2014 செப்டம்பர் 25 அன்று தொடங்கப்பட்ட 'மேக் இன் இந்தியா' எனப்படும் இந்தியாவில் தயாரிப்போம் என்ற முன்முயற்சி, மைல்கல் நிகழ்வாக

தசாப்தத்தை நிறைவு செய்கிறது. பிரதமர் திரு நரேந்திர மோடியின் தொலைநோக்கு தலைமையின் கீழ், இந்த திட்டம் உள்நாட்டு உற்பத்தியை ஊக்குவிப்பது, புதுமைகளை ஊக்குவிப்பது, திறன் மேம்பாட்டை மேம்படுத்துவது மற்றும் வெளிநாட்டு முதலீட்டை ஊக்குவிப்பது ஆகியவற்றில் முக்கிய பங்கு வகிக்கிறது.

10 ஆண்டு தாக்கம்:

2014 முதல், இந்தியா 667.4 பில்லியன் அமெரிக்க டாலர் (2014-24) அந்நிய நேரடி முதலீட்டை ஈர்த்துள்ளது, இது முந்தைய 10 ஆண்டுகளை (2004-14) விட 119% அதிகரித்துள்ளது. இந்த முதலீட்டு வரத்து 31 மாநிலங்கள் மற்றும் 57 துறைகளில் பரவியுள்ளது. பெரும்பாலான துறைகள், 100% அந்நிய நேரடி முதலீட்டிற்கு திறந்துள்ளன. கடந்த பத்தாண்டுகளில் (2014-24) உற்பத்தித் துறையில் அந்நிய நேரடி முதலீடு 165.1 பில்லியன் அமெரிக்க டாலர்களை எட்டியது, இது முந்தைய 10 ஆண்டுகளுடன் (2004-14) ஒப்பிடும்போது 69% அதிகரிப்பாகும்.

உற்பத்தி இணைந்த ஊக்கத்தொகை (பிஎல்ஐ) திட்டம்: 2020-ல் அறிமுகப்படுத்தப்பட்ட பிஎல்ஐ திட்டங்கள் ₹1.32 லட்சம் கோடி  முதலீடுகள் மற்றும் ஜூன் 2024 நிலவரப்படி ₹10.90 லட்சம் கோடி உற்பத்தியில் குறிப்பிடத்தக்க ஊக்கத்தை அளித்துள்ளன. இந்த முயற்சியால் நேரடியாகவும், மறைமுகமாகவும் 8.5 லட்சம் வேலைவாய்ப்புகள் உருவாக்கப்பட்டுள்ளன.

ஏற்றுமதி & வேலைவாய்ப்பு: 2023-24 நிதியாண்டில் இந்தியாவின் வணிக ஏற்றுமதி 437 பில்லியன் அமெரிக்க டாலர்களைத் தாண்டியது.

எளிதாக வர்த்தகம் செய்தல்: உலக வங்கியின் வர்த்தகம் செய்தல் அறிக்கையில் 2014-ல் 142-வது இடத்தில் இருந்த இந்தியா 2019-ல் 63-வது இடத்திற்கு முன்னேறியிருப்பது வர்த்தக நிலைமைகளை மேம்படுத்துவதற்கான உறுதிப்பாட்டில் இந்தியா உள்ளதை எடுத்துக்காட்டுகிறது.

முக்கிய சீர்திருத்தங்கள்

செமிகண்டக்டர் சூழல் மேம்பாடு: ரூ .76,000 கோடி மதிப்புள்ள செமிகான் இந்தியா திட்டம், மூலதன ஆதரவு மற்றும் தொழில்நுட்ப ஒத்துழைப்புகளை எளிதாக்குவதன் மூலம் குறைக்கடத்தி உற்பத்திக்கு ஒரு உத்வேகத்தை வழங்குவதை நோக்கமாகக் கொண்டுள்ளது.

தேசிய ஒற்றைச் சாளர அமைப்பு: செப்டம்பர் 2021-ல் தொடங்கப்பட்ட இந்த தளம் முதலீட்டாளர் அனுபவத்தை எளிதாக்குகிறது, 32 அமைச்சகங்கள்/துறைகள் மற்றும் 29 மாநிலங்கள்/யூனியன் பிரதேசங்களின் அனுமதிகளை ஒருங்கிணைத்து, விரைவான ஒப்புதல்களை எளிதாக்குகிறது.

புத்தொழில் இந்தியா: புதிய கண்டுபிடிப்புகளை ஊக்குவிப்பதற்கும், முதலீடுகளை ஈர்ப்பதற்கும் வலுவான சூழலை உருவாக்கும் நோக்கத்துடன் 2016 ஜனவரி 16 அன்று ஸ்டார்ட் அப் இந்தியா முன்முயற்சியை அரசு தொடங்கியது.

இந்தியா தனது அடுத்த பத்தாண்டு வளர்ச்சியில் அடியெடுத்து வைக்கும் நிலையில், இந்தியாவில் தயாரிப்போம் 2.0 திட்டம் நிலைத்தன்மை, புதுமை மற்றும் தற்சார்பு ஆகியவற்றை மேம்படுத்துவதில் கவனம் செலுத்துகிறது. புதுப்பிக்கத்தக்க எரிசக்தி, பசுமை தொழில்நுட்பங்கள் மற்றும் மேம்பட்ட உற்பத்தி ஆகியவற்றில் உத்திசார் தலையீடுகளுடன், இந்திய தயாரிப்புகள் மிக உயர்ந்த உலகளாவிய தரங்களை பூர்த்தி செய்வதை இந்த முயற்சி உறுதி செய்கிறது.

மேலும் விவரங்களுக்கு இந்த ஆங்கிலச் செய்திக் குறிப்பை காணவும் - https://pib.gov.in/PressReleasePage.aspx?PRID=2058603

***

PLM/RR/KR/DL