ইনফোর্মেসন অমসুং ব্রোদকাস্তিং মন্ত্রালয়
কেন্দ্রগী মন্ত্রী মন্দলনা নেস্নেল সেন্তর ওফ এক্সেলেন্স ফোর AVGC অয়াবা পীখ্রে
Posted On:
29 SEP 2024 11:27AM by PIB Imphal
ৱাহৌদোক
AVGC (এনিমেসন, ভিজুএল ইফেক্ত, গেমিং, কোমিক্স) সেক্তর অসি মীদিয়া অমসুং এন্তরতেনমেন্ত ইন্দস্ত্রীগী তুংলমচৎ ওইরক্কদৌরি। বাহুবলী অমসুং RRR গুম্বা মুভীশিংনা ভারত্তা পুৱারী অমসুং ফেন্তেসী থীমশিং উৎনবগী অনৌবা ভর্জন অমা পুরক্তুনা PS1 অমসুং কাল্কীগুম্বা মুভীশিংবু পুক্নিং থৌগৎখি। FICCI-EY 2024 রিপোর্তকী মতুং ইন্না, ভারতনা হৌজিক মালেমগী ওইনা অনিশুবা খ্বায়দগী চাউবা এনিমেগী ফেনবেজ লৈবগীদমক চাউথোকচরি অমসুং লাক্কদৌরিবা চহিশিংদা মালেমগী ওইনা হেনগৎলক্লিবা এনিমেগী ইন্তরেস্তকী ৬০% ওইগনি হায়না পানরি। ভারতপু In a significant step toward making India a global hub for AVGC গী মালেমগী হব অমা ওইরক্নবগী মশক থোকপা খোঙথাঙ অমা ওইনা, কেন্দ্রগী মন্ত্রী মন্দলনা হন্দক্তা এনিমেসন, ভিজুএল ইফেক্ত, গেমিং, কোমিক্স, অমসুং এক্সতেন্দেদ রিএলিতী (AVGC-XR)গী নেস্নেল সেন্তর ওফ এক্সেলেন্স (NCoE) অমা মুম্বাইদা লিংখৎপদা অয়াবা পীখ্রে।
NCoE বেকগ্রাউন্দ
ইন্দিয়ন চেম্বর্সস ওফ কম্মর্স এন্দ ইন্দস্ত্রী অমসুং কন্ফিদরেসন ওফ ইন্দিয়ন ইন্দস্ত্রীনা ভারত লৈঙাক্কী খোঙবু ওইরিবা ইন্দস্ত্রী বোদীশিং ওইদুনা ভারত্তা NCoE অসি কম্পেনিজ এক্ত, ২০১৩গী মখাদা সেক্সন ৮ কম্পেনী অমা ওইনা লিংখৎকনি। NCoE লিংখৎকদৌরিবা অসি লৈবাকসিদা AVGC তাস্ক ফোর্স অমা শেম্নবা ৱাফম থমখিবা শেলথুম অমসুং কোর্পোরেত এফ্যার্সকী কেন্দ্র মন্ত্রীনা ২০২২-২৩গী বজেত্তা লাউথোকখিবা ৱাফম পরিংদনি। NCoE AVGC না ভারতকী লোয়ননা মালেমগী এন্তরতেনমেন্ত ইন্দস্ত্রীগী মথৌ তাবশিং পীননবা মালেমগী থাক্কী তেলেন্ত পুল অমা শেমগৎনবা পান্দম থম্লি। প্রোভিজনেল ওইনা ইন্দিয়ন ইন্সতিত্যুৎ ফোর ইমর্সিব ক্রিএতর্স (IIIC) হায়না মিংথোল্লিবা, সেন্তর অসিনা AVGC সেক্তরদা য়াওল অমা পুরক্নবা অমসুং ইমর্সিব তেক্নোলোজীশিংদা ইনোভেসন পুরক্নবা পান্দম থম্লি। মসি ইন্দিয়ন ইন্সতিত্যুৎ ওফ তেক্নোলোজী (IITs) অমসুং ইন্দিয়ন ইন্সতিত্যুৎ ওফ মেনেজমেন্ত (IIMs) অসিনচিবা মমিং লৈরবা ইন্সতিত্যুসনশিংগী মওংদা শেমগৎকনি।
NCoE (IIIC)গী পান্দমশিং
