ৱর্ল্দ এনভাইরনমেন্ত দেগী থৌরমদা, প্রধান মন্ত্রী নরেন্দ্র মোদীনা মমা ওইবীশিংদা কত্থোকপা অকোয়বগী ফীভমদা লৈরিবা থৌদাংগা পুনশিন্বা তোপ তোপ্পা থৌরাং অমা ওইনা ‘এক পের মা কে নাম’ কেম্পেন হৌদোকখি‍। কেম্পেন অসি প্রধান মন্ত্রীনা দিল্লীগী বুদ্ধ জয়ন্তী পার্কতা পীপল পাম্বী অমা থাদুনা জুন ৫, ২০২৪ দা হৌদোকখিবনি‍। প্রধান মন্ত্রী নরেন্দ্র মোদীনা অকোয়বগী ফীভম ফগৎহন্নবা পুন্না হোৎনমিন্নবগী মরুওইবা ৱাফম থমখি অমসুং হৌখিবা দেকেদতা উমংগী কভর হেনগৎহন্নবা ভারতনা থাংজিল্লিবা খোঙথাংশিংগী মরমদা ৱা ঙাংখি‍। কেম্পেন অসি সস্তেনেবল দিভেলপমেন্তকীদমক লৈবাকসিনা চঙশিল্লিবা খোঙথাংগী পরিংদনি হায়না মহাক্না হায়খি‍।

মীওই অমনা মহাক্কী মমাগী মিংদা উ থারিবা ‘এক পের মা কে নাম’গী নুংগী ওইবা ৱাখল্লোন অসি সিম্বোলিক ওইবা থৌওং অমনি‍। মসিনা পুন্সিবু মখোঙ শোম্বিবদা মমা অমনা লৌরিবা থৌদাংবু ইকায়খুম্নবা অমসুং মালেমবু মশা ফনা থম্বদা থৌদাং য়াবা হায়রিবা পান্দম অনি অসিবু তাল্লি‍। উ পাম্বীশিং অসি পুন্সিবু থৱায় হাপ্লিবা, অমসুং মমা অমগী মতৌগুম, মখোয়না পুন্সি হিংনবা পাম্বৈ পী, ঙাকথোকপি, অমসুং তুংগী মীরোলগী তুংলমচৎ অমা পীবিরি‍। থৌরাং অসিগী খুত্থাঙদা, শরুক য়ারিবা মীওইশিংনা মখোয়গী মমাদা কৎচবা অহিংবা খুভম অমা ওইনা উ পাম্বী অমা থাদুনা, অমদি অকোয়বগী ফীভম ঙাক্তুনা থম্বগী মথৌ তাবা অসিবুসু থুংহনবা ওইনা তুং কোইগদবা নীংশিং খুদম অমা শেমগনি‍।

উ চারা করোর ৮০ থাখি

এনভাইরনমেন্ত, ফোরেস্ত, অমসুং ক্লাইমেত চেঞ্জ মন্ত্রালয়না সেম্পেতেম্বর ২০২৪ ফাওবদা ‘এক পের মা কে নাম’ কেম্পেনগী মখাদা উ চারা করোর ৮০ থানবগী থমখিবা পান্দম মায় পাক্না ফংখ্রে‍। পান্দম অসি সেপ্তেম্বর ২৫, ২০২৪দা, দেদলাইনগী নুমিৎ ৫ ৱাৎলিঙৈদা ফংবা ঙমখি‍। মায় পাকখিবা অসি লৈঙাক্কী এজেন্সীশিং, লোকেল কম্ম্যুনিতীশিং, অমসুং তোঙান তোঙানবা স্তেকহোল্দরশিংনা পুন্না হোৎনমিন্নখিবনা ফংবা ঙমখিবনি‍।

