেলিফোন নম্বর +91-11- 20907774 দা পাউ ফাওনবা য়াগনি।

কনসলতেসন পেপরগী মপুং ফাবা ৱারোল অসি ত্রাইগী ৱেবসাইত www.trai.gov.in দা ফংবীগনি।

***************