য়ুথ এফিয়র্স অমসুং স্পোর্তস অমদি লেবর অমসুং এমপ্লোইমেন্তকী কেন্দ্রগী মন্ত্রী, দা. মনসুখ মন্দাবিয়ানা কেন্দ্রগী য়ুথ এফিয়র্স অমসুং স্পোর্তসকী রাজ্য মন্ত্রী শ্রীমতি রক্ষা খদসেগা লোয়ননা ঙসি ন্যু দিল্লীদা বুদাপেস্ততা পাংথোকপা 45শুবা FIDE চেস ওলিম্পিয়দতা গোল্দ মেদল অনি ফংলবা ভারতকী চেস তীমবু ইকাই খুম্নবা উৎপগা লোয়ননা ওকখ্রে। থৌরম অসিদা মখোয়গী মায় পাকপশিংনা লৈবাক অসিদা চাউথোকচবা অমসুং নুংঙাইবা পোকহল্লিবা চেস তীমশিংগী শিংথানিংঙাই ওইরবা মায় পাকপশিং নুংঙাইবা ফোংদোকখি।

চেস শান্নরোয়শিংগা ৱারী শানবদা, দা মনসুখ মন্দাবিয়ানা ভারতকী চেসকা লৈরিবা অফবা মরী অদু পল্লদুনা চেসকী হৌরকফম অসি ভারত্তনি অমসুং মসি লৈবাক অসিগী কলচরেল অমসুং ইন্তেলেকচুএল হেরিতেজকী মরু ওইবা শরুক অমনি হায়না মহাক্না ফোংদোকখি। মহাক্না হায়খি, "গ্লোবেল স্তেজতা মায়পাকপগা লোয়ননা, অদোম্না লৈবাক পুম্ববু চাউথোকচবা পোকহনবতা নত্তনা ঐখোয়গী ত্রেদিস্নেল হেরিতেজকী লেগেসীবুসু ইকাই খুম্নবা উৎলি।"

ভারতকী মপাঙ্গল অসি মাগী মেনপাৱরতা নত্তনা মাগী ব্রেনপাৱরদসু লৈ হায়না মন্দাবিয়ানা অকনবা ৱাফম থমখি। "স্পোর্তস দিসিপ্লিন পুম্নমক্তা তেলেন্তশিংবু পুক্নিং থৌগৎপা অমসুং য়োকখৎপা ইকোসিস্তেম অমা শেম্নবা ভারত সরকারনা ৱাশক্লি। ঐখোয়না ঐখোয়গী শান্নরোয়শিংনা মালেমগী থাক্তা মখোয়গী হৈশিংবা উৎনবা অমসুং লৈবাক অসিদা মীংচৎশিং পুরক্নবা পুক্নিং থৌগৎপা পাম্মি।"

মহাক্না স্পোর্তস দিবেলপমেন্তদা সরকারনা মীৎয়েং থম্লিবা অদু অমুক হন্না ফোংদোকখি। মহাক্না ভারতনা 2024 ফাওবদা স্পোর্তসকী লমদা মালেমগী খ্বাইদগী ফবা লৈবাক মঙাগী মনুংদা অমা ওইনবা পান্দম থম্লি হায়না ফোংদোকখি। মহাক্না মখা তারদুনা হায়খি, "ভারতনা চাউখৎলবা লৈবাক অমা ওইবগী মায়কৈদা চংশিল্লকপগা লোয়ননা ঐখোয়গী স্পোর্তসকী মায়পাকপশিং অসি ঐখোয়গী মালেমগী ওইবা শক্তমগী মরুওইবা শরুক অমা ওইরগনি।"

মেদল ফংলবশিংবু নহারোলশিংগী এক্তিব এম্বেসেদর ওইনবা তকশিনখি। মন্দাবিয়ানা মখোয়বু মখোয়গী কন্না হোৎনবগী, অখাং কনবা অমসুং কত্থোকপগী ৱারীশিং অসিবু মথংগী মীরোলদা শন্দোক্নবা পুক্নিং থৌগৎখি। "ঐহাক্না অদোমবু ঐখোয়গী নহাশিংবু পুক্নিং থৌগৎনবা স্কুলশিং, কোলেজশিং অমসুং অতোপ্পা ইন্সতিত্যুসনশিংদা চৎনবা হায়জরি। মখোয়গী ইনর্জী অসি লৈবাক শেমগৎপদা শীজিন্নবা অমসুং অদোমগী খোঙচৎ অসিনা মখোয়বু লমজিংনবা হায়জরি। য়ুথ আইকোনশিং অমসুং য়ুথ এম্বেসেদরশিং অনিমক অদোমনি, অমসুং 'নেসন ফার্স্ত'কী স্পিরিৎ অসি চেন্নবা মথংগী মীরোলবু পুক্নিং থৌগৎপা অসি অদোমগী থৌদাংনি।"

