কেন্দ্রগী হকশেল মন্ত্রালয়না ঙসি মফমসিদা নন-অল্কোহোলিক ফেতী লিভর লায়নাগী রিভাইজ ওপরেস্নেল গাইদলাইন্স অমসুং ত্রেনিং মেনুএল ফোঙখ্রে‍। দোকুমেন্তশিং অসি মরম খঙনা, খুদম চাংদমদা য়ুম্ফম ওইরগা পায়খৎপা থৌওংশিংগী খুত্থাঙদা NAFLD গা মরী লৈনবা পেসেন্ত কেয়র অমসুং আউতকমশিং ফগৎহন্নবা শেম্বনি‍।

মীফম অদুদা ঙা ঙাংলদুনা, শ্রী অপুর্ব চন্দ্র, কেন্দ্রগী হেল্থ সেক্রেতরীনা হায়খি “ভারতনা NAFLD বু মরুওইবা NCD অমা ওইনা শকখঙবদা মাঙজিল থারি”‍। “NAFLD য়াম্না থুনা অচৌবা পব্লিক হেল্থ কন্সর্ন অমা ওইরক্লি, মশা নোয়বা, দাইবেতিস, অমসুং কার্দিওভাস্কুলর লায়না অসিনচিংবা মেতাবোলিক দিসওর্দরশিংগা মরী লৈনৈ‍। মীওই ১০গী মনুংদা অমদগী অহুম ফাওবা NAFLD নারকপা য়াগী ওইথোকপা লৈবনা লায়না অসিনা পীরিবা শাফু অসি তাক্লি,” হায়না মহাক্না হায়খি‍।

“ওপরেস্নেল গাইদলাইন্স অমসুং ত্রেনিং মোদ্যুল্স ফোঙদোক্লিবসিদা লায়না অসি লাকশিন্বদা কেন্দ্রগী হকশেল মন্ত্রালয়না পীরিবা মরুওইবা মীৎয়েঙ অসিগী মমি তারি,” হায়না শ্রী চন্দ্রনা হায়খি‍। দোকুকেমন্তশি অসি ফোঙদোকপনা কম্ম্যুনিতী হেল্থ ৱর্করশিংদগী হৌরগা মেদিকেল ওফিসরশিং ফাওবদা লৈরিবা থাক পুম্নমক্কী হেল্থ ৱর্করশিংগী ফ্রেমৱর্ক অমা ফংহনগনি হায়না মহাক্না হায়খি‍। NCDs নারে হায়না খঙলবা মীওইশিংগীদমক লায়েং মখা চত্থবগী মরুওইবা ৱাফমশিং মহাক্না থমখি অমসুং NAFLD নাবগী চাং হন্থরক্নবা পুন্সি মহিং শেমদোকপগী তঙায় ফদবা ৱাফমশিংসু ফোঙদোকখি‍।

থৌরমদুদা ৱা ঙাংলদুনা, কেন্দ্রগী হকশেল মন্ত্রালয়গী ওফিসর ওন স্পিসিএল দ্যুতী শ্রীমতী পুন্য সালিলা স্রিভাস্তবনা “লায়না অসি ঙন্না খঙদোক্নবা অমসুং NAFLDগী পোৎলুম হন্থহন্নবা গাইদলাইনশিং অসি গ্রাসরুত থাক্কী ৱর্করশিংদা য়ৌহন্বা মথৌ তাই” হায়খি‍। ত্রেনিং মোদ্যুল ফোঙলিবা অসি ভারত্তা NCDs নাবগী চাং হেনগৎলক্লিবা অসি লাকশিন্বদা হেল্থকেয়র প্রোফেস্নেলশিংগী কেপাসিতী হেনগৎহন্নবা ভারতনা হোৎনরিবা থৌরাংশিংদা মশক থোক্না হাপচিল্লকপা অমনি হায়না মহাক্না হায়খি‍।

দোক্তর এস কে সারিন, দাইরেক্তর, ইন্সতিত্যুৎ ফোর লিভর এন্দ বিলিয়রী সাইন্সেস (ILBS) না দোকুমেন্ত অনি ফোঙলিবা অসি য়াম্না মরুওইবা মীৎকুপ অমনি, অদুগা মসিগী মহৈ লাক্কদৌরিবা চহি খরসিদা উবা ফংগদনি হায়খি‍। দাইবেতিস, থম্মোয়গী লায়না, অমসুং কেন্সরনচিংবা নন-কম্ম্যুনিকেবল দিজীজ (NCDs) কয়া অসি লিভা মশা মউ ফনা লৈবগা মরী লৈনৈ হায়রদুনা মহাক্না লিভর মশা ফনা থম্বগী মরুওইবা ৱাফমশিং ফোঙদোকখি‍।

নন-কম্ম্যুনিকেবল দিজীজশিং (NCDs) অসিনা লৈবাকসিদা মী শিবগী ৬৬% ওইরি‍। NCDs অসি হিদাক মনা শীজিন্নবা (মৈখু অমসুং মৈখু চেন্দবা), য়ু থকপা, মচি ওইবা চীঞ্জাক চাদবা, হকচাঙ নীংথিনা লেঙ ওত্তবা, অমসুং নুংশিৎ মোৎপনচিংবা মরুওইবা মীওইবগী লীচৎ শাজৎকী রিস্ক ফেক্তরশিংগা য়াম্না অকন্বা মরী লৈনৈ‍।

