সেপ্তেম্বর ২৫, ২০১৪দা হৌদোকখিবা ‘মেক ইন ইন্দিয়া’ থৌরাং ভারতপু মালেমগী মেনুফেকচরিং হব অমা ওইরক্নবা মপাঙ্গল হাপ্তুনা লাকপগী শিংথানিংঙাই ওইবা দেকেদ অমা মপুং ফারে‍। প্রধান মন্ত্রী শ্রী নরেন্দ্র মোদীগী মীৎয়েঙ শান্বা লুচিং মখাদা, প্রোগ্রাম অসিনা দোমেস্তিক মেনুফেকচরিং হেনগৎহনবা, ইনোভেসন পুরকপা, স্কিল দিভেলপমেন্তকী ফীভম ফগৎহন্বা, অমসুং ফোরেন ইনভেস্তমেন্ত পুরকপদা মরুওইবা শক্লোন অমা লৌদুনা লাকখি‍।

চহি ১০ ইনোৎ হাপ্তুনা লাকখিবা: চাউরাকপা শক্তম অমা

ফোরেন দাইরেক্ত ইইনভেস্তমেন্ত (FDI): ২০১৪দগী হৌরগা, ভারতনা USD ৬৬৭.৪ বিলিয়নগী অপুন্বা FDI ইনফ্লোগা লোয়ননা (২০১৪-২৪), মমাঙগী দেকেদতগী (২০০৪-১৪) ১১৯% হেনগৎলকপা উবা ফংখি‍। চঙলক্লিবা ইনভেস্তমেন্ত অসি স্তেত ৩১ অমসুং সেক্তর ৫৭তা লাক্তুনা খেন্নবা মখল কয়াগী ইন্দস্ত্রীশিংদা চাউখৎপা পুরক্লি‍। স্ত্রেতেজিকেল্লী মরুওইবা সেক্তর খরখক নত্তনা অয়াম্বা সেক্তরশিং ওতোমেতিক রুতকী মখাদা ১০০% FDIগীদমক থোঙ হাংদুনা থম্লি‍। হৌখিবা দেকেদ (২০১৪-২৪) অসিদা মেনুফেকচরিং সেক্তরদা লাকখিবা FDI ইকুইতী ইনফ্লো USD ১৬৫.১ বিলিয়ন য়ৌদুনা, মমাঙদী দেকেদতা (২০০৪-১৪)দা USD ৯৭.৭ বিলিয়ন লাকখিবগা চাংদম্নবদা ৬৯% হেনগৎলকপা উখি‍।

প্রদক্সন লিঙ্ক ইন্সেন্তিব (PLI) স্কীম: ২০২০দা হৌদোকখিবা PLI স্কীম অসিনা লুপা করোর লাখ ১.৩২ (USD ১৬ বিলিয়ন) গী ইনভেস্তমেন্ত পুরকখি অমসুং মেনুফেকচরিং আউতপুত্তা মশক থোক্না হেনগৎহন্দুনা জুন ২০২৪ ফাওবদা লুপা করোর লাখ ১০.৯০ (USD ১৩০ বিলিয়ন) য়ৌখি‍। থৌরাং অসিনা মরম ওইরগা হকথেংননা অমসুং নাকোইননা থমক লাখ ৮.৫ হেন্না ফংহনখি‍।

এক্সপোর্ত অমসুং এমপ্লোইমেন্ত: ভারতকী মর্চেন্দাইজ এক্সপোর্ত FY ২০২৩-২৪দা USD ৪৩৭ বিলিয়ন হেন্দোকখি‍। PLI স্কীম্না মরম ওইরগা অহেন্বা লুপা করোর লাখ ৪গী এক্সপোর্ত জেনেরেত তৌদুনা মপান্দা পোৎ থাদোকপগী চাংসু মশক থোক্না ৱাংখৎখি, অদুগা মেনুফেকচরিং সেক্তরদা লৈরিবা অপুন্বা থবক পীবগী চাং ২০১৭-১৮দা মিলিয়ন ৫৭ ওইরম্বদগী ২০২২-২৩দা মিলিয়ন ৬৪.৪ য়ৌখি‍।

ইজ ওফ দুইং বিজিনেস: ভারতনা বিজিনেসকী ফীভম ফগৎহন্নবা লেপ্লিবা খোঙফম অসি ৱর্ল্দ বেঙ্ককী ইজ ওফ দুইং বিজিনেস রিপোর্ত্তা ২০১৪দা ১৪২শুবা রেঙ্কতা লৈরম্বদগী ২০১৯দা ৬৩শুবা রেঙ্কতা খঙহেন হেনগৎলকখিবা অসিনা তাক্লি‍। কম্প্লাইএন্স ৪২,০০০ হেন্না হন্থহনখ্রে, অমসুং প্রোভিজন ৩,৭০০ হেন্না দিক্রিমিনেলাইজ তৌখ্রে‍। লোক সভানা জুলাই ২৭, ২০২৩দা অমসুং রাজ্য সভানা ওগস্ত ২, ২০২৩দা পাস তৌখিবা জন বিস্বাস (এমেন্দমেন্ত ওফ প্রোভিজন্স) এক্ত, ২০২৩না কেন্দ্র এক্ত ৪২দা লৈরম্বা প্রোভিজন ১৮৩ দিক্রিমিনেলাইজ তৌখ্রে‍।