ভারত শিনবা থুংনা তোঙান তোঙানবা এজুকেস্নেল ইন্সতিত্যুসনশিংদা পাংথোক্লিবা মন্ত্রালয়গী ভিকসিৎ ভারত এম্বেসেদর - য়ুভা কনেক্ত প্রোগ্রামদা শরুক য়ানবা মহাক্না শান্নরোয়শিংদা পুক্নিং থৌগৎখি। “2047 ফাওবগী মনুংদা ভিকসিৎ ভারতকী প্রধান মন্ত্রীগী মঙলানবু মঙফাওনহন্নবা নহাশিংগী ইনর্জী অসি চেনেল্লাইজ তৌনবা খোঙথাং অসি পায়খৎলি। ঐহাক্না অদোমবু প্রোগ্রাম অসিদা থৌদাং লৌনবা অমসুং ঐখোয়গী লৈবাক্কী তুংলমচৎ শেমগৎপদা শরুক য়াবা হায়জরি।"

কেন্দ্রগী মন্ত্রীনা গেম অসিগী নহা ওইরিবা শান্নরোয় অমসুং গেম অসিগী হৌগৎলক্লিবা স্তার, গুকেশ দোমমারাজুগা লোয়ননা ফ্রেন্দলী চেস অমদা শরুক য়াখি।

ভারতনা ইভেন্ত অসিদগী গোল্দ মেদল অনি লৌদুনা শান্নরোয়শিংগী পুৱারীদা মশক থোকপা মাইলস্তোন অমা ওইখি -নুপাগী তীমনা ওপন কেতেগোরীদা গোল্দ অমসুং নুপীগী কেতেগোরীদাগোল্দ  অমা।

45শুবা চেস ওলিম্পিয়দতা, নুপা অমসুং নুপীগী শান্নরোয়শিংনা স্লোভেনিয়া অমসুং আজারবাইজানবু মথংশিৎনা ফাইনেল রাউন্দদা মায়থীবা পীদুনা চেসকী তাইতলশিং লৌখি। ওপন সেক্সনদা, তীম ইন্দিয়ানা মেৎচ 11গী মনুংদা 10দা মায় পাকখি, মমাংগী এদিসনগী চেম্পিয়ন - তীম উজবেকিস্তানগী মায়োক্তা অমখক্তং দ্রো চৎখি। ভারতনা পোইন্ত 21গা লোয়ননা তেবলগী মকোক্তা লৈরি। নুপীগী সেক্সনদা, তীম ইন্দিয়ানা মেৎচ 11গী মনুংদা 9দা মায় পাকখি। USAকী তীমগা অমদা দ্রো ওইখি অমসুং তীম পোলেন্দগা অমা পোখি। ভারতনা পোইন্ত 19গা লোয়ননা তেবলগী মকোক্তা লৈরি।

ভারতকী শান্নরোয় মরিনা মখোয়গী অখন্নবা পর্ফোমেন্সকীদমক ইন্দিভিজুএল গোল্দ মেদলসু ফংখি: ওপন সেক্সনদা বোর্দ 1দা গুকেশ দি. অমসুং বোর্দ 3দা অর্জুন ইরিগাইসি, লোয়ননা নুপীগী সেক্সনদা বোর্দ 3দা দিব্য দেশমুখ অমসুং বোর্দ 4দা ভান্তিকা আগরৱাল।

নুংঙাইবা ৱাফম অমদা, ঙরাং খক্তা মখোয়না প্রধান মন্ত্রী নরেন্দ্র মোদীগা উনদুনা ৱারী শানখি অমসুং ঙসি মখোয়বু কেন্দ্রগী মন্ত্রীশিংনা ইকায় খুম্নবা উৎপীরি হায়না ফোংদোক্লদুনা চেস চেম্পিয়নশিংনা মখোয়গী তৌবিমল খঙবা ফোংদোকখি। মখোয়না হায়খি মদুদি মসিনা মখোয়বু মখা তানা কন্না হোৎননবা অমসুং মখোয়গী তুংলমচৎকী মায় পাকপশিংনা লৈবাক্কী চাউথোকচবা ওইহন্নবা পুক্নিং থৌগৎলি।

*****