উ চারা লাখ ৫ হেন্না থাবগী ৱর্ল্দ রেকোর্দ

সেপ্তেম্বর ২২, ২০২৪দা, এনভাইরনমেন্ত, ফোরেস্ত, অমসুং ক্লাইমেত চেঞ্জ মন্ত্রালয়গী (MoEF&CC)) মখাদা লৈবা য়ুনিৎ, তেরিতোরিএল আর্মীগী ১২৮ শুবা ইনফেন্ত্রী বতালিয়ন অমসুং ইকোলোজিকেল তাস্ক ফোর্সনা শুপ্নতগী পুং অমদা উ চারা লাখ ৫ হেন্না থাবগী শিংথানিংঙাই ওইরবা থৌওং অমা মায় পাক্না পায়খৎখি‍। জয়সলমরদা “স্পিসিএল প্লান্তেসন দ্রাইব” অমগী মখাদা পায়খৎখিবা মশক নাইবা মায় পাকপা থৌরম অসি প্রধান মন্ত্রীগী কেম্পেন “এক পের মা কে নাম” ইকোলোজিকেল রেস্তোরেসন য়োকখৎনবা অমসুং মীয়াম মরক্তা অকোয়বগী ফীভমগী মরমদা হেন্না পাক শন্না খঙহন্নবা পান্দমদা পায়খৎলিবা তেরিতোরিএল আর্মীগী “ভাগিদারী অমসুং জিমেদারী” থৌরাংগী শরুক অমা ওইনা পাঙথোকখিবনি‍। তেরিতোরিএল আর্মী য়ুনিতকী থৌরাং অসিবু ৱর্ল্দ বুক ওফ রেকোর্দ্স, লন্দন্না শকখঙখিবগা লোয়ননা মখাদা পীরিবা প্রোভিজনেল ৱর্ল্দ রেকোর্দশিংসু ফংখি:

• তীম অমনা পুং অমদা উ চারা খ্বায়দগী মশিং য়াম্না থাবা
• নুপীগী তীম অমনা পুং অমদা উ চারা খ্বায়দগী মশিং য়াম্না থাবা
• মফম অমখক্তদা চপ মান্নবা পুংফমদা মী মশিং খ্বায়দগী য়াম্না শরুক য়াদুনা উ চারা থামিন্নবা‍।

ৱর্ল্দ বুক ওফ রেকোর্দতগী মীহুৎশিং শরুক য়াখিবনা উ চারা থাখিবা অদু মরিক চুম্না ভেরিফাইদ অমসুং সর্তিফাইদ তৌখি, অমসুং ইকোলোজিকেল তাস্ক ফোর্সনা মায় পাকপা অসিগীদমক প্রোভিজনেল মনাশিং ফংখি‍। উ থাবগী দ্রাইব অদুনা “দোজ হু প্রোতেক্ত দি ত্রীজ আর প্রোতেক্তেদ” হায়রিবা খোল্লাউ অসিগী মশক উত্তুনা তুংগী মীরোলগী য়াইফনবগীদমক অকোয়বগী ফীভমবু নীংথিনা শেন্নবিবগী মরুওইবা ৱাখল্লোন হেন্না চেৎশিলহনখি‍।

মন্ত্রালয়শিংদা পায়খৎখিবা অপুন্বগী থবকশিং

প্রধান মন্ত্রী মোদীগী খোল্লাউ ইন্দুনা, তোঙান তোঙানবা মন্ত্রালয়শিংনা কেম্পেন অসিবু ইখৌ লাংনা শরুক য়াখি‍। মন্ত্রালয় অমসুং দিপার্তমেন্ত খুদিংমক্না থৌরাং অসিদা মশক থোক্না থৌদাং য়াদুনা তুং কোইগদবা ফীভম, অশংবা কুয়োম হেনগৎহন্বা, অমসুং মীয়াম শরুক য়ামিন্ননবা থৌরাং পায়খৎপগী মায়কৈদা অপুন্বগী থৌওং উত্থোকখি‍।

 কেম্পেন অসিগী বেনর মখাদা ঙাকশেল মন্ত্রালয়না নীংতম নুমিৎ, ওগস্ত ১৫, ২০২৪দা উ চারা লাখ ১৫ থাননবা লৈবাক পুম্বগী ওইবা থৌরাং অমা লাউথোকখি‍। থৌরাং অসি ইন্দিয়ন আর্ম্দ ফোর্সস, দিফেন্স PSUs, NCC, অমসুং অতৈ মরী লৈনবা লূপশিংগী খুত্থাঙদা পায়খত্তুনা হেন্না অশং অমান্না থন্বা অমসুং হেন্না মশা মউ ফবা ভারত অমা পুরকপদা থৌদাং য়াখি‍।