ভারতকী এনিমেসন সেক্তরদা ফিল্ম, ভিজুএল ইফেক্তস (VFX), গেমিং এনিমেসন অমসুং এঙ্গেজিং ওইবা মোবাইল কন্তেন্তশিংগী হেনগৎলক্লিবা দিমান্দনা থৌদুনা পুদুনা শিংথনিংঙাই ওইনা খুমাঙ চাওশিনবা উবা ফংলি। খুমাঙ চাওশিল্লক্লিবা অসিনা হৈথোই শিংথোইরবা অমসুং লমসিদা ঙাওজবা এনিমেতরশিংদা নুংঙাইরবা খুদোংচাবশিং পীরি। ২৫%গী গ্রোথ রেত লৈদুনা ২০২৩ ফাওবদা লুপা বিলিয়ন ৪৬কী চাংদা চাওখৎলক্কনি (FICCI-EY রিপোর্ত 2023) হায়না পানবগা লোয়ননা, ভারতকী এনিমেসন ইন্দস্ত্রীনা মাঙদা চঙশিল্লি অমসুং মসিদা পুক্নিং লুপচবা নহা ওইরিবা তেলেন্তশিংগী ফজরবা তুংলমচৎ অমা পীরি।
থুনা হোংলক্লিবা তেক্নোলোজী অমসুং লৈবাক শিন্বা থুংনা ইন্তরনেৎ শীজিন্নবা হেনগৎলকপা, লোয়ননা খ্বায়দগী হোঙবা দেতা রেতশিংগী মরক্তা অমা লৈদুনা AVGC-XR মালেমগী ওইনা শীজিন্নবগী চাং শরুক কয়া থোক্না হেনগৎলক্কদৌরি। মসিনা খুদোংচাবা কয়া য়মা, মরুওইনা নেস্নেল সেন্তর ওফ এক্সেলেন্স (NCoE)কী খুত্থাঙদা পুরক্কদৌরি। মখাদা পীরিবশিং অসি NCoE (IIIC)গী মরুওইবা পান্দম খরনি:
- ভারতকী IP শেমগৎপদা মীৎয়েঙ থম্বা
- হৌজিক্কী মতমসিদা ঐখোয়গী নাৎকী লনশিং শীজিন্নবা
- ইন্দস্ত্রী অসিদা মল্তিপ্লাইয়র ইফেক্ত অমা শেমগৎপা
- স্তেত অমসুং একাদমিয়াগা খোঙবু ওইদুনা ইন্দস্ত্রীনা লুচিংবা থৌরাং অমা
- এজুকেসন, স্কিলিং ইন্দস্ত্রী, দিভেলপমেন্ত, ইনোভেসন্তা পুন্না মীৎয়েঙ থম্বা
- শেমগৎ শাগৎপদা হব অমসুং স্পোক মওং মতৌ ইনগনি
- IIIC না হব ওইরগা সেন্তর কয়ামরুম্না মাগী স্পোক ওইরগা স্তার্ত-অপ ইকোসিস্তেম য়োকখৎনবা অখন্নবা ইনোভেসন অমসুং রিছর্চ ফন্দ শেমগৎপা
NCoEগী মরমদা খঙজিনগদবা মরুওইবা ৱাফম ৬
১. RRR, বাহুবলী, দি লাইয়ন কিং, অমসুং অবতারনচিংবা ফিল্মশিংনা এনিমেসন অমসুং ইমর্সিব তেক্নোলোজীগী অচৌবা মতিং উৎখ্রে! ভারতকী এনিমেসন, মিজুএল ইফেক্ত, গেমিং অমসুং কোমিক্স (AVGC) সেক্তরনা চাউনা খুমাঙ চাওশিন্নবা ঙাইদুনা লৈবগা লোয়ননা থবক পীনবা অমসুং ইনোভেসনগী পাক চাউরবা খুদোংচাবশিং ফংহনগদৌরি।
২. ইমর্সিব তেক্নোলোজীশিংনা অশেঙবা মান্বা, ইন্তরেক্তিব এক্সপিরিএন্স শেম্মি। মসিদা ভর্চুএল রিএলিতী (VR), ওগমেন্তেদ রিএলিতী (AR), মিক্স রিএলিতী (MR) অমসুং 3D মোদেলিং অমদি এনিমেসন য়াওরি। অদোম্না 3D এনিমেতর, VR/AR ক্রিএতর, ভেম দিভেলপর নৎত্রগা কোমিক আর্তিস্ত অমা ওইরবসু – মসিনা অদোমগী শান্নফম ওইরি।
