میک اِن انڈیا پہل کو مزید مضبوط کرنے کے لیے ایک بڑی کوشش میں، بزنس ریفارمز ایکشن پلان (بی آر اے پی ) 2024 ، کاروبار کرنے میں آسانی کو بڑھاتے ہوئے، پورے ملک میں بغیر کسی رکاوٹ کے کاروباری ریگولیٹری فریم ورک قائم کرنے کے لیے تیار ہے۔ صنعت اور اندرونی تجارت کے فروغ کے محکمے ( ڈی پی آئی آئی ٹی ) کی قیادت میں، بی آر اے پی  2024 نے اگلی نسل کی اصلاحات متعارف کرائی ہیں جو کاروبار اور شہریوں ،دونوں کی ضروریات کو پورا کرتی ہیں۔ پچھلے ایڈیشنوں کی کامیابیوں پر روشنی ڈالتے ہوئے، بی آر اے پی  2024 کلیدی حکومتی اقدامات جیسے کہ تعمیل کا بوجھ کم کرنے (آر سی بی  ) اور ڈی  کریمنلائیزیشن  سے ہم آہنگ ہے، جبکہ عالمی بینک کے آئندہ بی –ریڈی  پروگرام کے عناصر کو بھی مربوط کرتا ہے۔ یہ ہم آہنگی ریگولیٹری عمل کو ہموار کرے گی، اقتصادی ترقی کو تقویت دے گی  اور ہندوستان کے کاروباری منظر نامے میں سرمایہ کاروں کے زیادہ اعتماد کو فروغ دے گی۔

آنے والا بی آر اے پی  2024 فریم ورک ایک جدید تشخیصی طریقہ کار متعارف کراتا ہے، مزید جامع اور متحرک نقطہ نظر کے لیے شواہد اور تاثرات پر مبنی تشخیصات کو ملاتا ہے۔ منظوری کے اوقات کو کم کرنے، آن لائن سروس ڈیلیوری کو مربوط کرنے، اور نیشنل سنگل ونڈو سسٹم اور پی ایم گتی شکتی جیسے اقدامات سے فائدہ اٹھانے پر توجہ مرکوز کرتے ہوئے، بی آر اے پی  2024 ایک زیادہ شفاف، موثر اور متحرک ریگولیٹری ماحول پیدا کرنے کا وعدہ کرتا ہے۔

بی آر اے پی  2024 عمل کو ہموار کرتا ہے، تعمیل کے بوجھ کو کم کرتا ہے  اور ہندوستان کو ایک ترجیحی عالمی سرمایہ کاری کا مرکز بنانے کے لیے ڈیجیٹل حل کو نافذ کرتا ہے۔ بی آر اے پی  نے اپنے ابتدائی دائرہ کار سے آگے بڑھ کر اہم شعبوں جیسے کہ لیبر، ماحولیات، ٹیکسز، لینڈ ایڈمنسٹریشن، یوٹیلیٹی پرمٹس، معائنہ اور تعمیرات کا احاطہ کیا ہے جبکہ اس بات کو یقینی بنانے کے لیے آئی سی ٹی کو گود لینے اور پروسیس ری انجینئرنگ جیسے نئے شعبوں کو بھی شامل کیا ہے تاکہ تیزی سے اور زیادہ موثر  طریقے سے گورنمنٹ  -ٹو –بزنس  خدمات کی فراہمی کو یقینی بنایا جا سکے۔

2014-2015 میں شروع کیا گیا، بی آر اے پی  ہندوستان کے کاروباری منظر نامے کو از سر نو تشکیل دینے میں ایک تبدیلی  لانے والی قوت رہا ہے، جس میں مسابقتی وفاقیت کی روح کو مجسم کیا گیا ہے، جس کے چھ کامیاب ایڈیشن پہلے ہی مکمل ہو چکے ہیں۔ بی آر اے پی  کا منفرد نقطہ نظر، جس میں اصلاحات کے نفاذ کی بنیاد پر ریاستوں اور مرکز کے زیر انتظام علاقوں کا جائزہ شامل ہے، ممالک کے اندر منفرد  ہے۔ اس میں سیکٹرل چیلنجز کو کم کرنے اور سازگار کاروباری ماحول پیدا کرکے ملک بھر میں سرمایہ کاری کے متعدد مراکز کی تعمیر پر توجہ مرکوز کی گئی ہے۔

اپنی شہریوں پر مبنی اصلاحات کے حصے کے طور پر، بی آر اے پی  نے شفاف خدمات کی فراہمی پر زور دیا ہے، اس بات کو یقینی بناتے ہوئے کہ کاروبار اور شہریوں دونوں کو طریقہ کار، فیسوں اور ٹائم لائنز کے بارے میں واضح معلومات تک رسائی حاصل ہو۔ یہ پہل عزت مآب وزیر اعظم جناب نریندر مودی کے ایک ماحولیاتی نظام کی تشکیل کے وژن کے مطابق ہے جہاں کاروبار ترقی کر سکیں اور شہری زیادہ موثر اور ذمہ دار حکمرانی کے نظام کا تجربہ کرسکیں ۔

****

ش ح۔ م م ۔ خ م

U-636