 কোইলা মন্ত্রালয়না, সেক্রেতরী শ্রী ভিআই. কন্থ রাউগী লুচিং মখাদা, মখোয়গী চত্থদুনা লাক্লিবা অকোয়বগী ফীভম ঙাক শেন্দুনা থম্নবা থৌরাংগী মখাদা মিল্লেনিয়ম পার্ক্তা উ থাবগী থৌরম অমা পায়খৎখি‍। কোইলা অমসুং লিগ্নাইত PSUs শিংনা চহি কয়া উ চারা থাদুনা লাকপগা লোয়ননা মাইনিং তৌরিবা মফমশিংদা কার্বোন ফুতপ্রিন্ত হন্থহনবদা মশক থোকপা থৌদাং য়ারি‍।

মসিগী মথক্তা, ইনফোর্মেসন অমসুং ব্রোদকাস্তিং মন্ত্রালয়না মশাগী ওইবা প্রান্তেসন দ্রাইব হৌদোক্তুনা, লৈবাক পুম্বগী ময়োল্লম অমসুং খুঙ্গংগী মফমশিংদা উ চারা ৭,০০০ রোম থাখি‍। কেম্পেন অসি ওগস্ত থায়ায়দগী হৌদুনা, উ থাবগী থৌরাং খোঙজেল য়াঙখৎহন্বদা মীৎয়েঙ থম্বগা লোয়ননা মরুওইনা সেপ্তেম্বর ১৭ দগী ওক্তোবর ১, ২০২৪ ফাওবদা চত্থরিবা ‘স্বচ্ছতা হি সেবা’ কেম্পেন মনুংদা থমক থৌরম কয়া পায়খৎখি‍।

অয়ুসকী কেন্দ্রগী রাজ্য মন্ত্রী (ইন্দিপেন্দেন্ত চার্জ) অমসুং হকশেল অমদি য়াইফ-য়ুম্বালগী রাজ্য মন্ত্রী, শ্রী প্রতাপরাও জাধবনা মহাক্কী মমাগী মিংদা হৈক্রু পাম্বী অমা থাদুনা ইচঙ থৌনা শরুক য়াখি‍। মন্ত্রীনা কেম্পেন অসিবু কনাগুম্বা মীওই অমনা মখোয়গী মমা অমসুং মালেম ইমা অনিবু নুংশিজবা ফোঙদোক্নবা পাম্বৈ অমা ওইনা শীজিন্নবগী মরুওইবা ৱাফমশিং থমখি‍।

লৌউ-শিংউ অমসুং লৌমীশিংগী য়াইফ-থৌরাংগী রাজ্য মন্ত্রী, শ্রী ভগিরথ চৌধরীনা, হায়দরবাদতা লৈবা নেস্নেল ইন্সতিত্যুৎ ফোর এগ্রিকলচরেল এক্সতেন্সন মেনেজমেন্ততা পাঙথোকপা ভর্চুএল থৌরম অমগী খুত্থাঙদা ‘এক পের মা কে নাম’ কেম্পেন্দা শরুক য়াখি‍। মসিগী মথক্তা, দিপার্তমেন্ত ওফ এগ্রিকলচর এন্দ ফার্মর্স ৱেলফ্যারনা মখোয়গী তোঙান তোঙানবা ওফিসশিং অমসুং সবওর্দিনেত বোদীশিং য়াওনা উ থাবগী থবক থৌরম কয়া পাক শন্না পায়খৎখি‍।