মরুওইবা রিফোর্মশিং

সেমিকন্দক্তর ইকোসিস্তেম দিভেলপমেন্ত: লুপা করোর ৭৬,০০০গী ওইগদবা সেমিকোন ইন্দিয়া প্রোগ্রাম্না কেপিতেল সপ্পোর্ত অমসুং তেক্নোলোজিকেল কোলাবোরেসন্দা মতেং পাংদুনা সেমিকন্দক্তর অমসুং দিসপ্লে মেনুফেকচরিংদা খোঙহৌ হাপ্নবা পান্দম থম্লি‍। ভারতনা ফেবখক্তদা নত্তনা পেকেজিং, দিসপ্লে ৱাইয়র, OSATs, সেন্সর, অমসুং অতৈ অতৈ য়াওনা সেমিকন্দক্তর ইকোসিস্তেমগী সেগমেন্ত খুদিংদা ঙাক্লৌ পীনবা থৌশিলশিং শেমগৎলে‍।

নেস্নেল সিঙ্গল ৱিন্দো সিস্তেম (NSWS): সেপ্তেম্বর ২০২১দা হৌদোকখিবা প্লেতফোর্ম অসিনা ইনভেস্তরশিংগী এক্সপিরিএন্স লায়থোকহল্লি, মন্ত্রালয়/দিপার্তমেন্ত ৩২ অমসুং স্তেত/য়ু.তি. ২৯গী ক্লিয়রেন্সশিং পুনশিল্লি অমসুং থুনা অয়াবা পীবা য়াহল্লি‍।

PM গতিশক্তি: লৈঙাক্কী তোঙান তোঙানবা মন্ত্রালয়/দিপার্তমেন্তশিংগী পোর্তেলশিংগী GIS তা য়ুম্ফম ওইবা প্লেতফোর্ম, PM গতি শক্তি নেস্নেল মাস্তর প্লান (NMP), ওক্তোবর ২০২১দা হৌদোকখি‍। মসি মল্দিমোদেল ইনফ্রাস্ত্রকচরগী ইন্তিগ্রেতেদ প্লান্নিংগা মরী লৈনবা দেতাদা য়ুম্ফম ওইবা ফিরেপ লৌবদা মতেঙ ওইনবা ত্রান্সফোর্মেতিব এপ্রোচ অমা ওইদুনা লোজিস্তক্কী শেঞ্জং হন্থহল্লি‍।

নেস্নেল লোজিস্তিক্স পোলিসী (NLP): লোজিস্তিক্কী শেঞ্জং হন্থহন্নবা অমসুং ইফিসিএন্সী হেনগৎহন্নবা পান্দম থমদুনা ২০২২দা হৌদোকখিবা NLP অসি ভারতকী পোত্থোকশিংবু মালেমগী ওইনা হেন্না চাংদম্নবা য়াবা ওইহন্বদা মরুওইবা থৌদাং লৌরি‍।

ইন্দস্ত্রিএল কোরিদোরশিং অমসুং ইনফ্রাস্ত্রকচর: নেস্নেল ইন্দস্ত্রিএল কোরিদোর দিভেলপমেন্ত প্রোগ্রামগী মখাদা ইন্দস্ত্রিএল কোরিদোর ১১ শেমগৎখিবদা লুপা করোর ২৮,৬০২ রোমগী ওইগদবা অনৌবা প্রোজেক্ত ১২ অয়াবা পীখিবা উখ্রে‍। হায়রিবা কোরিদোরশিং অসিনা মালেমগী থাক্কী ইনফ্রাস্ত্রকচর ফংহন্দুনা ভারতপু চাংদম্নবা য়াবগী থাক হেনগৎহল্লে‍।

ৱন-দিস্ত্রিক্ত-ৱন-প্রদক্ত (ODOP): ভারত পুম্বদা ইন্দিজিনস পোত্থোক অমসুং ক্রাফ্তসমেনসিন য়োকখত্তুনা, ODOP থৌরাং অসিনা, অসিগুম্বা তোপ তোপ্পা পোত্থোকশিং অসিগী ফম্পাক পীনবগীদমক স্তেত ২৭তা য়ুনিতী মোলশিং শেমগৎপগা লোয়ননা লম-লমগী শেন্মিৎলোন চাওখৎহন্বদা মতেঙ ওইরি‍।