নন-অল্কোহোলিক ফেত্তী লিভর দিজীজ (NAFLD) অসি ভারত্তা লিভর নাবগী মরুওইবা মরম অমা ওইরক্লি‍। মসিই চহি মতাঙ, নুপা-নুপী, লৈফম, অমসুং খুন্নাই-শেন্মিৎলোনগী থাক্কী মখা পোন্না ৯% দগী ৩২% ফাওবগী কম্ম্যুনিতী প্রিভেলেন্স রেত লৈদুনা অরোন্বা লাইচৎ অমনি হায়না লৌবসু য়াই‍। অতোপ্পা লোন্দাদা, মী ১০গী মনুংদা ১দগী ৩ ফাওবদি ফেতী লিভর নৎত্রগা মরী লৈনবা লায়না নারকপা য়াই‍।

ভারত্তা মালেমগী ওইনা NCDs মশিং য়াম্না নাবা থেংনরি অমসুং মেতাবোলিক লায়নাশিংগী মরুওইবা মরমশিংগী মনুংদা অমদি লিভর অসিনি‍। মসিগী হেনগৎলক্লিবা পোৎলুম অমসুং থুনমক পাম্বৈ পুথোক্নবগী মরুওইবা অদু খঙলদুনা, ভারতনা NAFLD বু নেস্নেল প্রোগ্রাম ফোর প্রিভেন্সন এন্দ কন্ত্রোল ওফ NCDs তা ২০২১দা পুনশিন্দুনা অসুম্না তৌবা অহান্বা লৈবাক ওইখি‍।

NAFLD গী লমদা ইকুই কুইদ্রিবা খুদম চাংদমদা য়ুম্ফম ওইবা ইন্তরভেন্সন্দা মীৎয়েঙ থম্লগা, মেদিকেল কেয়র প্রোভাইদরশিংনা শীজিন্নগদবা অমসুং NAFLD ঙাকথোকপা অমসুং লাকশিন্বদা মতেঙ ওইগদবা ঙাকথোকপা, লাকশিন্বা অমসুং লায়েংবগী অপদেত তৌরবা ইনফোর্মেসনগা লোয়ননা গাইদলাইন অসিবু নৌনা শেমদোকপগী মথৌ শাথিনা তাখি‍।

গাইদলাইন অসিনা NAFLD নারিবা মীওইশিংদা মতম চানা অমসুং চুনবা লায়েং ফংহন্বদা মরুওইরিবা হেল্থ প্রমোসসন অমসুং ঙন্না খঙদোকপদা মীৎয়েঙ থম্লি‍‍। মসিনা তোঙান তোঙানবা দিসিপ্লিন্দগী হেল্থকেয়র প্রোভাইদরশিংনা হোৎনরিবশিং পুনশিন্দুনা NAFLD নারিবা মীওইশিংদা মপুং ফাবা লায়েং পীননবা মল্তিদিসিপ্লিনরী থৌওং অমদা চঙশিন্নবা ৱাফমসু থম্লি‍।

NAFLD মওং চুম্না লায়েংবদা লায়নাগী ফীভম নীংথিনা খঙবখক নত্তনা অনা লায়েংগী থাক খুদিংদা খুদম-চাংদমদা য়ুম্ফম ওইবা ইন্তরভেন্সনশিং শীজিন্নবগী মতিংসু লৈগদবনি‍। NAFLDগী ত্রেনিং মোদ্যুল অসি ওপরেস্নেল গাইদলাইন্দা চৈঙাক ওইনবা অমসুং মরুওইনা প্রাইমারী থাক্তা NAFLD খঙদোক্নবা, লায়েংনবা, ঙাকথোক্নবা মথৌ তাবা ৱাখল লৌশিং অমসুং স্কিল ফংহন্দুনা হেল্থকেয়র প্রোফেস্নেলশিংগী কেপাসিতী হেনগৎহন্বদা মতেঙ ওইগনি‍। মোদ্যুল অসিনা ইপিদেমিওলোজী, রিস্ক ফেক্তর, স্ক্রীনিং, দাইগ্নোস্তিক, প্রোতোকোল, অমসুং স্তেন্দর্দাইজ ত্রীতমেন্ত গাইদলাইনশিং য়াওনা হীরম কয়া পাক চাউনা কোনশিল্লি‍। মসিনা হেল্থ আউতকম ফগৎহন্নবগীদমক ঙন্না খঙদোকপা, পেসেন্ত এজুকেসন, পুন্সি মহিং শেমদোকপা, অমসুং পুনশিল্লবা লায়েংবগী মওং মতৌগী হেন্না মপাঙ্গলসু হেন্না কনখৎহনগনি‍।

শ্রী জয়দীপ কুমার মিশ্রা, এদিস্নেল সেক্রতরী অমসুং ফাইনেন্সিএল এদভাইজর, হকশেল মন্ত্রালয়; শ্রীমতী এল এস চংসন, এদিস্নেল সেক্রেতরী, হকশেল মন্ত্রালয়; শ্রীমতী লথা গনপথী, জোইন্ত সেক্রেতরী, হকশেল মন্ত্রালয়, অমসুং কেন্দ্রগী হকশেল মন্ত্রালয়গী মকোক থোংবা ওফিসরশিংসু থৌরমদুদা শরুক য়াখি‍। স্তেত/য়ু.তি. ৩৬মক্তগী মীহুৎশিং, WHO, ILBS, AIIMS, CMC ভেল্লর, JIPMER, SGPGIMS, PGIMER অমসুং RML হোস্পিতালদগী দিভেলপমেন্ত পার্ত্নরশিং অমসুং অখঙ অহৈশিংসু মীফমদুদা ভর্চুএল ওইনা শরুক য়াখি‍।

******