কোর্পোরেত এফ্যার্স মন্ত্রালয় অমসুং রোদ ত্রান্সপোর্ত অমসুং হায়ৱেজ মন্ত্রালয়গী রাজ্য মন্ত্রী, শ্রী হর্স মলহোত্রানা ‘এক পের মা কে নাম’ অমসুং স্বছ্চতা হি সেবা ২০২৪ কেম্পেন অনিমক্কী মনুং চন্না নই দিল্লীগী কোতা হাউসতা উ থাবগী থৌরম অমদা শরুক য়াখি‍। মন্ত্রালয় অসিগী ওফিসরীশিংনসু অকোয়বগী ফীভম ঙাক শেন্বা অমসুং স্বচ ভারতকী লৈঙাক্কী পাক চাউবা মীৎয়েঙবু শৌগৎপা ওইনা শিৎ শেংবগী থৌরমশিং চাউনা পাঙথোকখি‍।

কেম্পেন অসিনা পুক্নিং থৌগত্তুনা, শ্রী জয়ন্ত চৌধরীনা লুচিংদুনা স্কিল দিভেলপমেন্ত এন্দ ওন্ত্রপ্রিন্যুরসিপ মন্ত্রালয়না (MSDE) মখোয়গী ইন্সতিত্যুসনশিংদা পাক শন্না উ চারা থাবগী থৌরমশিং পাঙথোকখি‍। প্রধান মন্ত্রী কৌশল কেন্দ্র (PMKKs), নেস্নেল ইন্সতিত্যুৎ ফোর ওন্ত্রপ্রিন্যুরসিপ এন্দ স্মোল বিজিনেস দিভেলপমেন্ত (NIESBUD), ইন্দস্ত্রিএল ত্রেনিং ইন্সতিত্যুৎশিং (ITIs), নেস্নেল স্কিল ত্রেনিং ইন্সতিত্যুৎশিং (NSTIs), অমসুং জন সিক্সন সন্সথান (JSS) শিংদা উ চারা ১১,৭৭৮ হেন্না থাখি‍। মন্ত্রালয়গী থৌরাং অসিনা অকোয়বগী ফীভমগী মরমদা ৱাখল তাবা অমসুং স্কিল দিইভেলপমেন্ত অনিবু পুনশিন্বদা মীৎয়েঙ থমদুনা মহৈরোয়, ত্রেনর, অমসুং লম লম গী মীয়ামগী মরক্তা অপুন্বা অমসুং তুং কোইগদবা ফীভমগী ৱাখল্লোন ফাওহনখি‍।

দিপার্তমেন্ত ওফ দ্রিঙ্কিং ৱাতর এন্দ সেনিতেসন, অমসুং হাউজিং অমসুং অর্বান এফ্যার্স মন্ত্রালয়না লুচিংদুনা পায়খৎখিবা স্বছ্চতা হি সেবা ২০২৪ কেম্পেন্না লু-নান্বা অমসুং অশংবা কুয়োম হেনগৎহন্বদা মরুওইবা মীৎয়েঙ থমখি‍। লৈবাক পুম্বগী দ্রাইবকী শরুক অমা ওইনা উ পাম্বীশিং থাবনা হেন্না লু-নান্বা, অশং অমান্না থনবা ভারত অমগীদমক লৈঙাক্না লেপ্লিবা খোঙফমবু চেৎশিহল্লে‍। ইন্দিয়ন আর্মী, ইন্দিয়ন এয়র ফোর্স, বোর্দর সিক্যুরিতী ফোর্সনচিংবা লৈঙাক্কী এজেন্সীশিং, সংকল্প তরু NGO, অমসুং লম লমগী মীয়াম্না শরুক য়াখিবসিনা কেম্পেন অসিনা কাচিন কোয়া থুংনা য়ৌশিন্বগী চাং হেনগৎহনখি‍।

তেক্নোলোজিকেল বুস্ত: ‘এক পের মা কে নাম. এপ

থৌরাং অসিদা ঙাক্লৌ পীনবগীদমক, কম্ম্যুনিকেসন্স অমসুং দিভেলপমেন্ত ওফ নোর্থ ইস্তর্ন রীজন (DoNER)গী কেন্দ্র মন্ত্রী শ্রী জ্যোতিরঅদিত্য সিন্দিয়ানা ‘এক পের মা কে নাম’ এপ হৌদোকখি‍। ইনোভেতিব ওইবা প্লেতফোর্ম অসিনা য়ুজরশিংবু মখোয়না থাখিবা উ পাম্বীশিংনা মপুং মরৈ ফারকপা য়েংশিন্বা ঙমহন্দুনা, অকোয়বগী ফীভম ঙাক্না থম্বদা শরুক য়ানবগী মশাগী ওইবা লম্বী অমা পীরি‍।