৩. NCoE না ইমর্সিব তেক মাস্তর তৌনবগী অদোমগী হোজঙনি। নেস্নেল সেন্তর ওফ এক্সেলেন্স অসিনা কত্তিং-এদ্জ ত্রেনিং পীগনি অমসুং ভারতকী ইনাক খুল্লবা নাৎকী লনশিংবু মতমসিগী ওইবা তেক্নোলোজীগা পুনশিন্দুনা লমদমসিগী ওইবা ইন্তেলেকচুএল প্রোপর্তী (IP) শেমগৎপদা অমসুং ভারতকী দিজিতেল ক্রিএতিব ইকনমীগী তুংলমচৎ শেমগৎপদা মতেঙ ওইগনি।
৪. থবক ৫,০০,০০০ রোম পীগনি হায়না পানবগা লোয়ননা, NCoE অসি IITs অমসুং IIMs গুম্বা মকোক থোংবা ইন্সতিত্যুসনশিংগী মওংদা লিংখৎকনি। সেন্তর অসিনা মপাঙ্গল কনবা তেলেন্ত পুল অমা শেমগৎনবা মালেমগী থাক্কী ইনফ্রাস্ত্রকচর, স্তেত-ওফ-দি-আর্ত তেক্নোলোজী অমসুং স্পিসিএলাইজ স্কিলশিং ফংহনগনি।
৫. হেন্দ্স-ওন লর্নিং অমসুং করিয়রগী লম্বী। মহৈরোয়শিংদা ইন্দস্ত্রীনা মথৌ তাবা কোর্সশিংগী খুত্থাঙদা প্রাক্তিকেল এক্সপিরিএন্স ফংদুনা গ্রেজুএসন মতুংদা থবক লায়না ফংবা য়াহনগনি। অদোম্না ইন্তর্নসিপ, স্তার্তঅপ তৌনিংবশিংগী মেন্তরসিপ, অমসুং ভারতকী, মালেমগী কন্তেন্ত শেম্বদা মীৎয়েঙ থম্বা করিকুলম অমা ফংগনি!
৬. কোলাবোরেসন অমসুং ইনোভেসন। কেন্দ্র অমসুং স্তেত লৈঙাক, একাদমিয়া, অমসুং ইন্দস্ত্রীগী মরক্তা খোঙবু ওইবগী মরী শেমগত্তুনা, NCoE না ইমর্সিব তেক্নোলোজীশিংগী লমদা রিছর্চ, দিভেলপমেন্ত, অমসুং ইনোভেসনগী দাইনামিক ওইবা ইকোসিস্তেম অমা শেমগৎকনি। মফমসিদনি ভারতকী মথঙগী মীরোলগী ক্রিএতরশিংনা মাঙদা চঙশিনগদৌরিবসি।
ৱারোয়শিন
কেন্দ্রগী মন্ত্রী মন্দলনা AVGCগী নেস্নেল সেন্তর ওফ এক্সেলেন্স (NCoE)কী অয়াবা পীখিবা অসিনা ভারকী মীদিয়া অমসুং এন্তরতেনমেন্ত ইন্দস্ত্রী মপাঙ্গল কনখিহন্নবগী মরুওইবা খোঙথাঙ অমা ওইরি। থৌরাং অসিনা খোঙলৈ থুনা চাওখৎলক্লিবা AVGC সেক্তরদা অনৌবা থবক্কী খুদোংচাবশিং শেমগৎপগা লোয়ননা শেন্মিৎলোন্দা অচৌবা ইনোৎ হাপকদৌরি। ফিল্মমেকিংগী মালেমগী হব অমা ওইনা, ভারতনা তেক্নোলোজী অমসুং ইনফ্রাস্ত্রকচরদা খুমাঙ চাওশিল্লকপনা ক্বালিতী ৱাংবা কন্তেন্তশিং পুথোকপা ঙমহন্দুনা, লৈবাকসিবু তেক্নোলোজিকেল ইনোভেসন অমসুং ক্রিএতিবিতীগী লমদা লুচিংবা অমা ওইবগী মফম অমা কন্বা ঙমহনগনি।
রিফরেন্স
PDF য়েংনবগীদমক মসিদা নম্বিয়ু।
******
(Release ID: 2060088)
Visitor Counter : 58