স্তার্তঅপ ইন্দিয়া: ইনোভেসন মখোঙ শোম্বিনবা অমসুং ইনভেস্তমেন্ত পুক্নিং থৌগৎনবা অকন্বা ইকোসিস্তেম অমা শেমগৎনবগী পান্দমগা লোয়ননা লৈঙাক্না জনুৱারী ১৬, ২০১৬দা স্তার্তঅপ ইন্দিয়া থৌরাং হৌদোকখি‍। স্তার্তঅপ ইন্দিয়া থৌরাংগী মখাদা লৈঙাক্না লেপ্পা লৈতনা হোৎনবনা জুন ৩০, ২০২৪ ফাওবদা শকখঙলবা স্তার্তঅপ মশিং ১,৪০,৮০৩দা হেনগৎলক্তুনা হকথেংননা থবক লাখ ১৫.৫ পীখ্রে‍।

ভারত লৈঙাক্না, অচৌবা অমসুং ইচঙ থৌবা শেন্মিৎলোনগী এনভাইরনমেন্ত অমা পুরক্তুনা দোমেস্তিক অমসুং ফোরেন ইনভেস্তমেন্ত অনিমক হেনগৎহন্নবা মপুং ফাবা অমসুং মমায় কয়া লোংবা থৌওং অমা পায়খৎখ্রে‍। গুদ্স এন্দ সর্ভিস তেক্স (GST) অমসুং কোর্পোরেত তেক্স হন্থহন্বনচিংবা মশক নাইবা রিফোর্মশিংদগী হৌরগা ইজ ওফ দুইং বিজিনেসকী ফীভম ফগৎহন্নবা পান্দম থম্বা থৌরাংশিং অমসুং FDI মওং মরিল নাইহন্নবা থৌশিলশিং ফাওবদা, খোঙথাঙ খুদিং হেন্না ইনভেস্তমেন্ত-ফ্রেন্দলী ওইবা ইকোসিস্তেম অমা শেমগৎনবগী মায়কৈদা থাংজিল্লি‍। ফেজ মেনুফেকচরিং প্রোগ্রাম (PMP), পব্লিক প্রোক্যুরমেন্ত ওর্দর, অমসুং ক্বালিতী কন্ত্রোল ওর্দরশিং (QCOs)নচিংবা থৌরাংশিংনা দোমেস্তিক মেনুফেকচরিং হেনগৎহন্বা অমসুং পোত্থোক্কী ক্বালিতী ফগৎহন্বদা মীৎয়েঙ থম্লি‍।

আত্মনিরভর ভারত পেকেজ অমসুং নেস্নেল ইনফ্রাস্ত্রকচর পাইপলাইন (NIP) অমসুং নেস্নেল মোনিতাইজেসসন পাইপলাইন (NMP)গী মখাদা তৌখিবা তার্গেতেদ ইনভেস্তমেন্তকী খুত্থাঙদা COVID-19 না পীখিবা শিংনবা কয়াদা লৈঙাক্না ইচঙ থৌনা পায়খৎখিবা থৌরাংশিংনা থেংনখিবা খুদোংথিবদুবু চাওখৎনবগী খুদোংচাবা ওন্থোকখি‍। ইন্দিয়া ইন্দস্ত্রিএল লেন্দ বেঙ্ক (IILB), ইন্দস্ত্রিএল পার্ক রেতিং সিস্তেম (IPRS), অমসুং নেস্নেল সিঙ্গল ৱিন্দো সিস্তেম (NSWS) নচিংবা তুলশিংনা মখা তানা ইনভেস্তরশিংগী থৌওংশিং মওং মরিল নাইহনখি‍। মসিগী মথক্তা তোঙান তোঙানবা মন্ত্রালয়শিংদা লৈরিবা প্রোজেক্ত দিভেলপমেন্ত সেলশিংনা (PDCs) ইনভেস্তমেন্ত প্রপোজেলশিং ফাস্ত-ত্রেক তৌদুনা, ভারতপু মালেমগী অমসুং লমদমসিগী ইনভেস্তরশিংগী পুক্নিং চিংশিন্নিংঙাই ওইবা লমথুংফম অমা ওইহল্লি‍। পায়খৎখিবা থৌরাংশিং অসিনা মপুং ওইনা মেনুফেকচরিং অমসুং ইনোভেসনগী মচিন তুমখৎলক্লিবা মফম অমা ওইনা ভারতকী খোঙফম চেৎশিনহল্লি‍।

ভারতনা চাওখৎপগী মথঙগী দেকেদতা খোঙ থাংজিল্লকপগা লোয়ননা, মেক ইন ইন্দিয়া ২.০না সস্তেনেবিলিতী, ইনোভেসন, অমসুং সেল্ফ রিলাইন্স হেন্না খুমাঙ চাওশিলহন্বদা মীৎয়েঙ থম্লি‍। রিনিউএবল ইনর্জী, গ্রীন তেক্নোলোজীশিং, অমসুং এদভান্স মেনুফেকচরিংদা স্ত্রেতেজিক ইন্তরভেন্সন পীদুনা, থৌরাং অসিনা ভারতকী পোত্থোকশিংবু মালেমগী খ্বায়দগী ৱাংবা স্তেন্দর্দ ফংবা ঙমহল্লি‍।

*****