এপ অসিগী য়ুজ-ফ্রেন্দলী ইন্তরফেস অসিনা মীয়ামবু অকোয়বগী ফীভম ঙাক্তুনা থম্বদা ইচঙ থৌনা শরুক য়াননবা পুক্নিং থৌগৎলি‍। য়ুজরশিংনা উ পাম্বী অমা থাদুনা, মদুগী মমি থাগৎপা, অমসুং মখোয়না হোৎনরিবা অদু সোসিএল মীদিয়াদা শেয়র তৌদুনা অতৈবুসু ৱাহন্থোক লৈবা থৌরম অসিদা শরুক য়ারনবা পুক্নিং থৌগৎপা য়া‍ই‍।

অশং অমান্না থনবা তুংলমচৎ অমগী মঙলান অমা

‘এক পের মা কে নাম’ অসি সস্তেনেবল অমসুং এনভাইরনমেন্তেলী কন্সিয়স ওইবা তুংলমচৎ অমগীদমক ভারতনা লেপ্লিবা খোঙফমগী মমি তাবা ঈহৌ অমনি‍। মমা ওইবীশিংবু ইকায়খুম্নবগা অকোয়বগী ফীভম ঙাক শেন্দুনা থম্নবা থবক পায়খৎনবা খোল্লাউগা পুনশিন্নদুনা থৌরাং অসিনা মীয়ামদা অশং অমান্না হেন্না থন্বা মালেম অমা শেম্বদা হকথেংননা থৌদাং য়ানবা লম্বী অমা পীরি‍।

কেম্পেন অসিনা মায় পাকখিবা অসি মসিগী ইচম চম্বা মতৌ অমসুং পুক্নিং নুংশিবা মচৎ অসিনা লৈবাক শিন্বা থুংবদা মীয়ামবু মখোয় মখোয়গী মমাশিংগী মিংদা উ পাম্বী অমমম থানবা পুক্নিং থৌগৎখিবসিননি‍। অসুম্না তৌদুনা, মখোয়না মহৌশা লাইরেম্বী অমসুং মমা ওইবী অনিমক্কী মখোঙ শোম্বিবা, য়োকপি থাকপিবগী মতিকপু ইকায় খুম্নদুনা তুংগী মীরোলনা হেন্না মশা মউ ফবা অমসুং হেন্না তুং কোইগদবা মালেম অমা ফংজহৌনবা লম্বী পীরি‍।

রিফরেন্সশিং

https://pib.gov.in/PressReleasePage.aspx?PRID=2054625

https://pib.gov.in/PressReleasePage.aspx?PRID=2055948

https://pib.gov.in/PressReleasePage.aspx?PRID=2058776

https://pib.gov.in/PressReleasePage.aspx?PRID=2058622

https://pib.gov.in/PressReleasePage.aspx?PRID=2057137

https://pib.gov.in/PressReleseDetail.aspx?PRID=2038008

https://pib.gov.in/PressReleseDetail.aspx?PRID=2038015&reg=3&lang=1

https://pib.gov.in/PressReleseDetail.aspx?PRID=2051130&reg=3&lang=1

https://pib.gov.in/PressReleseDetail.aspx?PRID=2055558&reg=3&lang=1

PMO officers take part in ‘Ek Ped Maa Ke Naam’ Movement, led by Principal Secretary, Dr. PK Mishra

https://pib.gov.in/PressReleseDetail.aspx?PRID=2057289&reg=3&lang=1

https://pib.gov.in/PressReleseDetail.aspx?PRID=2057971&reg=3&lang=1

Ek Ped Maa Ke Naam : 80 Crore Seedlings Planted

****